LTTE Prabhakaran : “ಎಲ್ ಟಿಟಿಇ ಮುಖ್ಯಸ್ಥ ಪ್ರಭಾಕರನ್ ಜೀವಂತವಾಗಿದ್ದಾರೆ” ಸಂಚಲನಾತ್ಮಕ ಹೇಳಿಕೆ ನೀಡಿದ ನೆಡುಮಾರನ್…
ಎಲ್ ಟಿಟಿಇ ಮುಖ್ಯಸ್ಥ ಪ್ರಭಾಕರನ್ ಇನ್ನೂ ಜೀವಂತವಾಗಿದ್ದಾರೆ ಮತ್ತು ಶೀಘ್ರದಲ್ಲೇ ಜನರ ಎದುರಿಗೆ ಬರಲಿದ್ದಾರೆ ಎಂಬ ಸಂಚಲನಾತ್ಮಕ ಹೇಳಿಕೆಯನ್ನ ವಿಶ್ವ ತಮಿಳು ಒಕ್ಕೂಟದ ಅಧ್ಯಕ್ಷ ನೆಡುಮಾರನ್ ನೀಡಿದ್ದಾರೆ. ತಂಜಾವೂರಿನಲ್ಲಿ ಸೋಮವಾರ ಮಾಧ್ಯಮಗಳೊಂದಿಗೆ ಮಾತನಾಡಿದ ನೆಡುಮಾರನ್ ಪ್ರಮುಖ ಅಂಶವನ್ನ ಬಹಿರಂಗಪಡಿಸಿದ್ದಾರೆ.
ಪ್ರಭಾಕರನ್ ಅವರಿಗೆ ನೆಡುಮಾರನ್ ಆಪ್ತ ಎಂದು ತಿಳಿದುಬಂದಿದೆ. ತಂಜಾವೂರಿನಲ್ಲಿ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದ ನೆಡುಮಾರನ್ ಅವರು ಮಾಧ್ಯಮಗಳೊಂದಿಗೆ ಮಾತನಾಡಿ “ಎಲ್ಟಿಟಿಇ ಪ್ರಭಾಕರನ್ ಬದುಕಿದ್ದಾರೆ. ಅವರು ಈಗ ಆರೋಗ್ಯವಾಗಿದ್ದಾರೆ. ಶೀಘ್ರದಲ್ಲೇ ಅವರು ಜನರ ಮುಂದೆ ಬರಲಿದ್ದಾರೆ. ಪ್ರಭಾಕರ ಅವರ ಅನುಮತಿ ಮೇರೆಗೆ ಈ ಹೇಳಿಕೆ ನೀಡುತ್ತಿದ್ದೇನೆ ಎಂದು ತಿಳಿಸಿದ್ದಾರೆ.
ಪ್ರಭಾಕರನ್ ಬಗ್ಗೆ ತಮಿಳಿಗರಿಗೆ ಈ ಒಳ್ಳೆಯ ಸುದ್ದಿ ಹೇಳಲು ನನಗೆ ತುಂಬಾ ಸಂತೋಷವಾಗಿದೆ. ಆದರೆ, ಅವನು ಎಲ್ಲಿದ್ದಾನೆ ಎಂಬುದು ನನಗೆ ತಿಳಿದಿಲ್ಲ. ಆದರೆ, ಶೀಘ್ರದಲ್ಲೇ ಅವರು ತಮಿಳು ಈಳಂಗಾಗಿ ತಮ್ಮ ಚಟುವಟಿಕೆಯನ್ನು ಘೋಷಿಸಲಿದ್ದಾರೆ. ಜಗತ್ತಿನಾದ್ಯಂತ ಇರುವ ತಮಿಳರು ಪ್ರಭಾಕರನ್ ಅವರನ್ನು ಬೆಂಬಲಿಸಬೇಕು. ತಮಿಳುನಾಡು ಸರ್ಕಾರ ಮತ್ತು ರಾಜಕೀಯ ಪಕ್ಷಗಳೂ ಅವರ ಬೆಂಬಲಕ್ಕೆ ನಿಲ್ಲಬೇಕು. “ರಾಜಪಕ್ಸೆ ಆಡಳಿತದಲ್ಲಿ ಶ್ರೀಲಂಕಾದವರು ಎದುರಿಸುತ್ತಿರುವ ತೊಂದರೆಗಳನ್ನು ಗಮನಿಸಿದರೆ ಪ್ರಭಾಕರನ್ ಹೊರಬರಲು ಇದು ಉತ್ತಮ ಸಮಯ” ಎಂದು ನೆಡುಮಾರನ್ ಹೇಳಿದ್ದಾರೆ.
2009ರಲ್ಲಿ ಶ್ರೀಲಂಕಾ ಸೇನೆ ಮತ್ತು ಎಲ್ಟಿಟಿಇ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ ಪ್ರಭಾಕರನ್ ಸಾವನ್ನಪ್ಪಿದ್ದರು. ಆಗಿನ ಶ್ರೀಲಂಕಾ ಸರ್ಕಾರ ಅದಕ್ಕೆ ಸಂಬಂಧಿಸಿದ ಫೋಟೋಗಳನ್ನೂ ಬಿಡುಗಡೆ ಮಾಡಿತ್ತು.
LTTE Prabhakaran : “LTTE chief Prabhakaran is alive” Nedumaran gave a sensational statement…
