ಗ್ರಾಮ ಪಂಚಾಯತ್ ಚುನಾವಣೆ – bjp – ಶಿಂಧೆ ಬಣಕ್ಕೆ ಹೆಚ್ಚಿದ ಗೆಲುವು…
ಇತ್ತೀಚೆಗೆ ನಡೆದ ಮಹಾರಾಷ್ಟ್ರ ಗ್ರಾಮ ಪಂಚಾಯತ್ ಚುನಾವಣೆ 2022 ರಲ್ಲಿ ಬಿಜೆಪಿ ಬೆಂಬಲಿತ ಒಟ್ಟು 259 ಅಭ್ಯರ್ಥಿಗಳು ಭಾರಿ ಜಯ ದಾಖಲಿಸಿದ್ದಾರೆ. ಶರದ್ ಪವಾರ್ ನೇತೃತ್ವದ ಎನ್‌ಸಿಪಿ ದೂರದ ಎರಡನೇ ಸ್ಥಾನವನ್ನು ಗಳಿಸಿದರೆ, ಕಾಂಗ್ರೆಸ್ ಮೂರನೇ ಸ್ಥಾನದಲ್ಲಿದೆ. ಉದ್ಧವ್ ಠಾಕ್ರೆ ಅವರ ಬಣವು ನಾಲ್ಕನೇ ಸ್ಥಾನಕ್ಕೆ ಕುಸಿದಿದೆ.
ಬಿಜೆಪಿ ಬೆಂಬಲಿತ 259 ಅಭ್ಯರ್ಥಿಗಳು ಮತ್ತು ಮುಖ್ಯಮಂತ್ರಿ ಏಕನಾಥ್ ಶಿಂಧೆ ನೇತೃತ್ವದ ಶಿವಸೇನೆ ಬಣದ ಬೆಂಬಲಿತ 40 ನಾಮನಿರ್ದೇಶಿತರು ಸರಪಂಚ್‌ಗಳಾಗಿ ಆಯ್ಕೆಯಾಗಿದ್ದಾರೆ ಎಂದು ಬಿಜೆಪಿಯ ಮಹಾರಾಷ್ಟ್ರ ಘಟಕದ ಅಧ್ಯಕ್ಷ ಚಂದ್ರಶೇಖರ ಬಾವಂಕುಲೆ ಹೇಳಿದ್ದಾರೆ.
“ಒಟ್ಟಾರೆಯಾಗಿ, ಹೊಸದಾಗಿ ಚುನಾಯಿತರಾದ ಶೇಕಡಾ 50 ಕ್ಕಿಂತ ಹೆಚ್ಚು ಸರಪಂಚ್‌ಗಳು ಶಿಂಧೆ-ಬಿಜೆಪಿ ಮೈತ್ರಿಯ ಬೆಂಬಲಿಗರಾಗಿದ್ದಾರೆ”, ಗ್ರಾಮ ಪಂಚಾಯತ್ ಫಲಿತಾಂಶಗಳು ಶಿಂಧೆ-ಫಡ್ನವಿಸ್ ಸರ್ಕಾರದ ಮೇಲೆ ಮಹಾರಾಷ್ಟ್ರದ ನಂಬಿಕೆಯನ್ನು ದೃಢಪಡಿಸಿದೆ ಎಂದು ಬವಾಂಕುಲೆ ಹೇಳಿದರು.
ಮಹಾರಾಷ್ಟ್ರ ಗ್ರಾಮ ಪಂಚಾಯತ್: ಜಿಲ್ಲಾವಾರು ಲೆಕ್ಕ
ನಾಸಿಕ್: ನಾಸಿಕ್‌ನ 88 ಗ್ರಾಮ ಪಂಚಾಯಿತಿಗಳ ಪೈಕಿ ಎನ್‌ಸಿಪಿ 41, ಠಾಕ್ರೆ ಬಣ 13, ಬಿಜೆಪಿ ಮತ್ತು ಕಾಂಗ್ರೆಸ್ ತಲಾ ಐದು, ಶಿಂಧೆ ಕ್ಯಾಂಪ್ 1 ಮತ್ತು ಸಿಪಿಎಂ 8 ರಲ್ಲಿ ಗೆಲುವು ಸಾಧಿಸಿದೆ.
ಪುಣೆ: ಪುಣೆಯ 61 ಗ್ರಾಮ ಪಂಚಾಯಿತಿಗಳ ಪೈಕಿ ಎನ್‌ಸಿಪಿ 30, 6 ಅವಿರೋಧ, ಬಿಜೆಪಿ ಮತ್ತು ಶಿಂಧೆ ಪಾಳಯ ತಲಾ ಮೂರು ಹಾಗೂ ಸ್ಥಳೀಯ ಮೈತ್ರಿಕೂಟ 23ರಲ್ಲಿ ಗೆಲುವು ಸಾಧಿಸಿದೆ.
ಯವತ್ಮಾಲ್ (70 ಗ್ರಾಮ ಪಂಚಾಯಿತಿಗಳು): ಕಾಂಗ್ರೆಸ್ 33, ಬಿಜೆಪಿ 20, ಎನ್‌ಸಿಪಿ 9, ಠಾಕ್ರೆ ಬಣ ಮೂರು ಮತ್ತು ಸ್ಥಳೀಯ ಮೈತ್ರಿಗಳು 6 ಗೆದ್ದಿವೆ. ಕಬ್ಬು ಸಮೃದ್ಧವಾಗಿರುವ ಅಹ್ಮದ್‌ನಗರದಲ್ಲಿ ಎನ್‌ಸಿಪಿ 20, ಬಿಜೆಪಿ 16 ಮತ್ತು ಸ್ಥಳೀಯ ಮೈತ್ರಿಕೂಟಗಳು 9 ಸ್ಥಾನಗಳನ್ನು ಗೆದ್ದಿವೆ.
ನಂದೂರಬಾರ್ (75 ಗ್ರಾ.ಪಂ.): ಬಿಜೆಪಿ 42 ಗ್ರಾ.ಪಂ.ಗಳಲ್ಲಿ ಗೆಲುವು ದಾಖಲಿಸಿದರೆ, ಶಿಂಧೆ ಪಾಳಯ 28ರಲ್ಲಿ ಗೆಲುವು ಸಾಧಿಸಿದೆ.
ಮಹಾರಾಷ್ಟ್ರ ಗ್ರಾಮ ಪಂಚಾಯತ್ ಚುನಾವಣೆ 2022 ರ ಬಗ್ಗೆ
ರಾಜ್ಯದ 16 ಜಿಲ್ಲೆಗಳ 547 ಗ್ರಾಮ ಪಂಚಾಯಿತಿಗಳಿಗೆ ಭಾನುವಾರ ಮತದಾನ ನಡೆದಿದ್ದು, ಶೇ.76ರಷ್ಟು ಮತದಾನವಾಗಿದೆ. ಪಕ್ಷಾತೀತವಾಗಿ ಚುನಾವಣೆ ನಡೆದಿದ್ದು, ಸೋಮವಾರ ಮತ ಎಣಿಕೆ ಕಾರ್ಯ ನಡೆಯಿತು. ಗ್ರಾಮ ಪಂಚಾಯಿತಿಗಳ ಚುನಾವಣೆಯ ಜೊತೆಗೆ ಗ್ರಾಮಗಳ ಸರಪಂಚ್‌ಗಳ ಸ್ಥಾನಕ್ಕೂ ನೇರ ಚುನಾವಣೆ ನಡೆಯಿತು.
