ರಸ್ತೆಬದಿ ಪಾನಿಪೂರಿ ತಯಾರಿಸಿ ಮಕ್ಕಳಿಗೆ ಹಂಚಿದ ಮಮತಾ ಬ್ಯಾನರ್ಜಿ…
ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಮಂಗಳವಾರ ಉತ್ತರ ಬಂಗಾಳದ ಡಾರ್ಜಿಲಿಂಗ್‌ಗೆ ಭೇಟಿ ನೀಡಿದಾಗ ರಸ್ತೆ ಬದಿಯ ಅಂಗಡಿಯೊಂದರಲ್ಲಿ ನಿಲ್ಲಿಸಿ ಮಕ್ಕಳಿಗೆ ಪಾನಿಪೂರಿ ಬಡಿಸಿ ಅಚ್ಚರಿ ಮೂಡಿಸಿದ್ದಾರೆ.
ಮಂಗಳವಾರ ಗೂರ್ಖಾಲ್ಯಾಂಡ್ ಟೆರಿಟೋರಿಯಲ್ ಅಡ್ಮಿನಿಸ್ಟ್ರೇಷನ್ (ಜಿಟಿಎ) ಯ ನೂತನ ಮಂಡಳಿಯ ಪ್ರಮಾಣ ವಚನ ಸ್ವೀಕಾರ ಸಮಾರಂಭದಿಂದ ಹಿಂತಿರುಗುತ್ತಿದ್ದಾಗ, ಎಲ್ಲಾ ಮಹಿಳಾ ಸ್ವಸಹಾಯ ಗುಂಪು ನಡೆಸುತ್ತಿದ್ದ ರಸ್ತೆ ಬದಿಯ ತಿಂಡಿ ಅಂಗಡಿಯೊಂದರಲ್ಲಿ ಮುಖ್ಯಮಂತ್ರಿ ಇದ್ದಕ್ಕಿದ್ದಂತೆ ನಿಲ್ಲಿಸಿದರು. ಬಂಗಾಳದಲ್ಲಿ ‘ಫುಚ್ಕಾ’ ಎಂದು ಜನಪ್ರಿಯವಾಗಿರುವ ಗೋಲ್ಗಪ್ಪ ಅಥವಾ ಪಾನಿಪೂರಿ ಅಂಗಡಿ ಪ್ರಮುಖ ಆಕರ್ಷಣೆಯಾಗಿತ್ತು.
ಭದ್ರತಾ ಪ್ರೋಟೋಕಾಲ್‌ಗಳ ಬಗ್ಗೆ ಕಾಳಜಿ ವಹಿಸದೆ, ಗೋಲ್ಗಪ್ಪ ತಯಾರಿಸಿ ಅಂಗಡಿ ಮಾಲೀಕರನ್ನ ಆಶ್ಚರ್ಯಚಕಿತಗೊಳಿಸಿದರು. ಕೆಲವೇ ನಿಮಿಷಗಳಲ್ಲಿ, ಜನಸಮೂಹವು ಅವರನ್ನ ಮುತ್ತಿಕೊಂಡಿತು. ಆಗ ಮಮತಾ ಬ್ಯಾನರ್ಜಿಯವರು ಮಕ್ಕಳಿಗೆ ಪಾನಿಪೂರಿಗಳನ್ನ ಹಂಚುತ್ತಿರುವುದು ಕಂಡುಬಂತು. ಹೊರಡುವ ಮುನ್ನ ಅಂಗಡಿ ಮಾಲೀಕರಿಗೆ ಹಣ ಕೊಡುವುದನ್ನ ಮರೆಯಲಿಲ್ಲ.
Mamata Banerjee prepared roadside panipuri and distributed it to children…
