ಮಾಸ್ತಿಫ್ ಬಲಿಷ್ಠ ಶ್ವಾನ ತಳಿಗಳು : ಈ ಶ್ವಾನಗಳ ಬಗ್ಗೆ ನಿಮಗೆಷ್ಟು ಗೊತ್ತು? Saakshatv vishwa vismaya episode3
Mastiff ಎಂದರೆ ಇಂಗ್ಲೀಷಿನಲ್ಲಿ ಬಲಿಷ್ಠ ದವಡೆ ಉಳ್ಳ, ಹೆಚ್ಚು ತೂಕವುಳ್ಳ, ಇಳಿಬಿದ್ದ ಕಿವಿಗಳುಳ್ಳ ಬಲಿಷ್ಠ ನಾಯಿ ಜಾತಿ ಎಂದರ್ಥ. ಇಂದು ವಿಶ್ವದಾದ್ಯಂತ ಅನೇಕಾರು ಮಾಸ್ಟಿಫ್ ತಳಿಗಳಿವೆ. ಅವುಗಳಲ್ಲೆಲ್ಲ ಹೆಚ್ಚು ದೊಡ್ಡ ಜಾತಿ ಎಂದರೆ ಅದು ಇಂಗ್ಲೆಂಡ್ ಮೂಲದ ಇಂಗ್ಲೀಷ್ ಮ್ಯಾಸ್ತಿಫ್ ! ಇದು 30 ಇಂಚಿನವರೆಗು ಬೆಳೆದು 200 ಪೌಂಡ್ ಗಳವರೆಗು ತೂಗಬಲ್ಲುದು. ಇದನ್ನ ಬುಲ್ ಡಾಗ್ ಎಂದೂ ಕರೆಯುತ್ತಾರೆ. ಕೆಲವು ಜಾತಿಯ ಪಿಟ್ ಬುಲ್ ಗಳೂ ಸಹ ಇದರ ಅಡಿ ಬರುತ್ತವೆ. Saakshatv vishwa vismaya episode3
ಎರಡನೆಯದ್ದು ಸೌತ್ ಆಫ್ರಿಕನ್ ಮ್ಯಾಸ್ತಿಫ್ ! ಇದರ ಮೂಲ ದಕ್ಷಿಣ ಆಫ್ರಿಕಾ. ದಕ್ಷಿಣ ಆಫ್ರಿಕಾ ಖಂಡದ ಈ ತಳಿಯೂ ಸಹ ಅತ್ಯಂತ ಕಷ್ಟಸಹಿಷ್ಣು ಆಗಿದ್ದು ಕೆಲವೊಮ್ಮೆ ಇಂಗ್ಲೀಷ್ ಮ್ಯಾಸ್ತಿಫ್ ಗಿಂತಲು ಹೆಚ್ಚು ರೋಷದ ನಾಯಿಯಾಗಬಲ್ಲುದು. ಮೂರನೆಯದ್ದು ಔಚಾರ್ಕಾ ಕಕೇಶಿಯನ್ ಮೌಟೇನ್ ಡಾಗ್. ಇದನ್ನ ಕಕೇಶಿಯನ್ ಮ್ಯಾಸ್ತಿಫ್ ಎಂದೂ ಸಹ ಕರೆಯುತ್ತಾರೆ. ಇದರ ಮೂಲ ರಷ್ಯಾ ದೇಶ. ಹಾಗೂ ಕಕೇಶಿಯನ್ ಪ್ರಾಂತ್ಯದ ಅಡಿ ಬರುವ ಜಾರ್ಜಿಯಾ, ಅಜರ್ಬೈಜಾನ್, ಅರ್ಮೇನಿಯಾ, ಡಜೆಸ್ತಾನ್ ಮುಂತಾದೆಡೆಯೂ ಸಹ ಇವು ಕಂಡು ಬರುತ್ತವೆ.
ಇವು ಜೂಲು ಕೂದಲಿನ ಬಲಿಷ್ಠ ದವಡೆಯ ನಾಯಿಗಳು. ಒಂದು ಥಿಯರಿಯ ಪ್ರಕಾರ ಇವು ಸಿಂಹವನ್ನೂ ಸಹ ಮಣಿಸುತ್ತವೆ. ಸಂದರ್ಭ ಒದಗಿದರೆ ಸಿಂಹದಂತಹ ಮೃಗವನ್ನೂ ಸಹ ದಾಳಿ ಮಾಡಿ ಕೊಲ್ಲಬಲ್ಲವು. ಮ್ಯಾಸ್ತಿಫ್ ಎಂಬ ಪದ ಲ್ಯಾಟಿನ್ ಹಾಗೂ ರೋಮನ್ ಭಾಷೆಗಳಿಂದ ಬಂದಿದೆ. ವಿಶ್ವದಲ್ಲಿ ಹತ್ತಾರು ಬಗೆಯ ಮ್ಯಾಸ್ತಿಫ್ ಗಳಿವೆ. ಬ್ರೆಜಿಲಿಯನ್, ಫ್ರೆಂಚ್, ಅಮೇರಿಕನ್, ಜರ್ಮನ್, ಸ್ಪ್ಯಾನಿಷ್, ಆಫ್ರಿಕನ್ ಹೀಗೆ. ಜರ್ಮನ್ ಹಾಗೂ ಅಮೇರಿಕನ್ ಮೂಲದ ರಾಟ್ವೈಲರ್ ಸಹ ಪ್ರಾಚೀನ ಮ್ಯಾಸ್ತಿಫ್ ತಳಿಗಳಲ್ಲೊಂದು.
ಇವು ಉತ್ತಮ ಕುರಿಗಾಹಿ ನಾಯಿಗಳು. ಉತ್ತಮ ಸ್ನೇಹಿತರೂ ಸಹ ಇವು ಆಗಬಲ್ಲವು. ಮಕ್ಕಳೊಂದಿಗೆ ಮನೆಯವರೊಂದಿಗೆ ಚೆನ್ನಾಗಿ ಹೊಂದಿಕೊಳ್ಳುತ್ತವಾದರೂ, ಇವುಗಳ ಬಳಿ ಅಪರಿಚಿತರು ಅತ್ಯಂತ ಎಚ್ಚರಿಕೆಯಿಂದಿರಬೇಕು. ಇವು ಎಷ್ಟೊ ಸೌಮ್ಯ ಸ್ವಭಾವದವೊ ತಲೆ ಕೆಟ್ಟರೆ ಅಷ್ಟೇ ಕ್ರೂರ ಮೃಗಗಳೂ ಸಹ ಆಗಬಲ್ಲವು. ಕೆಲವು ಜಾತಿಯ ಮ್ಯಾಸ್ತಿಫ್ ಗಳು 36-40 ಇಂಚುಗಳವರೆಗು ಬೆಳೆದ ಉದಾಹರಣೆಗಳಿವೆ. ಮ್ಯಾಸ್ತಿಫ್ ಗಳಲ್ಲೆ ಅತ್ಯಂತ ಎತ್ತರದ ಜಾತಿಯೆಂದರೆ ಅದು ಗ್ರೇಟ್ ಡೇನ್. ಸ್ಪ್ಯಾನಿಷ್, ಟಿಬೇಟಿಯನ್ ಹಾಗೂ ಸೌತ್ ಆಫ್ರಿಕನ್ ಮ್ಯಾಸ್ತಿಫ್ ಗಳೂ ಸಹ ಸ್ಪರ್ಧೆಯಲ್ಲಿ ಗೆದ್ದಿವೆಯಾದರೂ ಸಾಮಾನ್ಯವಾಗಿ ಇಂಗ್ಲೀಷ್ ಮ್ಯಾಸ್ತಿಫ್ ತನ್ನ ದೇಹಗಾತ್ರ ಹಾಗೂ ಒರಟು ಸ್ವಭಾವದಲ್ಲಿ consistent ಆಗಿ ಮೊದಲ ಸ್ಥಾನದಲ್ಲಿದೆ
ಸಂಗ್ರಹ ಲೇಖನ:- ಇಂದೂಧರ್ ಒಡೆಯರ್ ಚಿತ್ರದುರ್ಗ (ಡುಗ್ಗು)
ಹವ್ಯಾಸಿ ಬರಹಗಾರ
ಸಾಕ್ಷಾ ಟಿವಿಯ ವಿಶ್ವ ವಿಸ್ಮಯ ಅಂಕಣಕಾರ ಇಂದೂದರ್ ಒಡೆಯರ್ ಚಿತ್ರದುರ್ಗ ಅವರ ಕಿರು ಪರಿಚಯ
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
