ಬಟ್ಲರ್ ಬೊಂಬಾಟ್ ಶತಕ.. ಮುಂಬೈಗೆ 194 ರನ್ ಗಳ ಗುರಿ..!
ರಾಜಸ್ಥಾನ್ ರಾಯಲ್ಸ್ ತಂಡದ ಆರಂಭಿಕ ಜೋಸ್ ಬಟ್ಲರ್ ಭರ್ಜರಿ ಶತಕ.. ಸಂಜು ಸ್ಯಾಮ್ಸನ್, ಹಿಟ್ಮೆಯರ್ ಜವಾಬ್ದಾರಿಯುತ ಬ್ಯಾಟಿಂಗ್ ಪ್ರದರ್ಶನ, ಮುಂಬೈ ಪರ ಜಸ್ಪ್ರಿತ್ ಬೂಮ್ರಾ, ಮಿಲ್ಸ್ ಉತ್ತಮ ಬೌಲಿಂಗ್ ಪ್ರದರ್ಶನ ಇದು ಮುಂಬೈ ಇಂಡಿಯನ್ಸ್ ಮತ್ತು ರಾಜಸ್ಥಾನ ರಾಯಲ್ಸ್ ಪಂದ್ಯದ ಮೊದಲಾರ್ಧದ ಹೈಲೆಟ್ಸ್..!!
ಇಂಡಿಯನ್ ಪ್ರಿಮಿಯರ್ ಲೀಗ್ ನ 9 ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ರಾಯಲ್ಸ್ ತಂಡಗಳು ಮುಖಾಮುಖಿಯಾಗಿವೆ. ಪಂದ್ಯದಲ್ಲಿ ಮೊದಲು ಟಾಸ್ ಗೆದ್ದ ಮುಂಬೈ ತಂಡ ಬೌಲಿಂಗ್ ಆಯ್ದುಕೊಳ್ತು. ಅಂದುಕೊಂಡಂತೆ ರಾಯಲ್ಸ್ ಗೆ ಮುಂಬೈ ಬೌಲರ್ ಗಳು ಆರಂಭಿಕ ಆಘಾತ ನೀಡಿದರು. ಆರಂಭಿಕ ಆಟಗಾರ ಜೈಸ್ವಾಲ್ 1 ರನ್ , ದೇವದತ್ ಪಡಿಕ್ಕಲ್ 7 ರನ್ ಗಳಿಸಿ ಬೇಗ ಪೆವಿಲಿಯನ್ ಸೇರಿಕೊಂಡರು. ಇದಾದ ಬಳಿಕ ಬಟ್ಲರ್ ಜೊತೆ ಸೇರಿದ ಸಂಜು ಉತ್ತಮ ಇನ್ನಿಂಗ್ಸ್ ಕಟ್ಟಿದರು. ಈ ಹಂತದಲ್ಲಿ ಬಟ್ಲರ್ ಅರ್ಧಶತಕ ಪೂರೈಸಿದರು. ಆದ್ರೆ 30 ರನ್ ಗಳಿಸಿದ ಸಂಜು ಪೋಲಾರ್ಡ್ ಗೆ ವಿಕೆಟ್ ಒಪ್ಪಿಸಿದ್ರು. ಇದಾದ ಬಳಿಕ ಹೆಟ್ಮೇಯರ್ ಮತ್ತು ಬ್ಲಟರ್ ಜೋಡಿ ಮುಂಬೈ ಬೌಲರ್ ಗಳ ಬೆಂಡೆತ್ತಿದರು. ಈ ಜೋಡಿ 50 ರನ್ ಗಳ ಜೊತೆಯಾಟದ ಕೊಡಗೆ ನೀಡಿದರು. 14 ಎಸೆತಗಳಲ್ಲಿ 35 ರನ್ ಗಳಿಸಿದ್ದ ಶಿಮ್ರೋನ್ ಬುಮ್ರಾಗೆ ವಿಕೆಟ್ ನೀಡಿದರು. ಕೊನೆಯವರೆಗೂ ಮುಂಬೈ ಬೌಲರ್ ಗಳನ್ನು ಬೆಂಡಿತ್ತಿದ್ದ ಬಟ್ಲರ್ ಐಪಿಎಲ್ ನಲ್ಲಿ 2ನೇ ಶತಕ ಸಿಡಿಸಿದರು.
ಈ ಇನ್ನಿಂಗ್ಸ್ ನಲ್ಲಿ 68 ಎಸೆತಗಳನ್ನು ಎದುರಿಸಿದ ಬಟ್ಲರ್, 100 ರನ್ ಗಳಿಸಿದರು. ಇದರಲ್ಲಿ 11 ಬೌಂಡರಿ, 5 ಸಿಕ್ಸರ್ ಗಳಿವೆ. ಅಂತಿಮವಾಗಿ ರಾಯಲ್ಸ್ ತಂಡ ನಿಗದಿತ 20 ಓವರ್ ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 193 ರನ್ ಗಳಿಸಿದೆ.
ಮುಂಬೈ ಇಂಡಿಯನ್ಸ್ ಪರ ಬೂಮ್ರಾ, ಮಿಲ್ಸ್ ತಲಾ ಮೂರು 3 ವಿಕೆಟ್ ಪಡೆದರು. ಪೋಲಾರ್ಡ್ ಒಂದು ವಿಕೆಟ್ ಪಡೆದರು. mi-vs-rr- jos-buttlers-ton-helped-rr-post-a-total-of-193-8-on-board/
