ಇತ್ತೀಚೆಗೆ ಹೊಸಬರ ಚಿತ್ರಗಳಿಗೂ ಕೂಡ ಮಾನ್ಯತೆ ಸಿಗುತ್ತಿದ್ದು, ಹಲವು ಸ್ಟಾರ್ ಗಳು ರಾತ್ರೋ ರಾತ್ರಿ ಬೆಳೆಯುತ್ತಿದ್ದಾರೆ. ಈ ಸಾಲಿಗೆ ಈಗ ಲಾಪತಾ ಲೇಡೀಸ್ ಚಿತ್ರ ಬಂದು ನಿಂತಿದೆ.
ಕೇವಲ ನಾಲ್ಕು ಕೋಟಿ ಬಜೆಟ್ ನಲ್ಲಿ ನಿರ್ಮಿಸಲಾಗಿರುವ ಈ ಸಿನಿಮಾ ನೂರಾರು ಕೋಟಿ ಬಜೆಟ್ ಸ್ಟಾರ್ ನಟರ ಸಿನಿಮಾ ಆಗಿರುವ ‘ಅನಿಮಲ್’ (Animal) ನ್ನು ಹಿಂದಿಕ್ಕಿದೆ. ಯಾವುದೇ ಸ್ಟಾರ್ ನಟರಿಲ್ಲದ, ಸರಳವಾದ ಕತೆಯನ್ನಷ್ಟೆ ಹೊಂದಿದ್ದ ಈ ಸಿನಿಮಾ ಸೂಪರ್ ಹಿಟ್ ಆಗಿದೆ. ಬ್ಲಾಕ್ ಬಸ್ಟರ್ ಸಿನಿಮಾ ‘ಅನಿಮಲ್’ ಅನ್ನು ಹಿಂದಿಕ್ಕಿದೆ, ಬಾಕ್ಸ್ ಆಫೀಸ್ ನಲ್ಲಿ ಅಲ್ಲ, ಬದಲಿಗೆ ಒಟಿಟಿಯಲ್ಲಿ ಎಂಬುವುದು ವಿಶೇಷ.
ಮಾರ್ಚ್ 1ಕ್ಕೆ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಿದ್ದ ‘ಲಾಪತಾ ಲೇಡೀಸ್’ ಸಿನಿಮಾ ಚಿತ್ರಮಂದಿರದಲ್ಲಿ ಅಷ್ಟೊಂದು ಯಶಸ್ಸು ಕಾಣಲಿಲ್ಲ. ಆದರೆ, ಒಟಿಟಿಯಲ್ಲಿ ಬಿಡುಗಡೆ ಆದ ಬಳಿಕ ಭಾರಿ ಯಶಸ್ಸು ಗಳಿಸಿಕೊಂಡಿತು. ನೆಟ್ ಪ್ಲೇಕ್ಸ್ ನಲ್ಲಿ ‘ಅನಿಮಲ್’ ಸಿನಿಮಾದ ದಾಖಲೆಯನ್ನು ಕಾಡ ‘ಲಾಪತಾ ಲೇಡೀಸ್ ಮುರಿದಿದೆ.
ಆಮಿರ್ ಖಾನ್ ನಿರ್ಮಾಣ ಮಾಡಿರುವ ಈ ಸಿನಿಮಾ ನೆಟ್ ಫ್ಲಿಕ್ಸ್ ನಲ್ಲಿ ತಿಂಗಳಿಗೆ 13.8 ಮಿಲಿಯನ್ ಅಂದರೆ 1.38 ಕೋಟಿ ಬಾರಿ ವೀಕ್ಷಣೆ ಕಂಡಿದೆ. ‘ಅನಿಮಲ್’ ಸಿನಿಮಾ ನೆಟ್ ಫ್ಲಿಕ್ಸ್ ನಲ್ಲಿ 1.36 ಕೋಟಿ ವೀಕ್ಷಣೆ ಕಂಡಿತ್ತು.
‘ಲಾಪತಾ ಲೇಡೀಸ್’ ಕಳೆದು ಹೋಗುವ ಇಬ್ಬರು ವಧುಗಳ ಬಗೆಗಿನ ಕತೆಯಾಗಿದೆ. ಸಿನಿಮಾದಲ್ಲಿ ನಿತಾಂಶಿ ಘೋಯಲ್, ಪ್ರತಿಭಾ ರಂತಾ, ಸ್ಪರ್ಷ್ ಶ್ರೀವತ್ಸ, ಚಯ್ಯಾ ಕದಮ್ ಅಂಥಹಾ ಹೊಸ ನಟರು ನಟಿಸಿದ್ದಾರೆ.