Modi speech in Parliament : ಕೆಲವರು ರಾಷ್ಟ್ರಪತಿಳಿಗೆ ಅವಮಾನ ಮಾಡುತ್ತಿದ್ದಾರೆ, ದ್ವೇಷ ತೋರಿಸುತ್ತಿದ್ದಾರೆ – ಮೋದಿ…
ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಸಂಸತ್ತಿನಲ್ಲಿ ಮಾಡಿದ ಭಾಷಣ ನಮಗೆ ಸ್ಫೂರ್ತಿ ನೀಡಿದೆ ಎಂದು ಪ್ರಧಾನಿ ಮೋದಿ ಸಂಸತ್ ಅಧಿವೇಶನಲ್ಲಿ ಹೇಳಿದರು. ಇಂದು ಲೋಕಸಭೆಯಲ್ಲಿ ರಾಷ್ಟ್ರಪತಿಗಳಿಗೆ ವಂದನಾ ನಿರ್ಣಯದ ಮೇಲೆ ಪ್ರಧಾನಿ ಮೋದಿ ಮಾತನಾಡಿ ದ್ರೌಪದಿ ಮುರ್ಮು ಅವರ ಮೂಲಕ ಆದಿವಾಸಿ ಸಮುದಾಯಕ್ಕೆ ಗೌರವ ಸಿಕ್ಕಿದೆ ಎಂದು ಹೇಳಿದರು.
ದ್ರೌಪದಿ ಮುರ್ಮು ಅವರು ದೇಶದ ಮಹಿಳೆಯರಿಗೆ ಸ್ಪೂರ್ತಿಯಾಗಿದ್ದಾರೆ, ಆದರೇ ಕೆಲ ಮುಖಂಡರು ರಾಷ್ಟ್ರಪತಿಗಳಿಗೆ ಅವಮಾನ ಮಾಡುವಂತಹ ಮಾತನಾಡುತ್ತಿದ್ದಾರೆ. ಸಂಸತ್ತಿನಲ್ಲಿ ರಾಷ್ಟ್ರಪತಿ ಭಾಷಣ ನಡೆಯುತ್ತಿರುವಾಗ ಕೆಲ ಸದಸ್ಯರು ಸದನಕ್ಕೆ ಬರಲಿಲ್ಲ. ದೊಡ್ಡ ನಾಯಕರೊಬ್ಬರು ರಾಷ್ಟ್ರಪತಿಗಳಿಗೆ ಅವಮಾನ ಮಾಡುವ ರೀತಿಯಲ್ಲಿ ವರ್ತಿಸಿದ್ದಾರೆ. ಎಸ್ಟಿಗಳ ವಿರುದ್ಧ ದ್ವೇಷ ತೋರಿಸಿದರು. ಕೆಲ ನಾಯಕರ ದ್ವೇಷ ಅವರ ಮಾತಿನ ಮೂಲಕವೇ ಬಯಲಾಗಿದೆ. ಭಾರತವು ಜಿ 20 ಅನ್ನು ಮುನ್ನಡೆಸುತ್ತಿದೆ ಎಂಬ ಅಂಶವು ಕೆಲವರನ್ನ ಕಾಡುತ್ತಿದೆ. ದೇಶದ 140 ಕೋಟಿ ಜನರಿಗೆ ಇಲ್ಲದ ನೋವು ಕೆಲವೇ ಜನರಿಗಿದೆ. ಅಂತಹವರು ಆತ್ಮಾವಲೋಕನ ಮಾಡಿಕೊಳ್ಳಬೇಕು.
ನಮ್ಮ ದೇಶ ವಿಶ್ವಕ್ಕೆ ಭರವಸೆಯ ಬೆಳಕಾಗಿದೆ. ಕೊರೊನಾ ಕೆಲವು ದೇಶಗಳಿಗೆ ತಟ್ಟಿದೆ. ಕೊರೊನಾ ಸಂಕಷ್ಟದಿಂದ ಭಾರತ ಸಂಪೂರ್ಣ ಚೇತರಿಸಿಕೊಂಡಿದೆ. 100 ವರ್ಷಗಳಿಗೊಮ್ಮೆ ನಾವು ಕರೋನಾದಂತಹ ಸಾಂಕ್ರಾಮಿಕ ರೋಗದಿಂದ ಬಳಲುತ್ತೇವೆ. ಮತ್ತೊಂದೆಡೆ, ಜಗತ್ತು ಯುದ್ಧದಂತಹ ಪರಿಸ್ಥಿತಿಯನ್ನು ಹೊಂದಿದೆ. ಇಂತಹ ಸನ್ನಿವೇಶಗಳನ್ನು ನಮ್ಮ ದೇಶ ಯಶಸ್ವಿಯಾಗಿ ಎದುರಿಸಿದೆ.
ಹಿಂದಿನ ಯುಪಿಎ ಸರ್ಕಾರದ ಅವಧಿಯಲ್ಲಿ ದೇಶದಲ್ಲಿ ಭಯೋತ್ಪಾದನೆ ಮತ್ತು ಭ್ರಷ್ಟಾಚಾರ ಮಿತಿಮೀರಿತ್ತು. ಈಗ ಅಂತಹ ಯಾವುದೇ ಷರತ್ತುಗಳಿಲ್ಲ. ದೇಶವು ಈಗ ಸ್ಥಿರ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸರ್ಕಾರವನ್ನು ಹೊಂದಿದೆ. ಒಂಬತ್ತು ವರ್ಷಗಳಿಂದ ವಿರೋಧ ಪಕ್ಷದ ಏನನ್ನೂ ಯೋಚಿಸದೇ ಮತ್ತು ಗಮನ ಹರಿಸದೇ ಕೇವಲ ಆರೋಪಗಳನ್ನ ಮಾಡುತ್ತಿದ್ದಾರೆ ಎಂದು ಪ್ರಧಾನಿ ಮೋದಿ ಹೇಳಿದರು.
Modi speech in Parliament : Some people are insulting the President, showing hatred – Modi…
