ನವದೆಹಲಿ: ಇಂಗ್ಲೆಂಡ್ (England) ಟೆಸ್ಟ್ ಸರಣಿ ಮಧ್ಯೆ ಆಲ್‌ ರೌಂಡರ್ ಮೊಯಿನ್ ಅಲಿ (Moeen Ali) ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ನಿವೃತ್ತಿ ಘೋಷಿಸಿದ್ದಾರೆ.
ಆಸ್ಟ್ರೇಲಿಯಾ ವಿರುದ್ಧದ ಸ್ವದೇಶಿ ಸರಣಿಯಲ್ಲಿ ಇಂಗ್ಲೆಂಡ್ ನ ವೈಟ್-ಬಾಲ್ ತಂಡಗಳಿಗೆ ಆಯ್ಕೆದಾರರು ಮೊಯಿನ್ ಅವರನ್ನು ಕಡೆಗಣಿಸಿದ್ದಾರೆ. ಹೀಗಾಗಿ ಅವರು ತಂಡದಿಂದ ದೂರ ಸರಿಯಲು ಮುಂದಾಗಿದ್ದಾರೆ. ಎಲ್ಲ ಸ್ವರೂಪಗಳಲ್ಲಿಯೂ ಮೊಯಿನ್ ಅಲಿ ಇಂಗ್ಲೆಂಡ್ ಗಾಗಿ ಗಮನಾರ್ಹವಾದ ಕೊಡುಗೆ ನೀಡಿದ್ದರು.
ಸಂದರ್ಶನವೊಂದರಲ್ಲಿ ನಿವೃತ್ತಿ ಕುರಿತು ಮೊಯಿನ್ ಅಲಿ ಪ್ರಸ್ತಾಪಿಸಿ, ಇಂಗ್ಲೆಂಡ್ ಗಾಗಿ ಆಡಿರುವುದು ನನ್ನ ಜೀವನದ ಅತ್ಯುತ್ತಮ ದಿನಗಳು ಎಂದು ಹೇಳಿದ್ದಾರೆ.
ಮೊಯಿನ್ ಅಲಿ ಇಂಗ್ಲೆಂಡ್ ಪರ 68 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, 204 ವಿಕೆಟ್‌ ಗಳನ್ನು ಪಡೆದಿದ್ದಾರೆ. ಅಲ್ಲದೇ, 3,094 ರನ್ ಗಳನ್ನು ಗಳಿಸಿದ್ದಾರೆ. 138 ODI ಗಳಲ್ಲಿ 2,355 ರನ್ ಕಲೆ ಹಾಕಿದ್ದು, 111 ವಿಕೆಟ್‌ ಗಳನ್ನು ಕಿತ್ತಿದ್ದಾರೆ. 92 T20 ಪಂದ್ಯಗಳಲ್ಲಿ, ಮೊಯಿನ್ 1,229 ರನ್ ಗಳಿಸಿದ್ದಾರೆ. 51 ವಿಕೆಟ್‌ ಪಡೆದ ಸಾಧನೆ ಮಾಡಿದ್ದಾರೆ.
