MS Dhoni : ಧೋನಿಗೆ ಇದೇ ಕೊನೆ ಸೀಸನ್ – IPLಗೆ ತನ್ನದೇ ಸ್ಟೈಲ್ ನಲ್ಲಿ ವಿದಾಯ…….
ಮುಂಬರುವ IPL ಸೀಸನ್ ಅನ್ನ ಚೆನೈ ಸೂಪರ್ ಕಿಂಗ್ಸ್ ಅದ್ದೂರಿಯಾಗಿ ಆಚರಿಸಲಿದೆ ಎಂದು ಆಸ್ಟ್ರೇಲಿಯದ ಮಾಜಿ ಆರಂಭಿಕ ಆಟಗಾರ ಮ್ಯಾಥ್ಯೂ ಹೇಡನ್ ಹೇಳಿದ್ದಾರೆ. ಕಾರಣ ಎಮ್ ಎಸ್ ಧೋನಿ IPL ನಲ್ಲಿ ಕೊನೆಯ ಭಾರಿಗೆ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಭಾರತಕ್ಕೆ ಹಲವು ಅಂತರಾಷ್ಟ್ರೀಯ ಕಪ್ ಗಳನ್ನ ಗೆದ್ದು ಕೊಟ್ಟಿರುವ ಲೆಜೆಂಡರಿ ಆಟಗಾರ ಮಹೇಂದ್ರ ಸಿಂಗ್ ಧೋನಿ 2008 ರ ಉದ್ಘಾಟನಾ ಆವೃತ್ತಿಯಿಂದ CSK ನಾಯಕತ್ವವನ್ನ ವಹಿಸಿಕೊಂಡಿದ್ದು, ನಾಲ್ಕು ಭಾರಿ ತಂಡವನ್ನ ಚಾಂಪಿಯನ್ ಪಟ್ಟಕ್ಕೇರಿಸಿದ್ದಾರೆ.
ಈ ಕುರಿತು ಸ್ಟಾರ್ ಸ್ಪೋರ್ಟ್ಸ್ನೊಂದಿಗೆ ಮಾತನಾಡಿರುವ ಮ್ಯಾಥ್ಯೂ ಹೇಡನ್ ಚೆನೈ ಸೂಪರ್ ಕಿಂಗ್ಸ್ ಯಶಸ್ಸಿಗೆ ತನ್ನದೇ ಆದ ವಿಭಿನ್ನ ಮತ್ತು ವಿಶೇಷ ಮಾರ್ಗಗಳನ್ನು ಕಂಡುಕೊಳ್ಳುವಲ್ಲಿ ಧೋನಿ ಯಶಸ್ವಿಯಾಗಿದ್ದಾರೆ. CSK 2 ವರ್ಷಗಳ ಕಾಲ ಪಂದ್ಯಾವಳಿಯಿಂದ ಹೊರಗುಳಿದಿರುವುದು ದುರದೃಷ್ಟಕರ ಆದರೆ ಅವರು ಕಂಬ್ಯಾಕ್ ಮಾಡಿ ಐಪಿಎಲ್ ಟ್ರೋಫಿ ಗೆದ್ದು ಬೀಗಿದರು. ತಂಡವನ್ನು ಮರುಶೋಧಿಸುವ, ಅದನ್ನು ಸುಧಾರಿಸುವ ಮತ್ತು ಸಂಪೂರ್ಣವಾಗಿ ವಿಭಿನ್ನವಾದ ‘ಲುಕ್’ ನೀಡುವ ವಿಧಾನವನ್ನು ಧೋನಿ ಕರಗತಮಾಡಿಕೊಂಡಿದ್ದಾರೆ.
“ಎಂಎಸ್ ಧೋನಿಗೆ ಈ ವರ್ಷ ಅತ್ಯಂತ ವಿಶೇಷವಾಗಿರುತ್ತದೆ ಮತ್ತದನ್ನ ಅವರು ಅದ್ಧೂರಿಯಾಗಿ ಆಚರಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ”. ಇದು ಧೋನಿಯ ಪರಂಪರೆಯ ಅಂತ್ಯ. ಸಿಎಸ್‌ಕೆ ಅಭಿಮಾನಿಗಳು ಕೂಡ ಅವರದೇ ‘ಸ್ಟೈಲ್’ನಲ್ಲಿ ಅಂತ್ಯ ಹಾಡುವುದನ್ನು ನೋಡಲು ಬಯಸುತ್ತಾರೆ. ಐಪಿಎಲ್‌ನಲ್ಲಿ ಆಟಗಾರನಾಗಿ ಇದು ಧೋನಿಯ ಕೊನೆಯ ಸೀಸನ್ ಆಗಿದೆ. ಧೋನಿ ಕೊನೆಯ ಬಾರಿಗೆ ಚೆಪಾಕ್ ಸ್ಟೇಡಿಯಂನಲ್ಲಿ ತಮ್ಮ ಅಭಿಮಾನಿಗಳಿಗೆ ‘ವಿದಾಯ’ ಹೇಳಲಿದ್ದಾರೆ. ಇದು ಮರೆಯಲಾಗದ ಕ್ಷಣಗಳಲ್ಲಿ ಒಂದಾಗಿರುತ್ತದೆ.ಅವರು ಯಾವ ಸಂಖ್ಯೆಯಲ್ಲಿ ಸ್ಟೇಡಿಯಂ ತಲುಪುತ್ತಾರೆ ಎಂಬುದನ್ನು ನೀವು ಊಹಿಸಲೂ ಸಾಧ್ಯವಿಲ್ಲ ಎಂದು ಹೇಳಿಕೆ ನೀಡಿದ್ದಾರೆ.
MS Dhoni : This is the last season for Dhoni – Farewell to IPL in his own style…….
