ಭಾರತಕ್ಕೆ 17.25 ಕೋಟಿ ರೂಪಾಯಿ ರವಾನೆ ಮಾಡಿದ ನೀರವ್ ಮೋದಿ ಸಹೋದರಿ
ನವದೆಹಲಿ: ಭಾರತದ ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಗೆ ಸಾವಿರಾರು ಕೋಟಿ ಪಂಗನಾಮ ಹಾಕಿ ವಿದೇಶ ಸೇರಿರುವ ವಜ್ರ ವ್ಯಾಪಾರಿ ನೀರವ್ ಮೋದಿ ಅವರ ಸಹೋದರಿ ಪೂರ್ವಿ ಮೋದಿ ಅವರು ತಮ್ಮ ಬ್ರಿಟನ್‌ನ ಬ್ಯಾಂಕ್ ಖಾತೆಯಿಂದ 17.25 ಕೋಟಿ ರೂಪಾಯಿ ಹಣವನ್ನ ಭಾರತ ಸರ್ಕಾರಕ್ಕೆ ರವಾನಿಸಿದ್ದಾರೆ. ೀ ಬಗ್ಗೆ ಜಾರಿ ನಿರ್ದೇಶನಾಲಯವು ಮಾಹಿತಿ ನೀಡಿದೆ..
ಪಿಎನ್‌ ಬಿ ಸಾಲ ವಂಚನೆ ಪ್ರಕರಣದಲ್ಲಿ ಪೂರ್ವಿ ಅವರಿಗೆ ಸಹಾಯವನ್ನು ನೀಡುವ ಬದಲು ಕ್ರಿಮಿನಲ್ ಮೊಕದ್ದಮೆಗಳಿಂದ ಕ್ಷಮಿಸಲು ಅನುಮತಿ ನೀಡಲು ಭರವಸೆ ನೀಡಿದ ಬಳಿಕ ಈ ಹಣವನ್ನು ಭಾರತ ಸರ್ಕಾರಕ್ಕೆ ರವಾನಿಸಲಾಗಿದೆ ಎನ್ನಲಾಗಿದೆ.
ಲಂಡನ್‌ನ ಬ್ಯಾಂಕೊಂದರಲ್ಲಿ ತಮ್ಮ ಹೆಸರಿನ ಖಾತೆ ಇರುವುದು ತಮ್ಮ ಅರಿವಿಗೆ ಬಂದಿದ್ದು. ಅದನ್ನು ಸಹೋದರ ನೀರವ್ ಮೋದಿ ಅವರ ಆದೇಶದ ಮೇರೆಗೆ ತೆರೆಯಲಾಗಿತ್ತು. ಆದರೆ, ಅದರಲ್ಲಿರುವ ಹಣವು ತಮಗೆ ಸೇರಿದ್ದಲ್ಲ ಎಂದು ತಿಳಿದು ಬಂದಿದೆ ಎಂದು ಪೂರ್ವಿ ಮೋದಿ ಜೂನ್ 24ರಂದು ಇ.ಡಿ ಗಮನಕ್ಕೆ ತಂದಿದ್ದರು ಎಂದು ಇ.ಡಿ ಮಾಹಿತಿ ನೀಡಿದೆ.
