ನೆಯೆಗ್ಲೇರಿಯಾ ಫೌಲೆರಿ – ಅಪರೂಪದ ಮೆದುಳು ತಿನ್ನುವ ಅಮೀಬಾ
ಫ್ಲೋರಿಡಾ, ಜುಲೈ 8: ಫ್ಲೋರಿಡಾ ಆರೋಗ್ಯ ಇಲಾಖೆಯು ನೆಯೆಗ್ಲೇರಿಯಾ ಫೌಲೆರಿ ಎಂಬ ಮೆದುಳಿನ ಮೇಲೆ ದಾಳಿ ಮಾಡಿ ಮೆದುಳು ತಿನ್ನುವ ಹೊಸ ಪ್ರಕರಣವನ್ನು ಪ್ರಕಟಿಸಿದೆ – ಇದು ಮೆದುಳಿಗೆ ಸೋಂಕು ತಗುಲುವ ಮತ್ತು ನಾಶಪಡಿಸುವ ಸೂಕ್ಷ್ಮ ಏಕಕೋಶೀಯ ಅಮೀಬಾ. ಇದು ಅತ್ಯಂತ ಮಾರಕವಾಗಿವೆ ಎಂದು ಡಿಒಎಚ್ ಹೇಳಿದೆ
1962 ರಿಂದ, ಫ್ಲೋರಿಡಾದಲ್ಲಿ ಕೇವಲ 37 ಅಮೀಬಾ ಪ್ರಕರಣಗಳು ವರದಿಯಾಗಿವೆ. ಹಿಲ್ಸ್ಬರೋ ಕೌಂಟಿಯಲ್ಲಿ ಇದು ಕಂಡುಬಂದಿದೆ, ಆದರೂ ಡಿಒಎಚ್ ಯಾವುದೇ ಹೆಚ್ಚಿನ ವಿವರಗಳನ್ನು ನೀಡಿಲ್ಲ.
ನಾಗ್ಲೆರಿಯಾ ಫೌಲೆರಿ ಸಾಮಾನ್ಯವಾಗಿ ಸರೋವರಗಳು, ನದಿಗಳು ಮತ್ತು ಕೊಳಗಳಂತಹ ಬೆಚ್ಚಗಿನ ಸಿಹಿನೀರಿನಲ್ಲಿ ಕಂಡುಬರುತ್ತದೆ. ಆ ಸಿಹಿನೀರಿನ ಮೂಲಗಳಲ್ಲಿ ಈಜುವ ಜನರಿಗೆ ಅಮೀಬಾದ ಸಂಭವನೀಯ ಉಪಸ್ಥಿತಿಯ ಬಗ್ಗೆ ತಿಳಿದಿರಬೇಕೆಂದು ಡಿಒಎಚ್ ಎಚ್ಚರಿಸಿದೆ.
ನೀರಿನೊಂದಿಗೆ ಮೂಗಿನ ಸಂಪರ್ಕವನ್ನು ತಪ್ಪಿಸುವ ಮೂಲಕ ಮಾನವರ ಮೇಲೆ ವ್ಯತಿರಿಕ್ತ ಆರೋಗ್ಯದ ಪರಿಣಾಮಗಳನ್ನು ತಡೆಯಬಹುದು, ಏಕೆಂದರೆ ಅಮೀಬಾ ಮೂಗಿನ ಮಾರ್ಗಗಳ ಮೂಲಕ ಪ್ರವೇಶಿಸುತ್ತದೆ ಎಂದು ಡಿಒಎಚ್ ಹೇಳಿದೆ.
ಫ್ಲೋರಿಡಾ ಡಿಒಹೆಚ್ ಪ್ರಕಾರ, ಯುಎಸ್ನಲ್ಲಿ ಅಮೀಬಾದ 143 ಸೋಂಕಿತ ಪ್ರಕರಣಗಳು ಕಂಡುಬಂದಿವೆ. ಕೇವಲ ನಾಲ್ವರು ಮಾತ್ರ ಉಳಿದುಕೊಂಡಿದ್ದಾರೆ.
ನೀರಿನಿಂದ ಮೂಗಿನ ಮೂಲಕ ಮಾನವ ದೇಹ ಪ್ರವೇಶಿಸುವ ಅಮೀಬಾ ಮೆದುಳಿನ ಉರಿಯೂತ ಮತ್ತು ಮೆದುಳಿನ ಅಂಗಾಂಶಗಳ ನಾಶಕ್ಕೆ ಕಾರಣವಾಗುತ್ತದೆ.
ನೇಗ್ಲೆರಿಯಾ ಫೌಲೆರಿ ಸೋಂಕಿನ ಚಿಹ್ನೆಗಳು ಮತ್ತು ಲಕ್ಷಣಗಳು;
ನೇಗ್ಲೆರಿಯಾ ಫೌಲೆರಿ ಸೋಂಕು ಪ್ರೈಮರಿ ಅಮೆಬಿಕ್ ಮೆನಿಂಗೊಎನ್ಸೆಫಾಲಿಟಿಸ್ (ಪಿಎಎಂ) ಎಂಬ ಕಾಯಿಲೆಯನ್ನು ಉಂಟುಮಾಡುತ್ತದೆ. ಇದರ ಪರಿಣಾಮವಾಗಿ ಮೆದುಳಿನ ಉರಿಯೂತ ಮತ್ತು ಮೆದುಳಿನ ಅಂಗಾಂಶಗಳ ನಾಶವಾಗುತ್ತದೆ. ನೇಗ್ಲೆರಿಯಾ ಫೌಲೆರಿ ಸೋಂಕಿನ ಲಕ್ಷಣಗಳು ಪ್ರಾರಂಭದಲ್ಲಿ ಬ್ಯಾಕ್ಟೀರಿಯಾದ ಸೋಂಕಿನಂತೆಯೇ ಇರುವ ಕಾರಣ ರೋಗನಿರ್ಣಯ ಮಾಡುವುದು ಕಷ್ಟವೆಂದೇ ಹೇಳಬಹುದು. ಈ ಸೋಂಕು ತಗುಲಿದ 2 ರಿಂದ 15 ದಿನಗಳಲ್ಲಿ ರೋಗಲಕ್ಷಣಗಳು ಹೆಚ್ಚಾಗಬಹುದು.
ಸೋಂಕಿನ ಸಾಮಾನ್ಯ ಲಕ್ಷಣಗಳು : ಏಕಾಏಕಿ ಜ್ವರ, ತಲೆಯ ಮುಂಭಾಗ ತೀವ್ರ ನೋವು, ವಾಸನೆ ಮತ್ತು ರುಚಿಯಲ್ಲಿ ಬದಲಾವಣೆ, ಕುತ್ತಿಗೆ ಸ್ಥಿರವಾಗಿ ನಿಲ್ಲದಂತ ಸ್ಥಿತಿ, ಮಾನಸಿಕ ಸ್ಥಿತಿಯಲ್ಲಿ ಬದಲಾವಣೆ, ವಾಕರಿಕೆ, ವಾಂತಿ, ನಿದ್ರೆ, ಕೋಮಾದಂತಹ ಲಕ್ಷಣಗಳು ಈ ಸೋಂಕು ತಗುಲಿದಾಗ ಕಂಡುಬರುತ್ತವೆ. ರೋಗ ಲಕ್ಷಣಗಳು ಏಕಾಏಕಿ ಹೆಚ್ಚಾಗಿ, ಒಂದು ವಾರದೊಳಗೆ ರೋಗಿ ಸಾವನ್ನಪ್ಪುವ ಸಾಧ್ಯತೆ ಕೂಡ ಇದೆ.
