ಹೊಸ ರೀಚಾರ್ಜ್ ಪ್ಲಾನ್ ಪರಿಚಯಿಸಿದ ಏರ್ಟೆಲ್ – 1 ತಿಂಗಳ ವ್ಯಾಲಿಡಿಟಿ ಪ್ಲಾನ್
ಏರ್ಟೆಲ್ ಹೊಸದಾಗಿ 296 ರೂ ಮತ್ತು 319 ರೂಗಳ ರೀಚಾರ್ಜ್ ಪ್ಲಾನ್ ಅನ್ನ ಪರಿಚಯಿಸಿದೆ. ಈ ಎರಡೂ ಏರ್ಟೆಲ್ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಗಳು 30 ದಿನಗಳ ವ್ಯಾಲಿಡಿಟಿಯನ್ನ ಒಳಗೊಂಡಿರುತ್ತದೆ. ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (TRAI) ಕೆಲವು ತಿಂಗಳ ಹಿಂದೆ 30 ದಿನಗಳ ವ್ಯಾಲಿಡಿಟಿಯೊಂದಿಗೆ ಕನಿಷ್ಠ ಒಂದು ಯೋಜನೆಯನ್ನು ಮತ್ತು ಪೂರ್ಣ ಒಂದು ತಿಂಗಳ ಮಾನ್ಯತೆಯೊಂದಿಗೆ ಒಂದು ಯೋಜನೆಯನ್ನು ನೀಡುವಂತೆ ಟೆಲಿಕಾಂ ಕಂಪನಿಗಳಿಗೆ ಕೇಳಿಕೊಂಡಿತ್ತು ಹಾಗಾಗಿ ಏರ್ಟೆಲ್ ಈ ಯೋಜನೆಯನ್ನ ಪರಿಚಯಿಸಿದೆ. ಇದರಿಂದ ಬಳಕೆದಾರರು ಕ್ಯಾಲೆಂಡರ್ ತಿಂಗಳ ವ್ಯಾಲಿಡಿಟಿಯೊಂದಿಗೆ ಡೆಟಾ ಪ್ಯಾಕ್ ಹಾಕಿಸಿಕೊಳ್ಳಬಹುದು.
ರೂ 296 ರ ಏರ್ಟೆಲ್ ಪ್ರಿಪೇಯ್ಡ್ ಪ್ಲಾನ್
296 ರೂಗಳ ಏರ್ಟೆಲ್ ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್ ನಲ್ಲಿ ಅನಿಯಮಿತ ಕರೆ, ದೈನಂದಿನ 100 SMS ಮತ್ತು ಒಟ್ಟು 25GB ಡೇಟಾವನ್ನು ನೀಡುತ್ತದೆ. ಈ ಯೋಜನೆಯ ಮಾನ್ಯತೆ 30 ದಿನಗಳು.
ರೂ 319 ರ ಏರ್ಟೆಲ್ ಪ್ರಿಪೇಯ್ಡ್ ಪ್ಲಾನ್
ರೂ 319 ರ ಏರ್ಟೆಲ್ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯು ಅನಿಯಮಿತ ಕರೆಗಳು, ದೈನಂದಿನ 100 SMS ಮತ್ತು ದೈನಂದಿನ 2GB ಹೈ-ಸ್ಪೀಡ್ ಡೇಟಾವನ್ನು ಪಡೆಯುತ್ತದೆ. ಈ ಯೋಜನೆಯು ಪೂರ್ಣ ತಿಂಗಳ ಮಾನ್ಯತೆಯೊಂದಿಗೆ ಬರುತ್ತದೆ.
ಈಗಾಗಲೇ ಅಂತಹ ಪ್ಲಾನ್ ಪರಿಚಯಿಸಿದ ಜಿಯೋ
ಈ ವಾರದ ಆರಂಭದಲ್ಲಿ, ರಿಲಯನ್ಸ್ ಜಿಯೋ ರೂ 259 ರ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯನ್ನು ‘ಕ್ಯಾಲೆಂಡರ್ ತಿಂಗಳ ಮಾನ್ಯತೆ’ಯೊಂದಿಗೆ ಪರಿಚಯಿಸಿತು, ಇದು ರೂ 319 ಏರ್ಟೆಲ್ ಯೋಜನೆಯೊಂದಿಗೆ ಲಭ್ಯವಿರುವ ಒಂದು ತಿಂಗಳ ಮಾನ್ಯತೆಗೆ ಹೋಲುತ್ತದೆ. 259 ರೂಗಳ ಜಿಯೋ ಯೋಜನೆಯಲ್ಲಿ ಪ್ರತಿದಿನ 1.5GB ಹೈಸ್ಪೀಡ್ ಡೇಟಾ, ಅನಿಯಮಿತ ಧ್ವನಿ ಕರೆಗಳು ಮತ್ತು 100 SMS ಲಭ್ಯವಿತ್ತು.
