ಚಂದ್ರಯಾನ ವಿಷಯದಲ್ಲಿ ಭಾರತ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಲು ಮುಂದಾಗಿದೆ. ಇಸ್ರೋ ಚಂದ್ರಯಾನ-3 ತೆಗೆದ ಚಂದ್ರನ ಫೋಟೋ ಮತ್ತು ಹೊಸ ವೀಡಿಯೊ ಬಿಡುಗಡೆ ಮಾಡಿದೆ. ಚಂದ್ರಯಾನ-3 ಮಿಷನ್ ವೇಳಾಪಟ್ಟಿಯಂತೆ ಪ್ರಗತಿಯಲ್ಲಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತಿಳಿಸಿದೆ.
ಚಂದ್ರಯಾನ 3 ಕುರಿತು ಮಾಹಿತಿ ನೀಡಿರುವ ಇಸ್ರೋ, “ಮಿಷನ್ ಪ್ರಗತಿಯಲ್ಲಿದೆ. ವ್ಯವಸ್ಥೆಗಳ ನಿಯಮಿತ ತಪಾಸಣೆ ಮಾಡಲಾಗುತ್ತಿದೆ. ಎಲ್ಲ ಹಂತಗಳು ಸುಗಮವಾಗಿ ಮುಂದುವರಿಯುತ್ತಿವೆ, ”ಎಂದು ಅವರು ಹೇಳದೆ. ಚಂದ್ರಯಾನ -3 ನ ಚಂದ್ರನ ಲ್ಯಾಂಡಿಂಗ್‌ನ ನೇರ ಪ್ರಸಾರವನ್ನು MOX / ISTRAC ನಿಂದ ಬುಧವಾರ ಸಂಜೆ 5.20 ರಿಂದ ಪ್ರಾರಂಭಿಸಲಾಗುವುದು. ಲ್ಯಾಂಡರ್ (ವಿಕ್ರಮ್) ಮತ್ತು ರೋವರ್ (ಪ್ರಜ್ಞಾನ್) ಒಳಗೊಂಡಿರುವ ಲ್ಯಾಂಡರ್ ಮಾಡ್ಯೂಲ್ ಬುಧವಾರ ಸಂಜೆ 6.45 ಕ್ಕೆ ಚಂದ್ರನ ಮೇಲ್ಮೈಯ ದಕ್ಷಿಣ ಧ್ರುವ ಪ್ರದೇಶದ ಬಳಿ ಇಳಿಯುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
ಆಗಸ್ಟ್ 19 ರಂದು, ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಚಂದ್ರಯಾನ-3 ಮಿಷನ್‌ನ ‘ಲ್ಯಾಂಡರ್ ಪೊಸಿಷನ್ ಡಿಟೆಕ್ಷನ್ ಕ್ಯಾಮೆರಾ’ (ಎನ್‌ಪಿಡಿಸಿ) ಸುಮಾರು 70 ಕಿ.ಮೀ ಎತ್ತರದಿಂದ ತೆಗೆದ ಚಂದ್ರನ ಚಿತ್ರಗಳನ್ನು ಬಿಡುಗಡೆ ಮಾಡಿತ್ತು.
ಲ್ಯಾಂಡರ್ ಹಜಾರ್ಡ್ ಡಿಟೆಕ್ಷನ್ ಮತ್ತು ಎವಿಡೆನ್ಸ್ ಕ್ಯಾಮೆರಾ’ (ಎಲ್‌ಎಚ್‌ಡಿಎಸಿ) ದಿಂದ ತೆಗೆದ ಚಂದ್ರನ ಚಿತ್ರಗಳನ್ನು ಇಸ್ರೋ ಸೋಮವಾರ ಬಿಡುಗಡೆ ಮಾಡಿದೆ. ಅಹಮದಾಬಾದ್ ಮೂಲದ ‘ಸ್ಪೇಸ್ ಅಪ್ಲಿಕೇಷನ್ಸ್ ಸೆಂಟರ್’ (ಎಸ್‌ಎಸಿ) ಅಭಿವೃದ್ಧಿಪಡಿಸಿದ ಈ ಕ್ಯಾಮೆರಾ, ಬಂಡೆಗಳು ಅಥವಾ ಆಳವಾದ ಕಂದಕಗಳಿಲ್ಲದ, ಪ್ರದೇಶವನ್ನು ಸುರಕ್ಷಿತ ‘ಲ್ಯಾಂಡಿಂಗ್’ಗೆ ಪತ್ತೆಹಚ್ಚಲು ಸಹಾಯ ಮಾಡುತ್ತಿವೆ.
ಚಂದ್ರಯಾನ-2 ವಿಫಲವಾದ ನಂತರ ಚಂದ್ರಯಾನ-3 ಅನ್ನು ಜುಲೈ 14ರಂದು ಉಡಾವಣೆ ಮಾಡಲಾಗಿದೆ.
