`ಸಲಗ’ಗೆ ವಿಘ್ನ : ಸಿನಿಮಾ ಪ್ರದರ್ಶನ ನಿಲ್ಲಿಸುವಂತೆ ಪ್ರತಿಭಟನೆ
ಬೆಂಗಳೂರು : ರಿಲೀಸ್ ಆದ ಎರಡನೇ ದಿನವೇ ಸಲಗ ಸಿನಿಮಾಗೆ ವಿಘ್ನ ಎದುರಾಗಿದೆ. ಸಿನಿಮಾ ಪ್ರದರ್ಶನ ನಿಲ್ಲಿಸುವಂತೆ ಆಗ್ರಹಿಸಿ ಕೆಲವರು ಪ್ರತಿಭಟನೆ ನಡೆಸುತ್ತಿದ್ದಾರೆ.
ಹೌದು, ದುನಿಯಾ ವಿಜಯ್ ನಿರ್ದೇಶಿಸಿ, ನಟಿಸಿರುವ ಸಲಗ ಸಿನಿಮಾ ನಿನ್ನೆ ರಾಜ್ಯದಾದ್ಯಂತ ಭರ್ಜರಿಯಾಗಿ ರಿಲೀಸ್ ಆಗಿದೆ.
ಸಿನಿಮಾಗೆ ಮಾಸ್ ಪ್ರೇಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಎಲ್ಲಾ ಕಡೆ ಉತ್ತಮ ರೆಸ್ಪಾನ್ಸ್ ಸಿಗುತ್ತಿದೆ.
ಈ ಮಧ್ಯೆ ಸಿನಿಮಾದಲ್ಲಿ ಕೆಟ್ಟಪದಗಳನ್ನ ಬಳಸಿದ್ದಾರೆ. ಕುಟುಂಬದವರು, ಮಕ್ಕಳು, ದೊಡ್ಡವರು, ಯುವಕರು ನೋಡುವಂತಾ ಸಿನಿಮಾ ಅಲ್ಲ. ಸಲಗ ಸಿನಿಮಾ ನೋಡಿ ಮುಜುಗರ ಆಗಿದೆ. ನಾವು ಸಿನಿಮಾ ನೋಡಿದ್ದೇವೆ.
ಸಿನಿಮಾ ನೋಡೋದಕ್ಕೆ ತುಂಬಾ ಕಷ್ಟ ಆಗುತ್ತೆ. ಕೆಟ್ಟದಾಗಿ ನಮ್ಮ ಸಂಸ್ಕøತಿಯನ್ನ ತೋರಿಸಿದ್ದಾರೆ ಎಂದು ಜಯಕರ್ನಾಟಕ ಸಂಘಟನೆಯವರು ಆರೋಪಿಸುತ್ತಿದ್ದಾರೆ.
ಇಂತಹ ಸಿನಿಮಾ ರಿಲೀಸ್ ಗೆ ಅವಕಾಶ ಕೊಡುವ ಮುನ್ನಾ ಸೆನ್ಸಾರ್ ಮಂಡಳಿ ಕೊಂಚ ಯೋಚಿಸಬೇಕಿತ್ತು.
ಸಿನಿಮಾದಲ್ಲಿ ಬಳಕೆಯಾದ ಅವಾಚ್ಯ ಶಬ್ದಗಳಿಂದ ಸಾರ್ವಜನಿಕ ಹಿತಾಸಕ್ತಿಗೆ ಧಕ್ಕೆ ತರುತ್ತದೆ.
ಹೀಗಾಗಿ ಸಿನಿಮಾ ಪ್ರದರ್ಶನ ನಿಲ್ಲಿಸುವಂತೆ ಜಯ ಕರ್ನಾಟಕ ಸಂಘಟನೆ ಕಾರ್ಯಕರ್ತರು ಚಲನಚಿತ್ರ ಸೆನ್ಸಾರ್ ಮಂಡಳಿ ಎದುರು ಪ್ರತಿಭಟನೆ ನಡೆಸಿದ್ದಾರೆ.
