ಪೆಗಾಸಸ್ : ಇದು ದೇಶದ ಜನರ ಧ್ವನಿ ಅಡಗಿಸುವ ಸಾಧನ – ರಾಹುಲ್ ಗಾಂಧಿ

1 min read
full lockdown - Rahul Gandhi

ಪೆಗಾಸಸ್ : ಇದು ದೇಶದ ಜನರ ಧ್ವನಿ ಅಡಗಿಸುವ ಸಾಧನ – ರಾಹುಲ್ ಗಾಂಧಿ

ನವದೆಹಲಿ : ಪೆಗಾಸಸ್ ಕುತಂತ್ರಾಂಶ ಬಳಸಿ ದೇಶದ 300ಕ್ಕೂ ಹೆಚ್ಚು ಜನರ ಮೊಬೈಲ್ ಸಂಖ್ಯೆಗಳ ಮೇಲೆ ಕಣ್ಗಾವಲು ಇಡಲಾಗಿದೆ ಪ್ರಕರಣ ಸಂಬಂಧ ದೇಶಾದ್ಯಂತ ಹಲ್ ಚಲ್ ಸೃಷ್ಟಿಯಾಗಿದೆ… ಬಿಜೆಪಿ ವಿರುದ್ಧ ಆರೋಪ ಮಾಡ್ತಿರೋ ಕಾಂಗ್ರೆಸ್ ಕೇಸರಿ ನಾಯಕರ ವಿರುದ್ಧ ನಿಗಿ ನಿಗಿ ಕೆಂಡ ಕಾರ್ತಿದೆ.
ಇದೀಗ ಈ ವಿಚಾರಕ್ಕೆ ಸಂಬಂಧಿಸಿದಂತೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಪ್ರಧಾನಿ ನರೇಂದ್ರ ಮೋದಿಯವರ ಮೇಲೆ ವಾಗ್ದಾಳಿ ನಡೆಸಿದ್ದಾರೆ. ಪೆಗಾಸಸ್ ಗೂಢಚರ್ಯೆ ತಂತ್ರಾಂಶವು ಜನರನ್ನು ಸುಮ್ಮನಿರಿಸುವ ಸಾಧನ ಎಂದಿದ್ದಾರೆ.
ಭಾರತೀಯ ಯುವ ಕಾಂಗ್ರೆಸ್ನ ‘ಸಂಸತ್ ಘೇರಾವ್’ ಪ್ರತಿಭಟನೆಯನ್ನು ಉದ್ದೇಶಿಸಿ ಮಾತನಾಡುತ್ತಾ, ಉದ್ಯೋಗದ ವಿಚಾರದಲ್ಲೂ ಅವರು ಪ್ರಧಾನಿಯನ್ನು ಗುರಿಯಾಗಿಸಿಕೊಂಡು ಕಿಡಿಕಾರಿದರು.

Rahul Gandhi  saakshatv

ನಿಮ್ಮ ಮೊಬೈಲ್ ಫೋನ್ ನಿಮ್ಮ ಧ್ವನಿಯಾಗಿದೆ. ನರೇಂದ್ರ ಮೋದಿ ಅವರು ಪೆಗಾಸಸ್ ಕುತಂತ್ರಾಂಶವನ್ನು ಪ್ರತಿಯೊಬ್ಬ ಯುವಕರ ಮೊಬೈಲ್ ಫೋನಿನಲ್ಲಿ ಇಟ್ಟಿದ್ದಾರೆ, ನನ್ನ ಫೋನ್ ಮಾತ್ರವಲ್ಲ. ಒಂದು ವೇಳೆ ನೀವು ಸತ್ಯವನ್ನು ಮಾತನಾಡಿದರೆ, ನಿಮ್ಮ ಫೋನ್ಗಳಲ್ಲಿರುವ ನರೇಂದ್ರ ಮೋದಿ ಮತ್ತು ಪೆಗಾಸಸ್ ಆಲಿಸುತ್ತವೆ ಎಂದು ಹೇಳಿದರು.
ಪೆಗಾಸಸ್ ಎನ್ನುವುದು ಜನರ ಧ್ವನಿಯನ್ನು ಅಡಗಿಸಲು ಇರುವ ಒಂದು ಮಾರ್ಗವಾಗಿದೆ ಎಂದು ಅವರು ಆರೋಪಿಸಿದರು.
ಇನ್ನೂ ದೇಶದ ಯುವಕರು ಸತ್ಯವನ್ನು ಹೇಳಲು ಆರಂಭಿಸಿದ ದಿನವೇ ಮೋದಿ ಸರ್ಕಾರ ಕುಸಿಯುತ್ತದೆ. ಮೋದಿ ಪ್ರಧಾನಿಯಾಗಿರುವವರೆಗೂ ಈ ದೇಶದ ಯುವಕರಿಗೆ ಉದ್ಯೋಗ ಸಿಗುವುದಿಲ್ಲ ಎಂದು ರಾಹುಲ್ ಗಾಂಧಿ ಕಿಡಿಕಾರಿದ್ದಾರೆ.

Leave a Reply

Your email address will not be published. Required fields are marked *

YOU MUST READ

Copyright © All rights reserved | SaakshaTV | JustInit DigiTech Pvt Ltd