ಬೆಂಗಳೂರು: ಕನ್ನಡ ಚಿತ್ರರಂಗದ ಸುಲ್ತಾನ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಬದುಕಿನಲ್ಲಿ ಆವರಿಸಿರುವ ಕತ್ತಲೆ ಸದ್ಯಕ್ಕೆ ಸರಿಯುವ ಲಕ್ಷಣಗಳು ಕಾಣುತ್ತಿಲ್ಲ. ದರ್ಶನ್ ಜೈಲುವಾಸ ಅನುಭವಿಸುತ್ತಿರುವ ಈ ಸಂಕಷ್ಟದ ಸಮಯದಲ್ಲಿ, ಹೊರಗಡೆ ಅವರ ಪತ್ನಿ ವಿಜಯಲಕ್ಷ್ಮಿ ಮತ್ತು ನಟ ಧನ್ವೀರ್ ಗೌಡ ನಡುವಿನ ಜಟಾಪಟಿ ಈಗ ವಿಕೋಪಕ್ಕೆ ಹೋಗಿದೆ. ಈ ಇಬ್ಬರ ನಡುವಿನ ಶೀತಲ ಸಮರದ ನಡುವೆ ಈಗ ಸ್ಫೋಟಕ ಆಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಇಡೀ ಸ್ಯಾಂಡಲ್ ವುಡ್ ಬೆಚ್ಚಿಬೀಳುವಂತೆ ಮಾಡಿದೆ. ದರ್ಶನ್ ಜೈಲಿನಿಂದ ಹೊರಗೆ ಬರುವುದು ವಿಜಯಲಕ್ಷ್ಮಿ ಅವರಿಗೆ ಇಷ್ಟವಿಲ್ಲ ಎಂಬ ಅರ್ಥದ ಮಾತುಗಳು ಆ ಆಡಿಯೋದಲ್ಲಿದೆ ಎಂಬ ವದಂತಿಗಳು ಕಾಡ್ಗಿಚ್ಚಿನಂತೆ ಹಬ್ಬಿವೆ.
ಹಳೆಯ ಪ್ರತಿಕಾರವೋ ಅಥವಾ ವ್ಯವಸ್ಥಿತ ಷಡ್ಯಂತ್ರವೋ?
Related posts
ಈ ಹೈವೋಲ್ಟೇಜ್ ಕಿತ್ತಾಟದ ಹಿಂದೆ 2011ರಲ್ಲಿ ನಡೆದಿದ್ದ ಕೆಲವು ಆಂತರಿಕ ಘಟನೆಗಳ ಕರಿನೆರಳು ಅಡಗಿದೆ ಎಂಬ ಚರ್ಚೆಗಳು ಗಾಂಧಿನಗರದ ಆಪ್ತ ವಲಯದಲ್ಲಿ ಜೋರಾಗಿವೆ. ದಶಕದ ಹಿಂದಿನ ಕಹಿ ನೆನಪುಗಳು ಈಗ ಧನ್ವೀರ್ ಮತ್ತು ವಿಜಯಲಕ್ಷ್ಮಿ ನಡುವಿನ ಮುನಿಸಿಗೆ ಕಾರಣವಾಗಿವೆಯೇ ಎಂಬ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಿದೆ. ಆದರೆ ಇವೆಲ್ಲವೂ ಕೇವಲ ಊಹಾಪೋಹಗಳಾಗಿದ್ದು, ಸತ್ಯಾಸತ್ಯತೆ ದೃಢಪಟ್ಟಿಲ್ಲ. ದರ್ಶನ್ ಅವರ ಹೆಸರನ್ನು ಬಳಸಿಕೊಂಡು ತಮ್ಮ ವೈಯಕ್ತಿಕ ದ್ವೇಷ ತೀರಿಸಿಕೊಳ್ಳಲಾಗುತ್ತಿದೆಯೇ ಅಥವಾ ಇವೆಲ್ಲದರ ಹಿಂದೆ ಬೇರೆಯದೇ ದೊಡ್ಡ ಮಾಸ್ಟರ್ ಮೈಂಡ್ ಅಡಗಿದೆಯೇ ಎಂಬ ಅನುಮಾನ ಮೂಡಿದೆ. ಸತ್ಯ ಏನೆಂಬುದನ್ನು ಬಹಿರಂಗಪಡಿಸಬೇಕಾದ ಅನಿವಾರ್ಯತೆ ಈಗ ಧನ್ವೀರ್ ಮತ್ತು ವಿಜಯಲಕ್ಷ್ಮಿ ಅವರ ಮೇಲಿದ್ದು, ಇಬ್ಬರೂ ಮೌನ ಮುರಿಯುವವರೆಗೂ ಈ ಅನುಮಾನದ ಹುತ್ತ ಬೆಳೆಯುತ್ತಲೇ ಇರುತ್ತದೆ.
ದರ್ಶನ್ ಹೆಸರನ್ನೇ ಫುಟ್ಬಾಲ್ ಮಾಡಿದರೇ ನಿಕಟವರ್ತಿಗಳು?
ಅಭಿಮಾನಿಗಳ ಪಾಲಿನ ಡಿ ಬಾಸ್ ಈಗ ಕೇವಲ ಒಂದು ರಾಜಕೀಯ ಮತ್ತು ವೈಯಕ್ತಿಕ ದಾಳವಾಗಿ ಬಳಸಲ್ಪಡುತ್ತಿದ್ದಾರೆ ಎಂಬ ಬೇಸರ ವ್ಯಕ್ತವಾಗುತ್ತಿದೆ. ಧನ್ವೀರ್ ಮತ್ತು ವಿಜಯಲಕ್ಷ್ಮಿ ನಡುವಿನ ಈ ಇಮೇಜ್ ಯುದ್ಧದಲ್ಲಿ ದರ್ಶನ್ ಅವರ ಬದುಕು ಮತ್ತು ಗೌರವ ಬೀದಿಪಾಲಾಗುತ್ತಿದೆ. ಸದ್ಯಕ್ಕೆ ಜೈಲಿನ ನಾಲ್ಕು ಗೋಡೆಗಳ ಮಧ್ಯೆ ಇರುವ ದರ್ಶನ್ ಅವರನ್ನು ಫುಟ್ಬಾಲ್ ನಂತೆ ಬಳಸಿಕೊಳ್ಳಲಾಗುತ್ತಿದೆ ಎಂಬ ಮಾತುಗಳು ಅಭಿಮಾನಿಗಳ ಎದೆ ಸೀಳುವಂತೆ ಮಾಡುತ್ತಿವೆ. ಈ ವಿವಾದಕ್ಕೆ ಬ್ರೇಕ್ ಹಾಕಬೇಕಾದ ಧನ್ವೀರ್ ಮತ್ತು ವಿಜಯಲಕ್ಷ್ಮಿ ಇಬ್ಬರೂ ಸದ್ಯಕ್ಕೆ ಮೌನ ತಾಳಿರುವುದು ವದಂತಿಗಳಿಗೆ ಮತ್ತಷ್ಟು ರೆಕ್ಕೆಪುಕ್ಕೆ ನೀಡಿದಂತಾಗಿದೆ. ಸ್ಯಾಂಡಲ್ ವುಡ್ ಸುಲ್ತಾನನ ಕೌಟುಂಬಿಕ ಮತ್ತು ವೃತ್ತಿಪರ ಬದುಕು ಈಗ ಅಗ್ನಿಪರೀಕ್ಷೆಗೆ ಒಡ್ಡಲ್ಪಟ್ಟಿದೆ.
