ಸ್ಟಾರ್ ಅನ್ನೋದನ್ನ ಪಕ್ಕಕ್ಕೆ ಇಟ್ಟು ಬ್ಯಾಟ್ ಬೀಸು ವಿರಾಟ್..!!
ಐಪಿಎಲ್ ನಲ್ಲಿ ವಿರಾಟ್ ಕೊಹ್ಲಿ ಜಲ್ವಾ ನಡೆಯುತ್ತಿಲ್ಲ. ಆಡಿರುವ ಆರು ಪಂದ್ಯಗಳಲ್ಲಿ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ಬಂದಿಲ್ಲ.
ಅದರಲ್ಲೂ ಎರಡು ಪಂದ್ಯಗಳಲ್ಲಿ 40 ರ ಗಡಿದಾಟಿದ್ದು ಬಿಟ್ಟರೇ ಇನ್ನುಳಿದ ಪಂದ್ಯಗಳಲ್ಲಿ ಕ್ರೀಸ್ ನಲ್ಲಿ ಹೆಚ್ಚು ಕಾಲ ನಿಂತೇ ಇಲ್ಲ.
ಎರಡು ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿ ರನ್ ಔಟ್ ಆಗಿದ್ದಾರೆ. ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಥರ್ಡ್ ಅಂಪೈರ್ ದೋಷದಿಂದ ಪೆವಿಲಿಯನ್ ಗೆ ಸೇರಿದರು.
ಹೀಗಾಗಿ ಅವರ ಬಗ್ಗೆ ಪಾಕಿಸ್ತಾನದ ಮಾಜಿ ಆಟಗಾರ ಶೋಯೆಬ್ ಅಖ್ತರ್ ವಿರಾಟ್ ಕೊಹ್ಲಿ ಒಂದು ಸಲಹೆಯನ್ನು ನೀಡಿದ್ದಾರೆ.
ಉತ್ತಮ ಪ್ರದರ್ಶನ ನೀಡಿದ್ದೇ ಇದ್ದರೇ ಕೊಹ್ಲಿ ಆದ್ರೂ ಟೈಂ ಬಂದಾಗ ಬೆಂಚ್ ಗೆ ಸೀಮಿತವಾಗಬೇಕಾಗುತ್ತದೆ. ಈಗ ಸ್ಟಾರ್ ಸ್ಥಾನ ಮಾನ ಕೆಲಸಕ್ಕೆ ಬರೋದಿಲ್ಲ. ಏಕೆಂದರೆ ಆ ತಂಡದಲ್ಲಿ ಸಾಕಷ್ಟು ಯುವ ಆಟಗಾರರಿದ್ದಾರೆ. ವಿರಾಟ್ ಕೊಹ್ಲಿ ಮಿಂಚದಿದ್ದರೇ ತಂಡದಿಂದ ಅವರನ್ನು ಕೈಬಿಡುವ ಸಾಧ್ಯತೆಗಳಿವೆ ಎಂದು ಎಚ್ಚರಿಸಿದ್ದಾರೆ.
ಕೊಹ್ಲಿ ತಲೆಯಲ್ಲಿ ನನಗೆ ತಿಳಿದಂತೆ 10 ಸಾವಿರ ಆಲೋಚನೆಗಳು ಸುತ್ತುತ್ತಿರಬಹುದು. ಅವರು ಒಳ್ಳೆಯ ವ್ಯಕ್ತಿ, ಅದಕ್ಕಿಂತ ಹೆಚ್ಚಾಗಿ ಅದ್ಭುತ ಆಟಗಾರ. ಆದ್ರೆ ಈ ನಡುವೆ ಅವರ ಫೋಕಸ್ ಸರಿಯಾಗಿಲ್ಲ.
ಕೊಹ್ಲಿ ಈಗ ಫೋಕಸ್ ಕಳೆದುಕೊಂಡಿದ್ದಾರೆ. ಈಗಾಗಲೇ ಕೊಹ್ಲಿ ಸರಿಯಾಗಿ ಆಡುತ್ತಿಲ್ಲ ಎಂದು ಕ್ರಿಕೆಟ್ ಅಭಿಮಾನಿಗಳು ಬೊಟ್ಟು ಮಾಡುತ್ತಿದ್ದಾರೆ.
ಅವರು ಅಪಾಯದಲ್ಲಿರುವಂತೆ ತೋರುತ್ತಿದೆ. ಅದಕ್ಕೇ ಒಂದು ಮಾತು ಹೇಳುತ್ತಿದ್ದೇನೆ.. ಎಲ್ಲವನ್ನು ಬದಿಗಿಟ್ಟು ಸಾಮಾನ್ಯ ಆಟಗಾರನಾಗಿ ಕೊಹ್ಲಿ ಫೀಲ್ ಆಗಿ.
ಬ್ಯಾಟ್ ಹಿಡಿದು ಮೈದಾನಕ್ಕೆ ಬರಲಿ. ಕೊಹ್ಲಿ ಫಾರ್ಮ್ ಗೆ ಬಂದರೇ ಅವರನ್ನ ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ ಎಂದಿದ್ದಾರೆ ಅಖ್ತರ್. shoaib-akhtar-advice-kohli
