ಮರಳಿ ಗೂಡು ಸೇರಲಿರುವ ಸುರೇಶ್ ರೈನಾ.. ಸಿಎಸ್ ಕೆ ಕ್ಯಾಂಪ್ ಸೇರಲು ರೈನಾ ಕಾತರ,,,!
Suresh Raina eagerly waiting to join CSK camp
ಟೀಮ್ ಇಂಡಿಯಾದ ಮಾಜಿ ಆಟಗಾರ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಸ್ಟಾರ್ ಬ್ಯಾಟ್ಸ್ ಮೆನ್ ಸುರೇಶ್ ರೈನಾ ಮತ್ತೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಆದ್ರೆ ಸುರೇಶ್ ರೈನಾ ಯಾವಾಗ ತಂಡವನ್ನು ಸೇರಿಕೊಳ್ಳುತ್ತಾರೆ ಅನ್ನೋದರ ಬಗ್ಗೆ ನಿಖರವಾದ ಮಾಹಿತಿ ಇಲ್ಲ.
ಇದೀಗ ಸುರೇಶ್ ರೈನಾ ಬ್ಯಾಟಿಂಗ್ ಅಭ್ಯಾಸ ನಡೆಸುತ್ತಿರುವ ವಿಡಿಯೋವನ್ನು ಸಿಎಸ್ಕೆ ತಂಡ ಸಾಮಾಜಿಕ ಜಾಲ ತಾಣದಲ್ಲಿ ಹಂಚಿಕೊಂಡಿದೆ.
ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಸುರೇಶ್ ರೈನಾ ಸಿಎಸ್ ಕೆ ಕ್ಯಾಂಪ್ ಸೇರಲು ನಾನು ಕೂಡ ಕಾತರದಿಂದ ಕಾಯುತ್ತಿದ್ದೇನೆ ಎಂದಿದ್ದಾರೆ.
ಸುರೇಶ್ ರೈನಾ ತಂಡವನ್ನು ಮತ್ತೆ ಸೇರಿಕೊಳ್ಳುವುದರಿಂದ ಚೆನ್ನೈ ತಂಡದ ಬಲ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸಲಿದೆ. ಎಲ್ಲ ಸಿಟ್ಟು, ಕೋಪಗಳನ್ನು ಬದಿಗಿಟ್ಟು ಸುರೇಶ್ ರೈನಾ ಮತ್ತೆ ಚೆನ್ನೈ ತಂಡದ ಪರ ಆಡುತ್ತಿರುವುದು ಸಿಎಸ್ ಕೆ ಅಭಿಮಾನಿಗಳಿಗೆ ಸಂತಸವನ್ನುಂಟು ಮಾಡಿದೆ.
ಕಳೆದ ಐಪಿಎಲ್ ನಲ್ಲಿ ಸುರೇಶ್ ರೈನಾ ವೈಯಕ್ತಿಕ ಕಾರಣಗಳನ್ನು ನೀಡಿ ತಂಡದಿಂದ ಹೊರ ನಡೆದಿದ್ದರು. 13ನೇ ಆವೃತ್ತಿಯ ಮುನ್ನ ಸಿಎಸ್ ಕೆ ತಂಡದ ತರಬೇತಿ ಶಿಬಿರದಲ್ಲಿ ಭಾಗಿಯಾಗಿ ಆನಂತರ ರೈನಾ ದುಬೈಗೂ ತೆರಳಿದ್ದರು. ಆದ್ರೆ ಸಿಎಸ್ ಕೆ ತಂಡದೊಳಗಿನ ಭಿನ್ನಾಭಿಪ್ರಾಯದಿಂದಾಗಿ ಟೂರ್ನಿಯಿಂದ ಹೊರನಡೆದಿದ್ದರು. ಆಗ ಸಿಎಸ್ ಕೆ ತಂಡ ಮಾಲೀಕ ಶ್ರೀನಿವಾಸನ್ ಕೂಡ ಸುರೇಶ್ ರೈನಾ ಬಗ್ಗೆ ಖಾರವಾಗಿಯೇ ಪ್ರತಿಕ್ರಿಯೆ ನೀಡಿದ್ದರು.
ಇದೇ ವೇಳೆ ಸುರೇಶ್ ರೈನಾ ಕುಟಂಬಸ್ಥರ ವೇಳೆ ದಾಳಿ ಕೂಡ ನಡೆದಿತ್ತು. ಈ ಕಾರಣದಿಂದಾಗಿ ಸುರೇಶ್ ರೈನಾ ಸಿಎಸ್ ಕೆ ತಂಡದಿಂದ ಹೊರನಡೆದಿದ್ದರು ಅಂತ ಹೇಳಲಾಗುತ್ತಿದೆ. ಆದ್ರೆ ನಿಜವಾದ ಕಾರಣ ಏನು ಎಂಬುದು ಇನ್ನೂ ನಿಗೂಢವಾಗಿದೆ.
ಅದು ಅಲ್ಲದೆ ರೈನಾ ತಂಡದಿಂದ ಹೊರನಡೆದಿರುವ ಬಗ್ಗೆ ನಾಯಕ ಹಾಗೂ ಆಪ್ತ ಸ್ನೇಹಿತ ಮಹೇಂದ್ರ ಸಿಂಗ್ ಧೋನಿ ಕೂಡ ಪ್ರತಿಕ್ರಿಯೆ ನೀಡಿರಲಿಲ್ಲ.
Suresh Raina eagerly waiting to join CSK camp
ಆದ್ರೆ ಈ ಬಾರಿಯ ಟೂರ್ನಿಯಲ್ಲಿ ಸುರೇಶ್ ರೈನಾ ಆಡುತ್ತಿದ್ದಾರೆ ಎನ್ನಲಾಗುತ್ತಿದೆ. ಅಲ್ಲದೆ ಟೂರ್ನಿಯನ್ನು ಕಾತರದಿಂದ ಎದುರುನೋಡುತ್ತಿದ್ದೇನೆ ಎಂದು ಕೂಡ ಸುರೇಶ್ ರೈನಾ ಹೇಳಿದ್ದಾರೆ.
ಕಳೆದ ವರ್ಷ ಟೀಮ್ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳಿದ ಮರುಕ್ಷಣವೇ ಸುರೇಶ್ ರೈನಾ ಕೂಡ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳಿದ್ದರು.
ಇದೀಗ ಮಹೇಂದ್ರ ಸಿಂಗ್ ಧೋನಿ ಸಿಎಸ್ ಕೆ ತರಬೇತಿ ಶಿಬಿರದಲ್ಲಿ ಭಾಗಿಯಾಗಿದ್ದಾರೆ. ಆದ್ರೆ ಸುರೇಶ್ ರೈನಾ ಇನ್ನೂ ಸೇರಿಕೊಂಡಿಲ್ಲ. ಸುರೇಶ್ ರೈನಾ ಆಡ್ತಾರೋ ಇಲ್ಲವೋ ಎಂಬುದು ಗೊತ್ತಿಲ್ಲ. ಆದ್ರೆ ಸಿಎಸ್ ಕೆ ತಂಡದಲ್ಲಿ ಮಾತ್ರ ಇದ್ದಾರೆ.
#sureshraina #mahendrasinghdhoni #raina #msdhoni #csk #saakshatv @Chennai Super Kings #ipl2021
