ಹೊರಗಡೆ ಹೋಗಿ ರುಚಿಯಾದ ಊಟ ಮಾಡೋದು ಅಂದ್ರೆ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ? ಅಂಥ ಭೋಜನ ಪ್ರಿಯರಿಗೆ ಸ್ವಿಗ್ಗಿ ಡೈನ್‌ಔಟ್ ಭರ್ಜರಿ ಗುಡ್ ನ್ಯೂಸ್ ಕೊಟ್ಟಿದೆ. ಸ್ವಿಗ್ಗಿಯ ಬಹುನಿರೀಕ್ಷಿತ ಆಫರ್ ಮೇಳ ‘ಗ್ರೇಟ್ ಇಂಡಿಯನ್ ರೆಸ್ಟೋರೆಂಟ್ ಫೆಸ್ಟಿವಲ್ (ಜಿಐಆರ್ಎಫ್)’ ಮತ್ತೆ ಬಂದಿದೆ. ಆದರೆ, ಈ ಬಾರಿ ಇದು ಭಿನ್ನವಾದ ಹೆಸರಿನೊಂದಿಗೆ, ಹೊಸ ಇಂಟರ್ನೆಟ್ ಟ್ರೆಂಡ್‌ನೊಂದಿಗೆ ಎಂಟ್ರಿಕೊಟ್ಟಿದೆ!
ಹೌದು, ಪ್ರಸ್ತುತ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗಿರುವ ಹಾಗೂ ಯುವಜನತೆಯ ಫೇವರಿಟ್ ಆಗಿರುವ ನಟ ರವಿ ಕಿಶನ್ ಅವರನ್ನು ಬ್ರ್ಯಾಂಡ್ ಅಂಬಾಸಿಡರ್ ಆಗಿ ಇಟ್ಟುಕೊಂಡು, ಸ್ವಿಗ್ಗಿ ಈ ಫೆಸ್ಟಿವಲ್‌ನ ಹೆಸರನ್ನು ‘ದಿ ಗ್ರೇಟ್ ಇಂಡಿಯನ್ ರವಿ ಫೆಸ್ಟಿವಲ್’ ಎಂದು ಬದಲಾಯಿಸಿದೆ.
ರವಿ ಕಿಶನ್ ಅವರ ಫೇಮಸ್ ವೈರಲ್ ಡೈಲಾಗ್ ಅನ್ನು ಬಳಸಿಕೊಂಡು “ಡಿಸ್ಕೌಂಟ್ ಫಾಲೋಸ್ ಮೈ ಬ್ರದರ್..!” ಎಂಬ ಕಾಮಿಡಿ ಥೀಮ್‌ನಡಿ ಈ ಬಾರಿಯ ಆಫರ್ ಮೇಳ ನಡೆಯುತ್ತಿದೆ.
ಏನೇನು ಆಫರ್? ಎಲ್ಲಿವರೆಗೆ ಇದೆ ಈ ಕೊಡುಗೆ?
ಈ ಬಾರಿಯ ಸ್ವಿಗ್ಗಿ ಡೈನ್‌ಔಟ್ ಫೆಸ್ಟಿವಲ್ ಸೆಪ್ಟೆಂಬರ್ 14, 2026 ರಿಂದಲೇ ಆರಂಭವಾಗಿದ್ದು, ಅಕ್ಟೋಬರ್ 24, 2026 ರವರೆಗೆ ಲೈವ್ ಇರಲಿದೆ.
ಇದರಲ್ಲಿ ಭಾರತದ 84ಕ್ಕೂ ಹೆಚ್ಚು ನಗರಗಳಲ್ಲಿರುವ 57,000+ ರೆಸ್ಟೋರೆಂಟ್‌ಗಳಲ್ಲಿ ನೀವು ಶೇ. 50ರಷ್ಟು ಬೃಹತ್ ಡಿಸ್ಕೌಂಟ್ ಪಡೆಯಬಹುದು. ಪ್ರಸಿದ್ಧ ಕೆಫೆಗಳು, ಪಬ್‌ಗಳು, ಬಾರ್‌ಗಳು, ಐಷಾರಾಮಿ ಹೋಟೆಲ್‌ಗಳು ಮತ್ತು ಫ್ಯಾಮಿಲಿ ರೆಸ್ಟೋರೆಂಟ್‌ಗಳು ಈ ಪಟ್ಟಿಯಲ್ಲಿ ಸೇರಿವೆ.
ಇದಲ್ಲದೆ, ಊಟದ ಬಿಲ್ ಪಾವತಿಸಲು ನೀವು ಎಚ್‌ಡಿಎಫ್‌ಸಿ ಬ್ಯಾಂಕ್ ಕಾರ್ಡ್ ಬಳಸಿದರೆ ಹೆಚ್ಚುವರಿ ಶೇ. 10ರಷ್ಟು ಇನ್‌ಸ್ಟಂಟ್ ಡಿಸ್ಕೌಂಟ್ ಸಿಗಲಿದೆ. ಜೊತೆಗೆ ಪ್ರತಿ ಬುಕ್ಕಿಂಗ್‌ ಮೇಲೂ ಶೇ.10ರಷ್ಟು ‘ಡೈನ್‌ಕ್ಯಾಶ್‌’ ಕೂಡ ನಿಮ್ಮ ವಾಲೆಟ್‌ಗೆ ವಾಪಸ್ ಜಮೆಯಾಗುತ್ತದೆ.
ಯಾವೆಲ್ಲಾ ನಗರಗಳು ಮತ್ತು ಬ್ರ್ಯಾಂಡ್‌ಗಳು ಭಾಗಿ?
ಬೆಂಗಳೂರು, ದೆಹಲಿ, ಮುಂಬೈ, ಹೈದರಾಬಾದ್, ಚೆನ್ನೈ, ಕೋಲ್ಕತ್ತಾದಂತಹ ಮಹಾನಗರಗಳ ಜೊತೆಗೆ ಗೋವಾ, ಜೈಪುರ, ಇಂದೋರ್, ಕೊಯಮತ್ತೂರು, ಚಂಡೀಗಢ, ಲಕ್ನೋ ಮತ್ತು ಉದಯಪುರ ಸೇರಿದಂತೆ 84 ನಗರಗಳಲ್ಲಿ ಈ ಆಫರ್ ಲಭ್ಯವಿದೆ.
ಪಂಜಾಬ್ ಗ್ರಿಲ್, ಅಬ್ಸಲ್ಯೂಟ್ ಬಾರ್ಬೆಕ್ಯೂಸ್, ಗುಡ್ ಫ್ಲಿಪ್ಪಿನ್ ಬರ್ಗರ್ಸ್, ಒನ್ 8 ಕಮ್ಯೂನ್, ಪ್ಯಾರಡೈಸ್ ಬಿರಿಯಾನಿ ಮತ್ತು ಮೈನ್‌ಲ್ಯಾಂಡ್ ಚೀನಾ ಸೇರಿದಂತೆ ದೇಶದ ಹಲವು ಖ್ಯಾತ ರೆಸ್ಟೋರೆಂಟ್ ಬ್ರ್ಯಾಂಡ್‌ಗಳು ಇದರಲ್ಲಿ ಭಾಗಿಯಾಗುತ್ತಿವೆ.
ಈ ಬಗ್ಗೆ ಮಾತನಾಡಿರುವ ಸ್ವಿಗ್ಗಿ ಡೈನ್‌ಔಟ್‌ನ ಮಾರ್ಕೆಟಿಂಗ್ ವಿಭಾಗದ ಎವಿಪಿ ಧ್ರುವಿಶ್ ಠಕ್ಕರ್, “ಜಿಐಆರ್ಎಫ್ ಭಾರತದ ಅತಿ ದೊಡ್ಡ ಡೈನಿಂಗ್ ಆಫರ್ ಮೇಳವಾಗಿದೆ. ಗ್ರಾಹಕರ ನಾಡಿಮಿಡಿತವನ್ನು ಅರಿತುಕೊಳ್ಳುವುದು ನಮ್ಮ ಉದ್ದೇಶ. ಪ್ರಸ್ತುತ ಸೋಶಿಯಲ್ ಮೀಡಿಯಾದಲ್ಲಿ ನಟ ರವಿ ಕಿಶನ್ ಅವರ ಡೈಲಾಗ್‌ಗಳು ಮತ್ತು ಹಾವಭಾವಗಳು ಸಖತ್ ಟ್ರೆಂಡಿಂಗ್‌ನಲ್ಲಿವೆ. ಹೀಗಾಗಿಯೇ ಅವರ ವೈರಲ್ ಟ್ರೆಂಡ್ ಅನ್ನು ಬಳಸಿಕೊಂಡು ಜಿಐಆರ್ಎಫ್ ಅನ್ನು ‘ಗ್ರೇಟ್ ಇಂಡಿಯನ್ ರವಿ ಫೆಸ್ಟಿವಲ್’ ಎಂದು ಮರುನಾಮಕರಣ ಮಾಡಿದ್ದೇವೆ. ಈ ಹೊಸ ಅವತಾರ ಹೆಚ್ಚಿನ ಗ್ರಾಹಕರನ್ನು ಆಕರ್ಷಿಸಲಿದೆ ಎಂಬ ವಿಶ್ವಾಸವಿದೆ,” ಎಂದಿದ್ದಾರೆ.
ಒಟ್ಟಿನಲ್ಲಿ, ಹೊರಗಡೆ ರುಚಿಯಾದ ಊಟ ಮಾಡಬೇಕು, ಆದರೆ ಜೇಬಿಗೂ ಕತ್ತರಿ ಬೀಳಬಾರದು ಎನ್ನುವವರು ಈಗಲೇ ಸ್ವಿಗ್ಗಿ ಡೈನ್‌ಔಟ್ ಆ್ಯಪ್ ಮೂಲಕ ಟೇಬಲ್ ಬುಕ್ ಮಾಡಿ, ರವಿ ಕಿಶನ್ ಸ್ಟೈಲ್‌ನಲ್ಲಿ ಭರ್ಜರಿಯಾಗಿ “ಡಿಸ್ಕೌಂಟ್.. ಫಾಲೋಸ್ ಮೈ ಬ್ರದರ್” ಎನ್ನಬಹುದು!
