T 20 world cup | ಟೀಂ ಇಂಡಿಯಾದಲ್ಲಿ ಎಲ್ಲರೂ ಮ್ಯಾಚ್ ವಿನ್ನರ್ ಗಳೇ..
ಚುಟುಕು ಕ್ರಿಕೆಟ್ ನ ವಿಶ್ವ ಸಮರಕ್ಕೆ ಸಜ್ಜಾಗಿರುವ ಟೀಂ ಇಂಡಿಯಾ ಬಲಿಷ್ಠವಾಗಿದೆ ಅನ್ನುವುದರಲ್ಲಿ ಎರಡು ಮಾತಿಲ್ಲ. ಬೇರೆ ತಂಡಗಳಿಗೆ ಹೋಲಿಕೆ ಮಾಡಿಕೊಂಡರೇ ರೋಹಿತ್ ಸೇನೆಯ ತಾಕತ್ತು ಒಂದು ಕೈ ಮೇಲೆಯೇ ಇದೆ. ವಿಶ್ವಕಪ್ ಗಾಗಿ ಆಸ್ಟ್ರೇಲಿಯಾದಲ್ಲಿರುವ ಟೀಂ ಇಂಡಿಯಾದಲ್ಲಿ ಮ್ಯಾಚ್ ವಿನ್ನರ್ ಗಳ ದಂಡೇ ಇದೆ.
ಹೀಗಾಗಿ ನೂರಕ್ಕೆ ನೂರು ಟೀಂ ಇಂಡಿಯಾ ಟಿ 20 ವಿಶ್ವಕಪ್ ಅನ್ನು ಎತ್ತಿ ಹಿಡಿಯುತ್ತದೆ ಎಂದು ಕ್ರಿಕೆಟ್ ಪಂಡಿತರು ಅಭಿಪ್ರಾಯಪಟ್ಟಿದ್ದಾರೆ.
ಕಳೆದ ವರ್ಷ ದುಬೈನಲ್ಲಿ ನಡೆದಿದ್ದ ಟಿ 20 ವಿಶ್ವ ಸಮರದಲ್ಲಿ ಭಾತರದ ಪ್ರದರ್ಶನ ನಿರಾಶದಾಯಕವಾಗಿತ್ತು.
ಅಲ್ಲಿಂದ ಈ ವಿಶ್ವಕಪ್ ವರೆಗೆ ಭಾರತ ಕ್ರಿಕೆಟ್ ತಂಡದಲ್ಲಿ ಬಹಳಷ್ಟು ಬದಲಾವಣೆಗಳಾಗಿವೆ.
ಕೋಚ್, ನಾಯಕ, ಹೊಸ ಹೊಸ ಪ್ರಯೋಗಗಳು ಹೀಗೆ ಹಲವಾರು ಬದಲಾವಣೆ ಕಂಡಿರುವ ಟೀಂ ಇಂಡಿಯಾ ಆಸ್ಟ್ರೇಲಿಯಾದಲ್ಲಿ ಎದೆಯುಬ್ಬಿಸಿ ನಿಂತಿದೆ.
ಹಾಗಾದ್ರೆ ಟೀಂ ಇಂಡಿಯಾದ ಸ್ಟ್ರೆಂಥ್ ಮತ್ತು ವೀಕ್ನೆಸ್ ಗಳೇನು ?
ಅನ್ ಪೇಪರ್ ನಲ್ಲಿ ಟೀಂ ಇಂಡಿಯಾ ಸಾಲಿಡ್ ಸ್ಟ್ರಾಂಗ್ ಆಗಿದೆ. ಬ್ಯಾಟಿಂಗ್ ನಲ್ಲಿ ಬಲಿಷ್ಟವಾಗಿರುವ ಭಾರತ ತಂಡದ ಬೌಲಿಂಗ್ ವಿಭಾಗ ಕೊಂಚ ಸುಧಾರಿಸಬೇಕಾಗಿದೆ.
ಟೀಂ ಇಂಡಿಯಾದಲ್ಲಿ ಮ್ಯಾಚ್ ವಿನ್ನರ್ ಗಳ ದಂಡೇ ಇದೆ. ಆರಂಭಿಕರಾಗಿ ಬರುವ ಕೆ.ಎಲ್.ರಾಹುಲ್, ರೋಹಿತ್ ಶರ್ಮಾ ಕ್ರೀಸ್ ಗೆ ಕಚ್ಚಿ ನಿಂತರೇ ಎದುರಾಳಿಗಳು ಧೂಳಿಪಟವಾಗೋದು ಖಚಿತ. ರಾಹುಲ್ ಗುಡುಗು ಮಿಂಚಿನಂತೆ ಆರ್ಭಟಿಸಿದ್ರೆ ರೋಹಿತ್ ಮೈದಾನದಲ್ಲಿ ರನ್ ಬಿರುಗಾಳಿ ಎಬ್ಬಿಸಬಲ್ಲರು.
ಇನ್ನು ಒನ್ ಡೌನ್ ನಲ್ಲಿ ಬರುವ ವಿರಾಟ್ ಕೊಹ್ಲಿಯ ಬಗ್ಗೆ ಪ್ರತ್ಯೇಕವಾಗಿ ಹೇಳುವ ಅವಶ್ಯಕತೆ ಇಲ್ಲ. ಸಂದರ್ಭಕ್ಕೆ ತಕ್ಕಂತೆ ಬ್ಯಾಟ್ ಬೀಸುವುದು.. ಸಂಕಷ್ಟದ ಸ್ಥಿತಿಯಲ್ಲಿ ತಂಡಕ್ಕೆ ಆಧಾರವಾಗೋದು.. ರನ್ ಗಳ ಅವಶ್ಯಕತೆ ಇದ್ದಾಗ ಬೌಂಡರಿ ಸಿಕ್ಸರ್ ಗಳ ಸುರಿಮಳೆಗೈಯುವುದು ಕೊಹ್ಲಿ ಸ್ಪೇಷಾಲಿಟಿ.
ಇನ್ನು ಸೂರ್ಯ ಕುಮಾರ್ ಯಾದವ್ ಸದ್ಯದ ಟಾಕ್ ಆಫ್ ದಿ ಟೌನ್. ಟಿ 20 ಕ್ರಿಕೆಟ್ ನ ಡೆಂಜರಸ್ ಬ್ಯಾಟರ್ ಎನಿಸಿಕೊಂಡಿರುವ ಸೂರ್ಯ, ಎದುರಾಳಿಗಳ ತಂತ್ರಗಳನ್ನು ಉಲ್ಟಾ ಮಾಡಿ ಸ್ಕೋರ್ ಬೋರ್ಡ್ ಗೆ ಬೆವರಿಳಿಯುವಂತೆ ಮಾಡುತ್ತಾರೆ. ಬೌಂಡರಿ ಸಿಕ್ಸರ್ ಗಳಿಂದಲೇ ಎದುರಾಳಿ ಬೌಲರ್ ಗಳಿಗೆ ಹಾಯ್ ಹೇಳುತ್ತಾರೆ.
ಐದನೇ ಕ್ರಮಾಂಕದಲ್ಲಿ ಬರುವ ಹಾರ್ದಿಕ್ ಪಾಂಡ್ಯ ಕೂಡ ಮೈದಾನದಲ್ಲಿ ರನ್ ಸುನಾಮಿ ಎಬ್ಬಿಸುವ ತಾಕತ್ತು ಹೊಂದಿದ್ದಾರೆ. ಮಿಡಲ್ ಮತ್ತು ಕೊನೆಯ ಓವರ್ ಗಳಲ್ಲಿ ಪಂದ್ಯದ ಗತಿಯನ್ನ ಬದಲಿಸಬಲ್ಲ ಸಾಮರ್ಥ್ಯ ಪಾಂಡ್ಯಗಿದೆ.
ಹಾಗೆ ಫಿನಿಷರ್ ರೋಲ್ ಪ್ಲೇ ಮಾಡುತ್ತಿರುವ ವಿಕೆಟ್ ಕೀಪರ್ ದಿನೇಶ್ ಕಾರ್ತಿಕ್ ಕೂಡ ಕೊನೆಯ ಓವರ್ ಗಳಲ್ಲಿ ಗುಡುಗು ಸಿಡಿಲಿನ ಆಟವಾಡುತ್ತಾರೆ. ಈ ಇಬ್ಬರು ಪಿಚ್ ಹೇಗೆ ಇರಲಿ.. ಬೌಲರ್ ಯಾರೇ ಆಗಿರಲಿ.. ದಂಡಿಸೋದು ಧ್ಯೇಯ ಎಂಬಂತೆ ಬ್ಯಾಟ್ ಬೀಸುತ್ತಾರೆ.
ಒಟ್ಟಾರೆ ಟೀಂ ಇಂಡಿಯಾದ ಬ್ಯಾಟಿಂಗ್ ಸಾಮರ್ಥ್ಯದ ಬಗ್ಗೆ ಚಕಾರ ಎತ್ತುವಂತಿಲ್ಲ. ತಂಡ ಯಾವೊಬ್ಬ ಬ್ಯಾಟರ್ ಕ್ರೀಸ್ ಕಚ್ಚಿ ನಿಂತರೇ ಸಾಕು ಅಂದು ಟೀಂ ಇಂಡಿಯಾದ ಗೆಲುವು ಗ್ಯಾರಂಟಿ.
