ಮಲ್ಟಿಪ್ಲೆಕ್ಸ್ ನ ಪಿವಿಆರ್ ಸಿನೆಮಾಸ್ ನಲ್ಲಿ ಕ್ರಿಕೆಟ್ ಕಲರವ
ಬೆಂಗಳೂರು : ಇನ್ನೇನು ಕೆಲವೇ ದಿನಗಳಲ್ಲಿ ಚುಟುಕು ಕ್ರಿಕೆಟ್ ನ ಮಹಾ ಸಂಗ್ರಾಮ ಶುರುವಾಗಲಿದೆ.
ಅಕ್ಟೋಬರ್ 17 ರಿಂದ ಐಸಿಸಿ ಟಿ-20 ವಿಶ್ವಕಪ್ ಪಂದ್ಯಾವಳಿಗಳು ಆರಂಭವಾಗಲಿವೆ.
ಈ ಮಧ್ಯೆ ಕ್ರಿಕೆಟ್ ಅಭಿಮಾನಿಗಳಿಗೆ ಪಿವಿಆರ್ ಸಿನಿಮಾಸ್ ಗುಡ್ ನ್ಯೂಸ್ ಒಂದನ್ನು ನೀಡಿದೆ.
ಅದೇನಂದರೇ ಈ ಬಾರಿಯ ವಿಶ್ವಕಪ್ ಪಂದ್ಯಾವಳಿಗಳನ್ನು ಪಿವಿಆರ್ ಸಿನೆಮಾಸ್ನ ಬಿಗ್ ಸ್ಕ್ರೀನ್ ನಲ್ಲಿ ನೋಡಬಹುದಾಗಿದೆ.
ಈ ಬಗ್ಗೆ ಶುಕ್ರವಾರ ಪಿವಿಆರ್ ಪತ್ರಿಕಾ ಪ್ರಕಟನೆ ಹೊರಡಿಸಿದೆ.
ಪಿವಿಆರ್ ನ ಪತ್ರಿಕಾ ಪ್ರಕಟನೆಯಲ್ಲಿ ಪಿವಿಆರ್ ಸಿನೆಮಾಸ್ ನ ಬಿಗ್ ಸ್ಕ್ರೀನ್ ನಲ್ಲಿ ಪಂದ್ಯಗಳನ್ನು ಪ್ರಸಾರ ಮಾಡಲು ಈಗಾಗಲೇ ಐಸಿಸಿಯೊಂದಿಗೆ ಒಡಂಬಡಿಕೆ ಮಾಡಿಕೊಳ್ಳಲಾಗಿದೆ.
ಅದರಂತೆ ಟಿ-20 ವಿಶ್ವಕಪ್ ಕೂಟದ ಎಲ್ಲ ಪಂದ್ಯಗಳನ್ನು ಜತೆಗೆ ಸೆಮಿಫೈನಲ್ ಮತ್ತು ಫೈನಲ್ ಪಂದ್ಯಗಳನ್ನು ಮಲ್ಟಿಪ್ಲೆಕ್ಸ್ ನ ಪಿವಿಆರ್ ನಲ್ಲಿ ಪ್ರದರ್ಶಿಸಲಾಗುವುದು ಎಂದು ಪಿವಿಆರ್ ಲಿಮಿಟೆಡ್ ನ ಸಿಇಒ ಗೌತಮ್ ದತ್ತ ತಿಳಿಸಿದ್ದಾರೆ.
ದೇಶದ ಪ್ರಮುಖ ನಗರಗಳಾದ ದೆಲ್ಲಿ, ಮುಂಬೈ, ಪುಣೆ, ಅಹ್ಮದಾಬಾದ್ ಸೇರಿದಂತೆ 35 ಕ್ಕೂ ಹೆಚ್ಚು ನಗರಗಳಲ್ಲಿ, 75ಕ್ಕೂ ಹೆಚ್ಚು ಪಿವಿಆರ್ ಸಿನೆಮಾಸ್ ಪರದೆಗಳಲ್ಲಿ ಟಿ-20 ವಿಶ್ವಕಪ್ ನ ದಮಾಕವನ್ನು ನೋಡಬಹುದಾಗಿದೆ.
