ಭಾರತದ ತಾರಾ ಶಟ್ಲರ್ ಎಚ್.ಎಸ್.ಪ್ರಣಯ್ ತೈಪೇ ಓಪನ್ ಟೂರ್ನಿಯಲ್ಲಿ ಸೋತು ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ಈ ಮೂಲಕ ಭಾರತದ ಹೋರಾಟ ಅಂತ್ಯವಾಗಿದೆ.
ಶುಕ್ರವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಪ್ರಣಯ್ ಎದುರಾಳಿ ಹಾಂಗ್ ಕಾಂಗ್ನ ಎನ್ಐ ಕಾ ಲಾಂಗ್ ವಿರುದ್ಧ 19-21, 8-21 ಅಂಕಗಳಿಂದ ಮಣಿದರು.
ಮೊದಲ ಸುತ್ತಿನಲ್ಲಿ ಇಬ್ಬರು ಆಟಗಾರರು ಜಿದ್ದಾಜಿದ್ದಿನ ಕದನಕ್ಕೆ ಬಿದ್ದರು. ಲಾಂಗ್ ತಪ್ಪು ಮಾಡಿದ್ದರಿಂದ ಪ್ರಣಯ್ ಎರಡು ಅಂಕ ಮುನ್ನಡೆ ಪಡೆದರು. ನಂತರ 12-12, 19-19 ಸಮಬಲದ ಹೋರಾಟ ಕಂಡು ಬಂದವು. ಪ್ರಣಯ್ ತಪ್ಪು ಮಾಡಿ ಸೋತರು. ಎರಡನೆ ಸುತ್ತಿನ ಆರಂಭದಲ್ಲೆ ಲಾಂಗ್ ಐದು ಅಂಕಗಳ ಮುನ್ನಡೆ ಪಡೆದು ನಂತರ ಪ್ರಭುತ್ವ ಸಾಸಿ ಗೆದ್ದರು. ಪ್ರಣಯ್ ನೆಟ್ಗೆ ಹೊಡೆದು ಸುಮಾರು 12 ಅಂಕಗಳನ್ನು ಬಿಟ್ಟು ಕೊಟ್ಟು ಟೂರ್ನಿಯಿಂದ ಹೊರಬಿದ್ದರು.
