Telangana New Secretariat : ತೆಲಂಗಾಣದ ನೂತನ ಸಚಿವಾಲಯದಲ್ಲಿ ಅಗ್ನಿ ಆವಘಡ…
ತೆಲಂಗಾಣ ಸರ್ಕಾರ ನಿರ್ಮಿಸಿರುವ ನೂತನ ಸಚಿವಾಲಯದಲ್ಲಿ ಅಗ್ನಿ ಅವಘಡ ಸಂಭವಿಸಿದ್ದು, 11 ಕ್ಕೂ ಹೆಚ್ಚು ಅಗ್ನಿಶಾಮಕ ವಾಹನಗಳು ಬೆಂಕಿ ನಂದಿಸಿವೆ. ಮರದ ಕೆಲಸದ ವೇಳೆ ಬೆಂಕಿ ಹೊತ್ತಿಕೊಂಡಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ. ಬೆಂಕಿ ಅನಾಹುತಕ್ಕೆ ಕಾರಣ ತನಿಖೆ ನಡೆಸಲಾಗುತ್ತಿದೆ.
ತೆಲಂಗಾಣ ಸೆಕ್ರೆಟರಿಯೇಟ್‌ನ ಒಟ್ಟು ವಿಸ್ತೀರ್ಣ 28 ಎಕರೆ. ಅದರಲ್ಲಿ 10, 51,676 ಚದರ ಅಡಿ ಕಟ್ಟಡ ನಿರ್ಮಿಸಲಾಗಿದೆ. ಈ ಕಟ್ಟಡದ ಎತ್ತರ 265 ಅಡಿ. ಇದು ದೇಶದ ಅತಿ ಎತ್ತರದ ಕಟ್ಟಡಗಳಲ್ಲಿ ಒಂದಾಗಿದೆ. ರಾಷ್ಟ್ರೀಯ ಲಾಂಛನ ಸೇರಿದಂತೆ ಕಟ್ಟಡದ ಒಟ್ಟು ಎತ್ತರ 278 ಅಡಿ.
ಕಟ್ಟಡವು 11 ಮಹಡಿಗಳ ಎತ್ತರದಂತೆ ಕಾಣುತ್ತದೆ ಆದರೆ ಕೇವಲ ಆರು ಮಹಡಿಗಳನ್ನು ಹೊಂದಿದೆ. ಡೆಕ್ಕನ್ ಮತ್ತು ಕಾಕತೀಯ ಶೈಲಿಯಲ್ಲಿ ನಿರ್ಮಿಸಲಾದ ಈ ಕಟ್ಟಡವು 2 ಮುಖ್ಯ ಗುಮ್ಮಟಗಳು ಮತ್ತು 34 ಸಣ್ಣ ಗುಮ್ಮಟಗಳನ್ನು ಹೊಂದಿದೆ. ಇದನ್ನು ಆಧುನಿಕ ಸ್ಪರ್ಶದ ಜೊತೆಗೆ ತೆಲಂಗಾಣ ಸಂಪ್ರದಾಯದೊಂದಿಗೆ ನಿರ್ಮಿಸಲಾಗಿದೆ. ಈ ಆಡಳಿತ ಕಟ್ಟಡಕ್ಕೆ ಸಂವಿಧಾನದ ನಿರ್ಮಾತೃ ಡಾ.ಭೀಮರಾವ್ ರಾಮ್‌ಜಿ ಅಂಬೇಡ್ಕರ್ ಅವರ ಹೆಸರನ್ನು ಇಡಲು ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ನಿರ್ಧರಿಸಲಾಗಿತ್ತು.
Telangana New Secretariat: A fire broke out in the new secretariat of Telangana.
