ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ – ಮೊದಲ ಸುತ್ತಿನಲ್ಲಿ ಗೆದ್ದು ಬೀಗಿದ ಪಿ ವಿ ಸಿಂಧು…
ಬ್ಯಾಂಕಾಕ್ನಲ್ಲಿ ನಡೆದ ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಮಹಿಳೆಯರ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ಭಾರತದ ಪಿವಿ ಸಿಂಧು 21-18, 19-21, 21-18ರಲ್ಲಿ ಅಮೆರಿಕದ ಲಾರೆನ್ ಲ್ಯಾಮ್ ಅವರನ್ನು ಮಣಿಸಿ ಎರಡನೇ ಸುತ್ತು ತಲುಪಿದ್ದಾರೆ. ಎರಡನೇ ಸುತ್ತಿನಲ್ಲಿ ಸಿಂಧು ಸಿಮ್ ಯು ಅವರನ್ನು ಎದುರಿಸಲಿದ್ದಾರೆ.
ಆದರೆ, ಸೈನಾ ನೆಹ್ವಾಲ್ ದಕ್ಷಿಣ ಕೊರಿಯಾದ ಕಿಮ್ ಗಾ ಯುನ್ ವಿರುದ್ಧ 21-11, 15-21, 17-21 ಸೆಟ್ಗಳಿಂದ ಸೋತು ಟೂರ್ನಿಯಿಂದ ಹೊರಬಿದ್ದರು. ಒಲಿಂಪಿಕ್ ಪದಕ ವಿಜೇತೆ ಸೈನ ಮೊದಲ ಗೇಮ್ನಲ್ಲಿ ಪ್ರಾಬಲ್ಯ ಸಾಧಿಸಿ 21-11 ರಿಂದ ಗೆದ್ದಿದ್ದರು. ಆದರೆ ಕಿಮ್ ಗಾ ಯುನ್ ಮುಂದಿನ ಎರಡು ಗೇಮ್ಗಳಲ್ಲಿ ಪುಟಿದೇಳುವ ಮೂಲಕ ಸೈನಾರನ್ನ 15-21, 17-21 ರಿಂದ ಪರಭಾವಗೊಳಿಸಿದರು.
ಭಾರತದ ಅರ್ಹತಾ ಆಟಗಾರ್ತಿ ಅಶ್ಮಿತಾ ಚಲಿಹಾ ಅವರು 29 ನಿಮಿಷಗಳ ಕಾಲ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ಏಳನೇ ಶ್ರೇಯಾಂಕದ ಥಾಯ್ಲೆಂಡ್ನ ರಚನೋಕ್ ಇಂಟನಾನ್ ವಿರುದ್ಧ 10-21 15-21 ರಿಂದ ಸೋತರು.
ಭಾರತದ ಮತ್ತೋರ್ವ ಅರ್ಹತಾ ಆಟಗಾರ ಆಕರ್ಷಿ ಕಶ್ಯಪ್ ಅವರು ಕೆನಡಾದ ಮಿಚೆಲ್ ಲಿ ವಿರುದ್ಧ 13-21 18-21 ಅಂತರದಲ್ಲಿ ಸೋಲನುಭವಿಸಿ ಮೊದಲ ಸುತ್ತಿನಲ್ಲೇ ಟೂರ್ನಿಯಿಂದ ಹೊರಬಿದ್ದರು.
ಮಿಶ್ರ ಡಬಲ್ಸ್ ಜೋಡಿ ಬಿ ಸುಮೀತ್ ರೆಡ್ಡಿ ಮತ್ತು ಅಶ್ವಿನಿ ಪೊನ್ನಪ್ಪ ಅವರು ಎಂಟನೇ ಶ್ರೇಯಾಂಕದ ಜಪಾನಿನ ಜೋಡಿಯಾದ ಯುಕಿ ಕನೆಕೊ ಮತ್ತು ಮಿಸಾಕಿ ಮತ್ಸುಟೊಮೊ ವಿರುದ್ಧ 17-21 17-21 34 ನಿಮಿಷಗಳಲ್ಲಿ ಸೋಲುವ ಮೂಲಕ ಮೊದಲ ಸುತ್ತಿನ ನಿರ್ಗಮನವನ್ನು ಅನುಭವಿಸಿದರು.
