ಕೊರೊನಾ ಲಾಕ್ ಡೌನ್ ಬಳಿಕ ತಿಂಗಳುಗಳ ಕಾಲ ಬಂದ್ ಆಗಿದ್ದ ಥಿಯೇಟರ್ ಗಳ ಪುನರಾರಂಭಕ್ಕೇನೋ ಸರ್ಕಾರದಿಂದ ಗ್ರೀನ್ ಸಿಗ್ನಲ್ ಸಿಕ್ಕಾಯ್ತು..
ಅನ್ ಲಾಕ್ 5.0 ಅನ್ವಯ ಕೊರೊನಾ ಆತಂಕದ ನಡುವೆಯೇ ಅ.15ರಿಂದ ಚಿತ್ರಮಂದಿರಗಳು ಮತ್ತೆ ಕಾರ್ಯ ಆರಂಭಿಸಲಿವೆ.
ಈ ಕೊರೊನಾ ಸಂಕಷ್ಟದ ನಡುವೆ ಚಿತ್ರಮಂದಿರಗಳತ್ತ ಸಿನಿಪ್ರಿಯರ ಮುಖ ಮಾಡ್ತಾರಾ ಎಂಬ ಗೊಂದಲಗಳವೂ ಇವೆ.. ಇತ್ತ ಇಷ್ಟು ದಿನ ಸ್ಥಬ್ಧವಾಗಿದ್ದ ಚಿತ್ರರಂಗದಲ್ಲೂ ಚಟುವಟಿಕೆಗಳು ಗರಿಗೆದರಿವೆ..
ಅವತಾರ್ -2, ಅವತಾರ್ -3 ರಿಲೀಸ್ ಡೇಟ್ ಘೋಷಣೆ..!
ಇನ್ನೂ ಚಿತ್ರಮಂದಿರಗಳು ಓಪನ್ ಆಗುತ್ತಿದ್ದಂತೇ ಯಾವೆಲ್ಲಾ ಸಿನೆಮಾಗಳು ತೆರೆಗಪ್ಪಳಿಸುತ್ತೆ ಎಂಬ ಕ್ಯೂರಿಯಾಸಿಟಿ ಸಹಜವಾಗಿ ಅಭಿಮಾನಿಗಳಲ್ಲಿವೆ.
ಇನ್ನೂ ಕನ್ನಡದ ಅನೇಕ ಬಿಗ್ ಬಜೆಟ್ ಸಿನೆಮಾಗಳು ಬಹುತೇಕ ಶೂಟಿಂಗ್ ಕಂಪ್ಲೀಟ್ ಮಾಡಿಕೊಂಡಿವೆ..
ಹೀಗಾಗಿ ಸ್ಟಾರ್ ನಟರ ಸಿನೆಮಾಗಳು ತೆರೆಗಪ್ಪಳಿಸುತ್ತಾ.. ಯಾವೆಲ್ಲಾ ಚಿತ್ರಗಳು ಜನರ ಮುಂದೆ ಬರಲಿವೆ..
ಹೀಗೆ ನಾನಾ ಬಗೆಯ ಚರ್ಚೆಗಳು ಆರಂಭವಾಗಿವೆ.
ರಾಬರ್ಟ್
ಮೊದಲನೆಯದಾಗಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ನಟನೆಯ “ರಾಬರ್ಟ್” ಮೇಲೆ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಾಗಿದೆ.. ಥಿಯೇಟರ್ ತೆರೆಯಲು ಅನುಮತಿ ಸಿಕ್ಕಬೆನ್ನಲ್ಲೇ ಶೀಘ್ರವೇ ಸಿಲ್ವರ್ ಸ್ಕ್ರೀನ್ ಮೇಲೆ ಅಭಿಮಾನಿಗಳಿಗೆ “ರಾಬರ್ಟ್” ದರ್ಶನವಾಗುತ್ತಾ ಎಂಬ ಚರ್ಚೆಗಳು ತಾರಕ್ಕೇರಿವೆ.
ಭಜರಂಗಿ 2
ಇನ್ನೂ ಮತ್ತೋರ್ವ ಸ್ಟಾರ್ ನಟ ಶಿವರಾಜ್ ಕುಮಾರ್ ಅವರ ಭಜರಂಗಿ 2 ಚಿತ್ರದ ಮೇಲೂ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಾಗಿದೆ. ಭಜರಂಗಿ 2 ಸಿನಿಮಾ, ಕಳೆದ ತಿಂಗಳಿನಿಂದ ಮತ್ತೆ ಚಿತ್ರೀಕರಣ ಪ್ರಾರಂಭಿಸಿದೆ. ಇನ್ನೂವರೆಗೂ ಶೂಟಿಂಗ್ ಹಂತದಲ್ಲಿದ್ದು, ಸದ್ಯಕ್ಕೆ ಸಿನಿಮಾ ತೆರೆಗಪ್ಪಳಿಸಲು ಸಮಯ ಬೇಕಿದೆ.
ಕೋಟಿಗೊಬ್ಬ 3
ಕಿಚ್ಚ ಸುದೀಪ್ ಅವರ ಅಭಿನಯದ ಕೋಟಿಗೊಬ್ಬ-3 ಚಿತ್ರೀಕರಣವಂತೂ ಲಾಕ್ ಡೌನ್ ಆಗುವುದಕ್ಕೂ ಮುಂಚೆಯೇ ಶೂಟಿಂಗ್ ಕಂಪ್ಲೀಟ್ ಆಗಿದೆ. ಹೀಗಾಗಿ ಈ ಚಿತ್ರ ರಿಲೀಸ್ ಆಗಬಹುದು ಎಂಬ ಮಾತುಗಳು ಜೋರಾಗಿ ಹರಿದಾಡ್ತಿವೆ.
ಸಲಗ
ಇನ್ನೂ ದುನಿಯಾ ವಿಜಯ್ ನಟಿಸಿ, ನಿರ್ದೇಶಿಸಿರುವ ಸಲಗ ಸಿನಿಮಾ ಚಿತ್ರೀಕರಣವೂ ಬಹುತೇಕ ಮುಗಿದಿದ್ದು, ಪೋಸ್ಟ್ ಪ್ರೊಡಕ್ಷನ್ ಕೆಲಸ ಬಾಕಿಯಿದೆ. ಈ ಚಿತ್ರವೂ ರಿಲೀಸ್ ಲಿಸ್ಟ್ ನಲ್ಲಿದೆಯಾದರೂ ಇನ್ನೂ ಸ್ವಲ್ಪ ಕೆಲಸ ಬಾಕಿಯಿರುವ ಕಾರಣ ರಿಲೀಸ್ ಆಗುವುದು ತಡವಾಗಬಹುದು ಎನ್ನಲಾಗ್ತಿದೆ.
ಪೊಗರು
ಇನ್ನೂ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅವರ ಅಭಿನಯದ ‘ಪೊಗರು’ ಸಿನೆಮಾದ ಶೂಟಿಂಗ್ ಬರೋಬ್ಬರಿ 2 ವರ್ಷದಿಂದಲೂ ನಡೆಯುತ್ತಿದೆ. ಈ ಚಿತ್ರದ ಬಗ್ಗೆ ಸನಿಪ್ರಿಯರಲ್ಲಿ ನಿರೀಕ್ಷೆ ಹೆಚ್ಚಾಗಿದೆ.. ಈಗಾಗಲೇ ಈ ಚಿತ್ರದ ಖರಾಬು ಹಾಡು ತೆಲುಗು , ಕನ್ನಡದಲ್ಲಿ ಸೂಪರ್ ಡೂಪರ್ ಹಿಟ್ ಆಗಿ ಮಿಲಿಯನ್ ಗಟ್ಟಲೆ ವೀವ್ಸ್ ಗಿಟ್ಟಿಸಿಕೊಂಡಿದೆ.
https://www.youtube.com/watch?v=vRkxSh8LcDk
ಈ ಚಿತ್ರದ ಶೂಟಿಂಗ್ ಕೂಡ ಬಹುತೇಕ ಪೂರ್ಣಗೊಂಡಿದ್ದು ರಿಲೀಸ್ ಡೇಟ್ ಇನ್ನೂ ರಿವೀಲ್ ಆಗಿಲ್ಲ.. ಆದ್ರೆ ಚಿತ್ರಮಂದಿರಗಳ ಪುನರಾರಂಭದ ಬಳಿಕ ರಿಲೀಸ್ ಆಗಬಹುದಾದ ಸಿನೆಮಾಗಳ ಗಾಸಿಫ್ ಲಿಸ್ಟ್ ನಲ್ಲಿ “ಪೊಗರು “ ಹೆಸರು ಸಹ ಇದೆ.
