ಬೆಂಗಳೂರಿನಲ್ಲಿ ಈ ಸೂಚನೆಗಳನು ಅನುಸರಿಸಿಬೇಕು, ಇಲ್ಲವಾದಲ್ಲಿ ಕೊರೊನಾ ಪಕ್ಕಾ : ಬಿಬಿಎಂಪಿ
ಬೆಂಗಳೂರು: ದೇಶದಲ್ಲಿ ಲಾಕ್ ಡೌನ್ ಸಡಿಲಗೊಂಡು ಅನ್ ಲಾಕ್ 1.0 ಶುರುವಾಗಿದೆ. ಹಾಗಾಗಿ ದೇವಸ್ಥಾನ, ಮಾಲ್, ಹೊಟೇಲ್ ಸೇರಿದಂತೆ ಬಹುತೇಕ ಓಪನ್ ಆಗಿವೆ. ಈ ಹಿನ್ನೆಲೆಯಲ್ಲಿ ಸಿಲಿಕಾನ್ ಸಿಟಿಯ ಜನ ವಾರಾಂತ್ಯದಲ್ಲಿ ಹೆಚ್ಚು ಜನ ಹೊರ ಬಂದಿದ್ದಾರೆ. ಕೊರೊನಾ ಸೋಂಕು ಹೆಚ್ಚಾಗುತ್ತಲೆ ಇದ್ದರು. ಯಾವುದೇ ಆತಂಕ ವಿಲ್ಲದೆ ಹೊರಗಡೆ ಸುತ್ತಾಡುತ್ತಿದ್ದಾರೆ. ಅಲ್ಲದೆ ಹೊಟೇಲ್, ಕಚೇರಿ, ದಾರ್ಮಿಕ ಸ್ಥಳಗಳಲ್ಲಿ ,ಪಾರ್ಕ್ ನಲ್ಲಿ ಎಚ್ಚರ ವಹಿಸುವಂತೆ ಮತ್ತೊಮ್ಮೆ ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡಿದೆ.
ಬಿಬಿಎಂಪಿ ಮಾರ್ಗಸೂಚನೆಗಳಿವು
ಅನ್ಲಾಕ್ 1.0 ಸಂದರ್ಭದಲ್ಲಿ ಮಕ್ಕಳ ಮತ್ತು 65 ವರ್ಷದ ಮೇಲ್ಪಟ್ಟವರಿಗೆ, ವಿವಿಧ ಕಾಯಿಲೆಗಳಿಂದ ಬಳಲುವವರು, ಗರ್ಭಿಣಿಯರಿಗೆ ಪ್ರವೇಶ ನೀಡಬಾರದು.ಎಲ್ಲ ಕಡೆ ಮಾಸ್ಕ್, ಸ್ಯಾನಿಟೈಸರ್ ಬಳಕೆ ಮತ್ತು ಅಂತರ ಕಾಯ್ದುಕೊಳ್ಳಬೇಕು.
ಕಂಟೈನ್ಮೆಂಟ್ ಪ್ರದೇಶಗಳಲ್ಲಿ ಯಾವುದೇ ಅಂಗಡಿಗಳು, ಪಾರ್ಕ್ ,ಧಾರ್ಮಿಕ ಸ್ಥಳಗಳು, ಕಚೇರಿಗಳು ಓಪನ್ ಮಾಡುವಂತಿಲ್ಲ
ಹೊಟೇಲ್ ಮತ್ತು ಮಾಲ್ ಗಳಲ್ಲಿ ಅನುಸರಿಸಬೇಕಾದ ಮಾರ್ಗಸೂಚಿಗಳು
ಕುರ್ಚಿ, ಬೆಂಚ್, ಎಲಿವೇಟರ್, ಲಿಫ್ಟ್ಗಳನ್ನು ಆಗಾಗ ಸ್ವಚ್ಚಗೊಳಿಸಬೇಕು.
ನೀರು ಕುಡಿಯುವ ಜಾಗ, ಶೌಚಾಲಯ, ಕೌಂಟರ್ ಬಳಕೆ ಸ್ಯಾನಿಟೈಸರ್ ಬಳಸಿ ಸ್ವಚ್ಛ ಮಾಡಬೇಕು.
ನಗದು ಪಾವತಿಗೆ ಡಿಜೆಟಲ್ ವ್ಯವಸ್ಥೆ ಮಾಡಿಕೊಂಡಬೇಕು
ಹೊಟೇಲ್ ಗಳಲ್ಲಿ ಇರುವ ಒಟ್ಟು ಆಸನಗಳಲ್ಲಿ ಶೇ50% ಜನಕ್ಕೆ ಮಾತ್ರ ಹೊಟೇಲ್ ಪ್ರವೇಶ ನೀಡಬೇಕು
ಸಲೂನ್, ಪಾರ್ಲರ್ ಗಳಲ್ಲಿ ಅನುಸರಿಸಿಬೇಕಾದ ಮಾರ್ಗಸೂಚಿಗಳು
ಸಮಯವನ್ನು ಮೊದಲೇ ನಿಗದಿ
ಮಾಡಿಕೊಂಡವರಿಗೆ ಪ್ರವೇಶ ನೀಡಬೇಕು.
ಗ್ರಾಹಕರಿಗೆ ಬಳಸುವ ಗೌನ್ ಮತ್ತು ಕೊರಳಿಗೆ ಹಾಕುವ ಬಟ್ಟೆಯನ್ನು ಪ್ರತಿ ಬಾರಿ ಬದಲಿಸಬೇಕು.
ಬಳಕೆಗೂ ಮುನ್ನ ವಸ್ತುಗಳನ್ನು ಸೋಪಿನ ಬಿಸಿ ನೀರು ಬಳಸಿ ತೊಳೆಯಬೇಕು.
ಸಿಬ್ಬಂದಿಗಳು ಕಡ್ಡಾಯವಾಗಿ ಮಾಸ್ಕ್ ಮತ್ತು ಹ್ಯಾಂಡ್ ಗ್ಲೌಸ್ ಹಾಕಿಕೊಂಡಿರಬೇಕು.
ಪಾರ್ಕ್ ಗಳಲ್ಲಿ ಅನುಸರಿಸಬೇಕಾದ ಮಾರ್ಗಸೂಚಿಗಳು
ಬಂದ ಜನ ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವಂತೆ ನೋಡಿಕೊಳ್ಳಲು ಹೆಚ್ಚಿನ ಸಿಬ್ಬಂದಿ ನೇಮಕ ಮಾಡಬೇಕು.
ಪಾರ್ಕ್ ನಲ್ಲಿ ಗುರುತು ಮಾಡಿದ ಆಸನಗಳಲ್ಲಿ ಮಾತ್ರ ಕುಳಿತುಕೊಳ್ಳಬೇಕು.
ಆರೋಗ್ಯ ಸೇತು ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳುವಂತೆ ಸೂಚಿಸಿ ನಾಮ ಫಲಕಗಳು ಹಾಕುಬೇಕು.
ಕಚೇರಿಗಳಲ್ಲಿ ಅನುಸರಿಸಬೇಕಾದ ಮಾರ್ಗಸೂಚಿಗಳು
ವಿಡಿಯೋ ಕಾನ್ಫರೆನ್ಸ್ ಸಭೆಗೆ ಒತ್ತು ನೀಡಬೇಕು.
ಸಾದ್ಯವಾದಷ್ಟುವರ್ಕ್ ಫ್ರಮ್ ಹೋಮ್ ಗೆ ಅವಕಾಶ ಮಾಡಿಕೊಡಬೇಕು.
ಥರ್ಮಲ್ ಸ್ಕ್ಯಾನರ್ ಮೂಲಕ ಆರೋಗ್ಯ ತಪಾಸಣೆ ನಡೆಸಬೇಕು. ಇದಾದ ಮೇಲೆ ಕಚೇರಿ ಒಳಗೆ ಪ್ರವೇಶ ನೀಡಬೇಕು.
ಧಾರ್ಮಿಕ ಸ್ಥಳಗಳಲ್ಲಿ ಅನುಸರಿಸಬೇಕಾದ ಮಾರ್ಗಸೂಚಿಗಳು
ಸಾಮೂಹಿಕ ಭಜನೆ ಮಾಡುವಂತಿಲ್ಲ.
ದೇವಸ್ಥಾನದ ಮೂರ್ತಿ, ಕಂಬಗಳು ಮುಟ್ಟುವಂತಿಲ್ಲ.
ಸಾಮೂಹಿಕ ಪ್ರಾರ್ಥನೆಗೆ ಮನೆಯಿಂದ ನೆಲಹಾಸು ತರಬೇಕು.
ಭಕ್ತರ ಪ್ರವೇಶಕ್ಕೆ ಮತ್ತು ದೇವಸ್ಥಾನಕ್ಕೆ ಬೇಕಾದ ವಸ್ತುಗಳನ್ನು ತರಲು ಪ್ರತೇಕ ಬಾಗಿಲ ವ್ಯವಸ್ಥೆ ಮಾಡಬೇಕು.
ಕ್ಲಿನಿಕ್ ಗಳಲ್ಲಿ ಅನುಸರಿಸಬೇಕಾದ ಮಾರ್ಗಸೂಚಿಗಳು
ರೋಗಿಗಳಿಗೆ ಟೆಲಿಕನ್ಸಲೇಷನ್ಗೆ ಆದ್ಯತೆ ನೀಡಬೇಕು.
ಅಗತ್ಯ ಇದ್ದರೆ ಮಾತ್ರ ಕ್ಲಿನಿಕ್ ಗೆ ಕರೆಸಿಕೊಳ್ಳಬೇಕು.
ತಪಾಸಣಾ ವೇಳೆ ಒಬ್ಬರಿಗೆ ಮಾತ್ರ ಪ್ರವೇಶ ನೀಡಬೇಕು.
ವೈದ್ಯರು ಪಿಪಿಇ ಕಿಟ್ ಗಳನ್ನು ಧರಿಸಬೇಕು.
ಎಂಡೋಸ್ಕೋಪಿ ಟೆಸ್ಟ್ ಸಾಧ್ಯವಾದಷ್ಟು ತಡೆಯಬೇಕು.
ಅಗತ್ಯ ಅನಿಸಿದರೆ ಮಾತ್ರ ಕ್ರಮವಹಿಸಬೇಕು.
