Tollywood | ಮೆಗಾಸ್ಟಾರ್ ಶಾಕಿಂಗ್ ಕಮೆಂಟ್ಸ್.. ಟಾಲಿವುಡ್ ನಲ್ಲಿ ಏನ್ ನಡೀತಿದೆ..?
ಟಾಲಿವುಡ್ ನಲ್ಲಿ ಎಲ್ಲವೂ ಸರಿಯಿಲ್ಲ ಅನ್ನೋದು ಮತ್ತೆ ಜಗತ್ ಜಾಹೀರಾಗಿದೆ.
ನಾವೆಲ್ಲಾ ಕಲಾ ತಾಯಿಯ ಮಕ್ಕಳು, ಒಂದೇ ಕುಟುಂಬದವರು ಅಂತಾ ಮಿಡಿಯಾ ಮುಂದೆ ಹೇಳುವ ತೆಲುಗು ನಟ ಮಧ್ಯೆ ಸಂಥಿಂಗ್ ನಡೆಯುತ್ತಿದೆ ಅನ್ನೋದು ಆಗಾಗ ಗೊತ್ತಾಗುತ್ತಲೇ ಇರುತ್ತದೆ.
ಇದಕ್ಕೆ ಸಾಕ್ಷಿ ಎಂಬಂತೆ ಇಂದು ಮತ್ತೊಂದು ಘಟನೆ ನಡೆದಿದೆ. ಟಿಕೆಟ್ ರೇಟ್ ಸೇರಿದಂತೆ ಹಲವು ವಿಚಾರವಾಗಿ ಆಂಧ್ರ ಸರ್ಕಾರ ಮತ್ತು ಟಾಲಿವುಡ್ ಮಧ್ಯೆ ಮುಸುಕಿನ ಗುದ್ದಾಟ ನಡೆಯುತ್ತಿದೆ.
ಇದಕ್ಕೆ ಪೂರ್ಣ ವಿರಾಮ ಇಡುವ ಉದ್ದೇಶದಿಂದ ಮುಖ್ಯಮಂತ್ರಿ ಜಗನ್ ಮೋಹನ್ ರೆಡ್ಡಿ, ಟಾಲಿವುಡ್ ದಿಗ್ಗಜರನ್ನು ಭೇಟಿ ಮಾಡಲು ಮುಂದಾಗಿದ್ದಾರೆ.
ಈ ಮೊದಲು ಚಿರಂಜೀವಿ ಅವರ ಜೊತೆ ಮಾತ್ರ ಚರ್ಚಿಸಿದ್ದ ಜಗನ್, ಇಂದು ನಿರ್ದೇಶಕ ರಾಜಮೌಳಿ, ಮಹೇಶ್ ಬಾಬು, ಪ್ರಬಾಸ್ ಸೇರಿದಂತೆ ಹಲವರು ಜೊತೆ ಮಂಥನ ನಡೆಸಲಿದ್ದಾರೆ.
ಸಿಎಂ ಭೇಟಿ ಹಿನ್ನಲೆಯಲ್ಲಿ ಬೇಗಂಪೇಟೆ ವಿಮಾನ ನಿಲ್ದಾಣಕ್ಕೆ ಮೆಗಾಸ್ಟಾರ್ ಚಿರಂಜೀವಿ ಬಂದಿದ್ದು, ಶಾಕಿಂಗ್ ಕಮೆಂಟ್ಸ್ ಮಾಡಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡಿದ ಚಿರು, ಮುಖ್ಯಮಂತ್ರಿಯಿಂದ ನನಗೆ ಆಹ್ವಾನ ಬಂದಿದೆ. ಅದಕ್ಕೆ ನಾನು ಹೋಗುತ್ತಿದ್ದೇನೆ.
ಉಳಿದವರು ಯಾರೂ ಬರ್ತಾರೋ ಗೊತ್ತಿಲ್ಲ. ನಾನು ಕೂಡ ಮಾಧ್ಯಮಗಳಲ್ಲಿ ನೋಡಿ ಯಾರ್ಯಾರು ಬರ್ತಿದ್ದಾರೆ ಅನ್ನೋದನ್ನ ತಿಳಿದುಕೊಳ್ಳುತ್ತಿದ್ದೇನೆ.
ಸಮಸ್ಯೆಗಳು ಹಿಂದೇ ಮುಗಿಯುವ ವಿಶ್ವಾಸ ಇದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಆದ್ರೆ ಚಿರು ಟಾಲಿವುಡ್ ಗೆ ಬಿಗ್ ಬಾಸ್, ತೆಲುಗು ಚಿತ್ರರಂಗದಲ್ಲಿ ನಡೆಯುವ ಪ್ರತಿಯೊಂದು ವಿಚಾರವೂ ಚಿರು ಮನೆ ಮುಟ್ಟಿಯೇ ಹೋಗುತ್ತದೆ.
ಆದ್ರೆ ಚಿರಂಜೀವಿ, ಸಿಎಂ ಸಭೆಯಲ್ಲಿ ಯರ್ಯಾರು ಭಾಗಿಯಾಗುತ್ತಾರೋ ಗೊತ್ತಿಲ್ಲ ಅಂತಾ ಹೇಳಿರೋದು ಚರ್ಚೆಗೆ ಕಾರಣವಾಗಿದೆ.
