ಗುಜರಾತ್ಗೆ ಬಂದಿಳಿದ ‘ದಿ ಬೀಸ್ಟ್’ ಕಾರು..!
ಟ್ರಂಪ್ ಬಳಸುವ ಐಷಾರಾಮಿ ಕಾರು ‘ದಿ ಬೀಸ್ಟ್’..!
‘ದಿ ಬೀಸ್ಟ್’ ಕಾರಿನ ಬಗ್ಗೆ ನಿಮಗೆಷ್ಟು ಗೊತ್ತು..?
ಯಾವುದೇ ದಾಳಿಗೂ ಜಗ್ಗದು ‘ದಿ ಬೀಸ್ಟ್’..!
ಇದೇ ಫೆಬ್ರವರಿ 24ರಂದು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತಕ್ಕೆ ಆಗಮಿಸುತ್ತಿದ್ದಾರೆ. ಇದಕ್ಕಾಗಿ ಭಾರತ ಸಕಲ ತಯಾರಿ ಮಾಡಿಕೊಂಡಿದೆ. ಟ್ರಂಪ್ ಆಗಮನದ ಹಿನ್ನೆಲೆ ಅವರ ದಿ ಬೀಸ್ಟ್ ಕಾರು ಆದಾಗಲೇ ಗುಜರಾತ್ ಗೆ ಬಂದಿಳಿದಿದೆ. ಎರಡು ದಿನಗಳ ಕಾಲ ಭಾರತ ಪ್ರವಾಸ ಕೈಗೊಂಡಿರುವ ಟ್ರಂಪ್ ಈ ‘ಬೀಸ್ಟ್’ ಕಾರಿನ ಮೂಲಕವೇ ಕಾರ್ಯಕ್ರಮಗಳಿಗೆ ತೆರಳಲಿದ್ದಾರೆ.
ದಿ ಬೀಸ್ಟ್ ಕಾರು ಸಾಕಷ್ಟು ವಿಶೇಷತೆಗಳನ್ನ ಒಳಗೊಂಡಿದೆ. ‘ಕ್ಯಾಡಿಲಾಕ್ ‘ ಕಂಪನಿ ಈ ವಿಶೇಷ ಕಾರನ್ನು ತಯಾರಿಸಿದ್ದು, ಶಸ್ತ್ರಸಜ್ಜಿತ , ಬಹಳ ಸ್ಥಳಾವಕಾಶವುಳ್ಳ , ಐಷಾರಾಮಿ ಕಾರು ಇದಾಗಿದೆ. ಟ್ರಂಪ್ ಅಧ್ಯಕ್ಷರಾದ ಹೊಸತರಲ್ಲಿ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಅವರ ‘ ಕ್ಯಾಡಿಲಾಕ್ ಒನ್ ‘ ಕಾರನ್ನು ಬಳಸುತ್ತಿದ್ದರು. ಆದರೆ 2018 ಬಳಿಕ ಮತ್ತಷ್ಟು ಸುಸಜ್ಜಿತವಾದ ‘ದಿ ಬೀಸ್ಟ್’ ಕಾರನ್ನು ಬಳಸುತ್ತಿದ್ದಾರೆ.
‘ದಿ ಬೀಸ್ಟ್’ ಗುಂಡು ನಿರೋಧಕ ವ್ಯವಸ್ಥೆ ಹೊಂದಿದೆ. ಕಾರಿನ ಬಾಡಿಗೆ ಐದು ಇಂಚು ದಪ್ಪದ ಮಿಲಿಟರಿ ಗ್ರೇಡ್ ನ ಲೋಹವನ್ನು ಬಳಸಲಾಗಿದೆ . ಸ್ಟೀಲ್ , ಟೈಟಾನಿಯಂ , ಅಲ್ಯುಮಿನಿಯಂ ಮತ್ತು ಸೆರಾಮಿಕ್ಸ್ ಲೋಹಗಳಿಂದ ಕಾರನ್ನ ಸಿದ್ಧಪಡಿಸಲಾಗಿದೆ . ಬೋಯಿಂಗ್ 757 ವಿಮಾನದಲ್ಲಿ ಬಳಸುವಂತಹ 8 ಇಂಚು ದಪ್ಪದ ಬಾಗಿಲುಗಳಿರುತ್ತವೆ. ಕಾರು ಬಾಗಿಲು ಹಾಕಿಕೊಂಡಾಗ 100% ರಾAಸಾಯನಿಕ ಆಯುಧ ನಿರೋಧಕ ವ್ಯವಸ್ಥೆ ಹೊಂದಿರುತ್ತದೆ.
ಕಾರಿನ ಕಿಟಕಿಗಳು ಐದು ಪದರಗಳ ಗಾಜು ಮತ್ತು ಪಾಲಿಕಾರ್ಬೊನೇಟ್ ಶೀಟ್ ಗಳನ್ನು ಹೊಂದಿವೆ . ತುರ್ತು ಸಂದರ್ಭಗಳಲ್ಲಿ ಚಾಲಕನ ಬಾಗಿಲಿನ ಕಿಟಕಿಯ ಗಾಜು 3 ಇಂಚಿನಷ್ಟು ಮಾತ್ರ ಕೆಳಕ್ಕೆ ಇಳಿಸಬಹುದು ಬಿಟ್ಟರೆ ಉಳಿದ ಯಾವುದೇ ಕಿಟಕಿಗಾಜುಗಳನ್ನು ತೆರೆಯಲು ಸಾಧ್ಯವಿಲ್ಲ.. ಹಾಗೇ ದಿ ಬೀಸ್ಟ್ ಕಾರಿಗೆ ಪಂಕ್ಚರ್ ನಿರೋಧಕ ಟಯರ್ ಗಳನ್ನು ಅಳವಡಿಸಲಾಗಿದೆ. ಒಂದು ವೇಳೆ ಟಯರ್ ಸ್ಫೋಟಗೊಂಡರೂ ಕಾರು ಚಲಿಸುವಂತಹ ಮಾದರಿಯಲ್ಲಿ ಸ್ಟೀಲ್ ರಿಮ್ ಗಳನ್ನು ವಿನ್ಯಾಸಗೊಳಿಸಲಾಗಿದೆ.
ಒಟ್ಟಾರೆ ಹತ್ತು ಹಲವಾರು ವಿಶೇಷತೆಗಳನ್ನ ಹೊಂದಿರುವ ದಿ ಬೀಸ್ಟ್, ಯಾವುದೇ ದಾಳಿಯನ್ನು ತಡೆಯುವಷ್ಟು ಸಶಕ್ತವಾಗಿದೆ. ಇದೀಗಾ ಭಾರತಕ್ಕೆ ಆಗಮಿಸಿದ್ದು, ತನ್ನ ಒಡೆಯನನ್ನ ಕೂರಿಸಿಕೊಂಡು ಗುಜರಾತ್ನ ರಸ್ತೆಗಳಲ್ಲಿ ಅಡ್ಡಾಡಲಿದೆ.
