vaccine : ನಾಸಲ್ ವ್ಯಾಕ್ಸಿನ್ ಸರ್ಕಾರಿ ಆಸ್ಪತ್ರಯಲ್ಲಿ 325 ರೂಗೆ ಲಭ್ಯ ; ಖಾಸಗಿಯಲ್ಲಿ 800
ಕೊರೊನಾಗೆ ಮತ್ತೊಂದು ಲಸಿಕೆ ಲಭ್ಯವಾಗಲಿದೆ. ಸ್ವದೇಶಿ ಫಾರ್ಮಾ ಕಂಪನಿ ‘ಭಾರತ್ ಬಯೋಟೆಕ್’ ದೇಶದಲ್ಲಿ ಮೊದಲ ಬಾರಿಗೆ ಮೂಗಿನ ಲಸಿಕೆಯನ್ನು ಕಂಡು ಹಿಡಿದಿದೆ. ಇಲ್ಲಿಯವರೆಗೆ ಲಭ್ಯವಿರುವ ಎಲ್ಲಾ ಕರೋನಾ ಲಸಿಕೆಗಳನ್ನ ಚುಚ್ಚುಮದ್ದಿನ ರೂಪದಲ್ಲಿ ನೀಡಲಾಗುತ್ತಿತ್ತು. ಈ ಲಸಿಕೆಯನ್ನು ಮೂಗಿನ ಮೂಲಕ ನೀಡಲಾಗುತ್ತದೆ.
ಇದು ಕೋವಿಡ್ಗೆ ವಿಶ್ವದಲ್ಲೇ ಮೊದಲ ಇಂಟ್ರಾನಾಸಲ್ ಲಸಿಕೆಯಾಗಿದೆ. ಯಾವುದೇ ನೋವು ಇಲ್ಲದೆ ಈ ಲಸಿಕೆಯನ್ನು ಪಡೆಯಬಹುದು. ‘ಇಂಕೋವಾಕ್’ ಹೆಸರಿನಲ್ಲಿ ಬರುತ್ತಿರುವ ಈ ಲಸಿಕೆಗೆ ಕೇಂದ್ರ ಸರ್ಕಾರ ಇತ್ತೀಚೆಗೆ ಅನುಮೋದನೆ ನೀಡಿದೆ. ಈ ಮೂಲಕ ‘ಇಂಕೋವಾಕ್’ ಮಾರುಕಟ್ಟೆ ಪ್ರವೇಶಿಸಲು ಸಿದ್ಧವಾಗಿದೆ.
ಜನವರಿ ನಾಲ್ಕನೇ ವಾರದಿಂದ ಈ ಲಸಿಕೆ ಲಭ್ಯವಾಗಲಿದೆ. ಇದನ್ನು ಖಾಸಗಿ ಮತ್ತು ಸರ್ಕಾರಿ ಆಸ್ಪತ್ರೆಗಳಲ್ಲಿ ನೀಡಲಾಗುತ್ತದೆ. ಈ ಲಸಿಕೆಯನ್ನು ಸರ್ಕಾರಿ ಆಸ್ಪತ್ರೆಗಳಲ್ಲಿ ರೂ.325 ಹಾಗೂ ಖಾಸಗಿ ಆಸ್ಪತ್ರೆಗಳಲ್ಲಿ ರೂ.800 ಕ್ಕೆ ನೀಡಲಾಗುತ್ತದೆ. ಈ ಲಸಿಕೆಯನ್ನು ಕೋವಿನ್ ಪೋರ್ಟಲ್ ಮೂಲಕ ಬುಕ್ ಮಾಡಬಹುದು. 18 ವರ್ಷ ಮೇಲ್ಪಟ್ಟ ಯಾರಾದರೂ ಈ ಲಸಿಕೆಯನ್ನು ತೆಗೆದುಕೊಳ್ಳಬಹುದು ಮತ್ತು ಬೂಸ್ಟರ್ ಡೋಸ್ ಆಗಿಯೂ ತೆಗೆದುಕೊಳ್ಳಬಹುದು.
ಈ ಹಿಂದೆ ಕೋವಿಶೀಲ್ಡ್ ಮತ್ತು ಕೋವಾಕ್ಜಿನ್ನಂತಹ ಲಸಿಕೆಗಳನ್ನು ತೆಗೆದುಕೊಂಡಿರುವವರು ‘ಇಂಕೋವಾಕ್’ ಅನ್ನು ಬೂಸ್ಟರ್ ಡೋಸ್ ಆಗಿ ತೆಗೆದುಕೊಳ್ಳಬಹುದು. ಈ ಲಸಿಕೆಗಾಗಿ ಹಂತ-3 ಪ್ರಯೋಗಗಳನ್ನ ಸಹ ಪೂರ್ಣಗೊಳಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.
Bharat Biotech’s intranasal COVID-19 vaccine cost/