ಟಾಲಿವುಡ್ ಲೈಗರ್ ವಿಜಯ್ ದೇವರಕೊಂಡ (Vijay Devarakonda) ಹೊಸ ಲುಕ್ ನಲ್ಲಿ ಕಾಣಿಸಿಕೊಂಡಿದೆ. ಈ ಲುಕ್ ಕಂಡು ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ.
ಈಗ ವಿಜಯ್ ದೇವರಕೊಂಡ ಚಿತ್ರೀಕರಣಕ್ಕಾಗಿ ಶ್ರೀಲಂಕಾದಲ್ಲಿದ್ದಾರೆ. ಈ ಸಂದರ್ಭದಲ್ಲಿ ‘VD 12’ ಸಿನಿಮಾದ ಫೋಟೋಗಳು ಲೀಕ್ ಆಗಿದ್ದು, ವಿಜಯ್ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ.
ಕೆಲವು ದಿನಗಳಿಂದ ವಿಜಯ್ ದೇವರಕೊಂಡ, 12ನೇ ಸಿನಿಮಾದ ಚಿತ್ರೀಕರಣ ಶ್ರೀಲಂಕಾದಲ್ಲಿ (Srilanka) ಮಾಡಲಾಗುತ್ತಿದೆ. ಡಿಫರೆಂಟ್ ಪಾತ್ರದಲ್ಲಿ ವಿಜಯ್ ಕಾಣಿಸಿಕೊಳ್ತಿದ್ದಾರೆ. ಸದ್ಯ ಕೂದಲು ಟ್ರೀಮ್ ಮಾಡಿಸಿಕೊಂಡಿದ್ದು, ಬೈಕ್ನಲ್ಲಿ ಹೋಗುತ್ತಿರುವ ಶೂಟಿಂಗ್ ಫೋಟೋ ವೈರಲ್ ಆಗಿದೆ.
ಚಿತ್ರತಂಡ ಲೀಕ್ ಆಗದಂತೆ ಜಾಗ್ರತೆ ವಹಿಸಿದ್ದರೂ ಅದು ಹೇಗೆ ಲೀಕ್ ಆಯಿತು ಎಂಬುವುದು ಚಿತ್ರತಂಡಗಳ ನಿದ್ದೆಗೆಡಿಸಿದೆ. ಅಭಿಮಾನಿಗಳಿಗೆ ವಿಜಯ್ ಫೋಟೋವನ್ನು ಎಲ್ಲೂ ಶೇರ್ ಮಾಡದಂತೆ ಮನವಿ ಮಾಡಿದ್ದಾರೆ. ಆದರೆ ಹೊಸ ಸಿನಿಮಾದಲ್ಲಿ ವಿಜಯ್ ಲುಕ್ ಹೇಗಿದೆ ಎಂದು ನೋಡಿ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ. ಈ ಸಿನಿಮಾ ಯಾವಾಗ ಬಿಡುಗಡೆಯಾಗುತ್ತದೆಯೋ ಎಂದು ಕಾಯುತ್ತಿದ್ದಾರೆ. ವಿಜಯ್ಗೆ ಜೋಡಿಯಾಗಿ ‘ಪ್ರೇಮಲು’ ನಟಿ ಮಮಿತಾ ಬೈಜು ಕಾಣಿಸಿಕೊಳ್ಳಲಿದ್ದಾರೆ.
