Vijay devarakonda – ಲೈಗರ್ ನಲ್ಲಿ ವಿಜಯ್ ದೇವರಕೊಂಡ, ಅನನ್ಯ ಸಂಭಾವನೆ ಎಷ್ಟು ಗೊತ್ತಾ ?
ವಿಜಯ್ ದೇವರಕೊಂಡ ಅಭಿನಯದ ‘ಲೈಗರ್’ ಪ್ಯಾನ್ ಇಂಡಿಯಾ ಮಟ್ಟದ ಬಹುನಿರೀಕ್ಷಿತ ಸಿನಿಮಾಗಳ ಪೈಕಿ ಒಂದು. ಪುರಿ ಜಗನ್ನಾಥ್ ನಿರ್ದೇಶನದ ಈ ಪ್ಯಾನ್ ಇಂಡಿಯಾ ಸಿನಿಮಾದ ಟ್ರೇಲರ್ ಆಗಸ್ಟ್ 25 ಕ್ಕೆ ರಿಲೀಸ್ ಆಗಲಿದ್ದು ಭರ್ಜರಿ ಸೌಂಡ್ ಮಾಡಿದೆ.
ಇತ್ತೀಚೆಗೆ ರಿಲೀಸ್ ಆದ ವಾಟ್ ಲಗಾ ದೇಂಗೆ ಹಾಗೂ ರೋಮ್ಯಾಂಟಿಕ್ ಹಾಡುಗಳು ಸಹ ಭಾರಿ ಸೌಂಡ್ ಮಾಡಿವೆ.. ‘ವಾಟ್ ಲಗಾ ದೇಂಗೆ’ ಹಾಡಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗ್ತಿದೆ.. ವಾಟ್ ಲಗಾ ದೇಂಗೆ ಲೈಗರ್ ನ ಸೂಪರ್-ಸ್ಪೆಷಲ್ ಹಾಡು. ಈ ಹಾಡನ್ನು ವಿಜಯ್ ದೇವರಕೊಂಡ ಅವರೇ ಹಾಡಿದ್ದಾರೆ ಮತ್ತು ಸುನಿಲ್ ಕಶ್ಯಪ್ ಅವರು ಸಂಯೋಜಿಸಿದ್ದಾರೆ ಮತ್ತು ನಿರ್ದೇಶಕ ಪುರಿ ಜಗನ್ನಾಥ್ ಬರೆದಿದ್ದಾರೆ.
ಇದೆಲ್ಲದರ ನಡುವೆ ಸಿನಿಮಾದಲ್ಲಿ ತಾರೆಯರ ಸಂಭಾವನೆ ಬಗ್ಗೆ ಚರ್ಚೆ ನಡೆಯುತ್ತಿದೆ.. ಈ ಸಿನಿಮಾ ಮೂಲಕ ವಿಜಯ್ ದೇವರಕೊಂಡ ಸಂಭಾವನೆಯನ್ನ ಹೆಚ್ಚಿಸಿಕೊಂಡಿದ್ಧಾರೆ.. ಈ ಸಿನಿಮಾಗೆ ದೇವರಕೊಂಡ 35 ಕೋಟಿ ರೂ ಪಡೆದಿದ್ದಾರೆ ಎನ್ನಲಾಗ್ತಿದೆ..
ಅಂದ್ಹಾಗೆ ಇಲ್ಲಿಯವರೆಗೂ ಅವರ ಸಂಭಾವನೆ 10 ಕೋಟಿ ರೂಪಾಯಿಗಳ ಳಗೇ ಇತ್ತು ಎನ್ನಲಾಗಿದೆ.. ಜೊತೆಗೆ ಮುಂದಿನ ಸಿನಿಮಾಗೆ ಸುಮಾರು 50 ಕೋಟಿಗೂ ಅಧಿಕ ಸಂಭಾವನೆ ಪಡೆಯಲಿದ್ದಾರೆ ಎನ್ನಲಾಗುತ್ತಿದೆ..
ಇನ್ನೂ ಸಿನಿಮಾದ ನಾಯಕಿ ಅನನ್ಯಾ ಪಾಂಡೆಗೆ ಸಿನಿಮಾಗಾಗಿ 3 ಕೋಟಿ ರೂ ಸಂಭಾವನೆ ನೀಡಲಾಗಿದ್ಯಂತೆ.. ಮತ್ತೊಂದೆಡೆ ಸ್ಟಾರ್ ಹಿರಿಯ ನಟಿ , ಬಾಹುಬಲಿ ಖ್ಯಾತಿಯ ಬಹುಭಾಷಾ ನಟಿ ರಮ್ಯಾ ಕೃಷ್ಣನ್ ಅವರೂ ಕೂಡ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದು , ಅವರಿಗೆ ಈ ಸಿನಿಮಾಗಾಗಿ 1 ಕೋಟಿ ರೂ ಸಂಭಾವನೆ ನೀಡಲಾಗಿದೆ ಎಂದು ಹೇಳಲಾಗ್ತಿದೆ..
