Virat ಕೊಹ್ಲಿಗೆ ವಿಶ್ರಾಂತಿ.. ಒಂದು ಸಿರೀಸ್ ಗೆ ಸೀಮಿತನಾ…?
ಐಪಿಎಲ್ 2022 ರ ಅಂತ್ಯದ ನಂತರ, ಟೀಮ್ ಇಂಡಿಯಾ ದಕ್ಷಿಣ ಆಫ್ರಿಕಾ ವಿರುದ್ಧ ತವರಿನಲ್ಲಿ ಐದು ಪಂದ್ಯಗಳ ಟಿ 20 ಸರಣಿಯನ್ನು ಆಡಲಿದೆ.
ಐಪಿಎಲ್ ಫೈನಲ್ ಮುಗಿದ 12 ದಿನಗಳ ನಂತರ ಈ ಸರಣಿ ಶುರುವಾಗಲಿದೆ.
ಈ ಸರಣಿಯಲ್ಲಿ ಹಲವು ಹಿರಿಯ ಕ್ರಿಕೆಟಿಗರಿಗೆ ವಿಶ್ರಾಂತಿ ನೀಡಲು ಬಿಸಿಸಿಐ ಮುಂದಾಗಿದೆ ಎನ್ನಲಾಗಿದೆ.
ಕೊಹ್ಲಿ, ರೋಹಿತ್ ಶರ್ಮಾ, ರವೀಂದ್ರ ಜಡೇಜಾ, ಬುಮ್ರಾ, ಕೆಎಲ್ ರಾಹುಲ್ ಮತ್ತು ಮೊಹಮ್ಮದ್ ಶಮಿಲ್ ಅವರಿಗೆ ವಿಶ್ರಾಂತಿ ನೀಡುವ ಚಿಂತನೆಯಲ್ಲಿ ಬಿಸಿಸಿಐ ಇದೆ.
ಅವರ ಅನುಪಸ್ಥಿತಿಯಲ್ಲಿ ಶಿಖರ್ ಧವನ್ ತಂಡವನ್ನು ಮುನ್ನಡೆಸುವ ಸಾಧ್ಯತೆ ಇದೆ.
ಹಿರಿಯ ಆಟಗಾರರ ಅನುಪಸ್ಥಿತಿಯಲ್ಲಿ ಐಪಿಎಲ್ ನಲ್ಲಿ ಮಿಂಚುತ್ತಿರುವ ಯುವ ಆಟಗಾರರಿಗೆ ಬಿಸಿಸಿಐ ಮಣೆ ಹಾಕಲಿದೆ.
ಆದರೆ ಕೊಹ್ಲಿಗೆ ವಿಶ್ರಾಂತಿ ನೀಡುವ ಬಗ್ಗೆ ಅಭಿಮಾನಿಗಳು ಅನುಮಾನ ವ್ಯಕ್ತಪಡಿಸಿದ್ದಾರೆ. ಐಪಿಎಲ್ 2022ರಲ್ಲಿ ಕೊಹ್ಲಿಯ ಕಳಫೆ ಪ್ರದರ್ಶನ ಮುಂದುವರಿದಿದೆ.
ಇದುವರೆಗೆ ಆರ್ಸಿಬಿ ಪರ ಕೊಹ್ಲಿ 9 ಪಂದ್ಯಗಳಲ್ಲಿ 120 ರನ್ ಗಳಿಸಿದ್ದಾರೆ. ರೋಹಿತ್ ಟೀಂ ಇಂಡಿಯಾದ ನಾಯಕರಾಗಿದ್ದಾರೆ.
ರಾಹುಲ್ ಲಕ್ನೋ ತಂಡದ ನಾಯಕರಾಗಿ ಉತ್ತಮ ಫಾರ್ಮ್ ನಲ್ಲಿದ್ದಾರೆ. ಆದ್ರೆ ವಿರಾಟ್ ಕೊಹ್ಲಿ ಫಾರ್ಮ್ ನಲ್ಲಿಲ್ಲ.
ಹೀಗಾಗಿ ಅವರಿಗೆ ರೆಸ್ಟ್ ನೀಡುವುದು ಸೂಕ್ತವಾಗಿದರೂ, ಕೇವಲ ಒಂದು ಸಿರೀಸ್ ನಿಂದ ಮಾತ್ರ ಕೊಹ್ಲಿ ಅವರಿಗೆ ರೆಸ್ಟ್ ನೀಡ್ತಾರಾ ಅಥವಾ ಟಿ 20 ಮಾದರಿಗೆ ಪೂರ್ತಿಯಾಗಿ ಕಡೆಗಣಿಸುತ್ತಾರಾ ಅನ್ನೋ ಪ್ರಶ್ನೆ ಎಲ್ಲರಲ್ಲೂ ಮೂಡಿದೆ.
ಆದ್ರೆ ಜುಲೈನಲ್ಲಿ ಟೀಂ ಇಂಡಿಯಾ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದೆ. ಇಂಗ್ಲೆಂಡ್ ವಿರುದ್ಧ ಟೀಂ ಇಂಡಿಯಾ ಒಂದು ಟೆಸ್ಟ್, ಐದು ಟಿ 20 ಪಂದ್ಯಗಳ ಟಿ 20 ಸರಣಿಯಾಡಲಿದೆ.
ಆದ್ರೆ ವಿರಾಟ್ ಕೊಹ್ಲಿಗೆ ಕೇವಲ ಸೌತ್ ಆಫ್ರಿಕಾ ವಿರುದ್ದದ ಸರಣಿಗೆ ಮಾತ್ರ ರೆಸ್ಟ್ ನೀಡಲಾಗುತ್ತಿದೆ.
ಆದ್ರೆ ಇಂಗ್ಲೆಂಡ್ ವಿರುದ್ದದ ಸರಣಿಗೆ ಅವರು ತಂಡಕ್ಕೆ ವಾಪಸ್ ಆಗಲಿದ್ದಾರೆ ಎಂದು ಆಯ್ಕೆ ಸಮಿತಿ ಸದಸ್ಯರು ಹೇಳಿದ್ದಾರೆ.
ಒಬ್ಬ ಆಟಗಾರ ಫಾರ್ಮ್ ಕಳೆದುಕೊಳ್ಳುವುದು ಹೊಸದಲ್ಲ. ಸ್ವಲ್ಪ ಸಮಯ ರೆಸ್ಟ್ ಕೊಟ್ಟರೇ ಎಲ್ಲವೂ ಸರಿ ಹೋಗುತ್ತದೆ.
ಆಫ್ರಿಕಾ ವಿರುದ್ಧದ ಸರಣಿಗೆ ಯುವ ಆಟಗಾರರಿಗೆ ಅವಕಾಶ ನೀಡಬೇಕು ಎಂಬ ಉದ್ದೇಶದಿಂದ ಹಿರಿಯ ಆಟಗಾರರಿಗೆ ರೆಸ್ಟ್ ನೀಡಲಾಗುತ್ತದೆ ಎಂದಿದ್ದಾರೆ.
virat-kohli-likely-rested-home-series-vs-south-africa
