Vivo Pro Kabaddi 2022 : ಶುಭಾರಂಭ ಮಾಡಿದ ಬೆಂಗಳೂರಿನ ಗೂಳಿಗಳು..!!
ಪ್ರೋ ಕಬಡ್ಡಿ ಸೀಸನ್ 9ಕ್ಕೆ ಅಕ್ಟೋಬರ್ 7 ರಿಂದ ಚಾಲನೆ ಸಿಕ್ಕಿದ್ದು , ಮೊದಲನೇ ದಿನವೇ ಬೆಂಗಳೂರಿನ ಗೂಳಿಗಳು ತೆಲುಗು ಟೈಟನ್ಸ್ ವಿರುದ್ಧ ಅಬ್ಬರಿಸಿದ್ದಾರೆ.. ಮೊದಲನೇ ಪಂದ್ಯದಲ್ಲೇ ಗೆದ್ದು ಲೀಗ್ ನಲ್ಲಿ ಬೆಂಗಳೂರು ಬುಲ್ಸ್ ಶುಭಾರಂಭ ಮಾಡಿದೆ..
ಕಂಠೀರವ ಒಳಾಂಗಣ ಸ್ಟೇಡಿಯಂ ಕೊನೆಕ್ಷಣದವರೆಗೂ ತುದಿಗಾಲಿನಲ್ಲಿ ನಿಲ್ಲುವಂತೆ ಮಾಡಿದ್ದ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ತಂಡ ತೆಲುಗು ಟೈಟಾನ್ಸ್ ವಿರುದ್ಧ 34-29 ಅಂಕಗಳ ಅಂತರದಲ್ಲಿ ಗೆದ್ದು ಬೀಗಿದೆ.
ಗೂಳಿಗಳ ಗೆಲುವಿಗೆ ಮಹತ್ತರ ಪಾತ್ರ ವಹಿಸಿದ ನೀರಜ್ ನರ್ವಾಲ್ ರೈಡಿಂಗ್ ನಲ್ಲಿ 7 ಅಂಕಗಳನ್ನು ಗಳಿಸಿದ್ದಾರೆ.. ಇತ್ತ ವಿಕಾಸ್ ಖಂಡೋಲಾ , ಭರತ್ ತಲಾ 5 ಅಂಕಗಳನ್ನು ಗಳಿಸುವ ಮೂಲಕ ಬುಲ್ಸ್ ಗೆಲುವಿನಲ್ಲಿ ಮಹತ್ತರ ಪಾತ್ರ ವಹಿಸಿದರು. ಅಂದ್ಹಾಗೆ ಗೂಳಿಗಳ ಪಾಲಿನ ಸ್ಟ್ರೆಂತ್ ಎಂದೇ ಹೇಳಲಾಗುತ್ತಿದ್ದ ಪವನ್ ಶೆರಾವತ್ ಈ ಬಾರಿ ತಮಿಳ್ ತಲೈವಾಸ್ ತಂಡದ ಸಾರಥಿ ಆಗಿದ್ದಾರೆ.. ಕಳೆದ ಬಾರಿ ಬೆಂಗಳೂರು ಬುಲ್ಸ್ ತಂಡವನ್ನ ಮುನ್ನಡೆಸಿದ್ದರು… ಅತ್ಯುತ್ತ, ರೈಡರ್ ಪವನ್ ಶೆರಾವತ್ ಅತಿ ಹೆಚ್ಚು ಮೌಲ್ಯಕ್ಕೆ ಬಿಡ್ಡಿಂಗ್ ಆಗಿದ್ದಾರೆ.
ಇನ್ನೂ ಈ ಬಾರಿ ಬೆಂಗಳೂರು ಗೂಳಿಗಳನ್ನ ಮುನ್ನಡೆಸುತ್ತಿರುವುದು ಮಹೇಂದರ್ ಸಿಂಗ್ …
ಟಾಸ್ ಗೆದ್ದ ಬೆಂಗಳೂರು ಬುಲ್ಸ್ ತಂಡದ ನಾಯಕ ಮಹೇಂದರ್ ಸಿಂಗ್ ಮೊದಲಿಗೆ ಡಿಫೆಂಡಿಂಗ್ ಆಯ್ದುಕೊಂಡರು.. ಟೈಟಾನ್ಸ್ ತಂಡಕ್ಕೆ ಮೊದಲ ನಿಮಿಷದಲ್ಲೇ ವಿನಯ್ ಟಚ್ ಪಾಯಿಂಟ್ ಮೂಲಕ ಅಂಕಗಳಿಸಿಕೊಟ್ಟರು. ಇದರ ಬೆನ್ನಲ್ಲೇ ಸಿದ್ದಾರ್ಥ್ ದೇಸಾಯಿ ಬೋನಸ್ ಪಾಯಿಂಟ್ ಗಳಿಸಿದರು.
ಬುಲ್ಸ್ ಗೆ ಟೈಟನ್ಸ್ ಕೂಡ ಸಮಬಲದ ಟಕ್ಕರ್ ನೀಡಿದ್ದರು. ಆದ್ರೆ ಅಂತಿಮ ಹಂತದಲ್ಲಿ ಮ್ಯಾಚ್ ಕಂಪ್ಲೀಟ್ ಟರ್ನ್ ಆಗಿತ್ತು.. ಖಂಡೋಲಾ , ನೀರಜ್ , ಭರತ್ ಅಮೋಘ ಆಟ ಬುಲ್ಸ್ ಗೆಲುವಿಗೆ ನೆರವಾಯಿತು.
Vivo Pro Kabaddi 2022: Bengaluru Bulls defeat Telugu Titans in Pro Kabaddi League
