ಏನಿದು ಪ್ರತಿಕಾಯ/ ಆಂಟಿಬಾಡಿ ಪರೀಕ್ಷೆ? ಕೊರೋನಾ ವಿರುದ್ಧದ ಹೋರಾಟದಲ್ಲಿ ಇದು ಹೇಗೆ ಸಹಾಯ ಮಾಡುತ್ತದೆ?
ಕೊರೋನಾ ಸೋಂಕು ಪತ್ತೆಹಚ್ಚಲು ನಮ್ಮಲ್ಲಿ ಈಗ ಅನೇಕ ರೀತಿಯ ಪರೀಕ್ಷೆಗಳು ಲಭ್ಯವಿದೆ. ಪ್ರತಿಕಾಯ ಪರೀಕ್ಷೆ ಅಥವಾ ಆಂಟಿಬಾಡಿ ಪರೀಕ್ಷೆಯು ಕೊರೋನಾದಿಂದ ಬಳಲುತ್ತಿರುವ ರೋಗಿಯನ್ನು ಗುಣಪಡಿಸಲಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಪತ್ತೆ ಹಚ್ಚುತ್ತದೆ.
ಕೊರೋನಾ ಸೋಂಕು ಪತ್ತೆಹಚ್ಚಲು ಆರ್ಟಿಪಿಸಿಆರ್ ಮತ್ತು ರಾಪಿಡ್ ಆಂಟಿಜೆನ್ನಂತಹ ಹಲವು ರೀತಿಯ ಪರೀಕ್ಷೆಗಳಿವೆ. ಇದರಿಂದ ಕೊರೋನಾ ವೈರಸ್ ಸೋಂಕು ತಗುಲಿದೆಯೇ ಎಂದು ಪತ್ತೆ ಮಾಡಲಾಗುತ್ತದೆ. ಅದೇ ಸಮಯದಲ್ಲಿ, ಇವೆಲ್ಲವನ್ನೂ ಹೊರತುಪಡಿಸಿ, ಕೊರೋನಾದಿಂದ ಗುಣಮುಖರಾದ ವ್ಯಕ್ತಿಯನ್ನು ಗುರುತಿಸಲು ಪ್ರತ್ಯೇಕ ಪರೀಕ್ಷೆಯನ್ನು ಮಾಡಲಾಗುತ್ತದೆ.
ಈ ಪರೀಕ್ಷೆಯ ಹೆಸರು ಪ್ರತಿಕಾಯ ಪರೀಕ್ಷೆ ಅಥವಾ ಆಂಟಿಬಾಡಿ ಪರೀಕ್ಷೆ. ಪ್ರತಿಕಾಯ ಪರೀಕ್ಷೆಯು ಕೊರೊನಾದಿಂದ ಬಳಲುತ್ತಿದ್ದ ರೋಗಿಯು ಗುಣಮುಖರಾಗಿದ್ದಾರೆಯೇ ಅಥವಾ ಇಲ್ಲವೇ ಎಂಬುದನ್ನು ತೋರಿಸುತ್ತದೆ.
ಪ್ರತಿಕಾಯ ಅಥವಾ ಆಂಟಿಬಾಡಿ ಎಂದರೇನು ಮತ್ತು ಕೊರೋನ ವಿರುದ್ಧದ ಹೋರಾಟದಲ್ಲಿ ಅದು ಹೇಗೆ ಸಹಾಯ ಮಾಡುತ್ತದೆ?
ಇದು ನಮ್ಮ ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯಿಂದ ಉತ್ಪತ್ತಿಯಾಗುವ ಅಂಶವಾಗಿದೆ. ಈ ಪ್ರತಿಕಾಯವು ನಮ್ಮ ದೇಹಕ್ಕೆ ವೈರಸ್ ವಿರುದ್ಧ ಹೋರಾಡುವ ಶಕ್ತಿಯನ್ನು ನೀಡುತ್ತದೆ. ಅನೇಕ ಬಾರಿ ಕೊರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿಯಲ್ಲಿ ಪ್ರತಿಕಾಯಗಳು ರೂಪುಗೊಳ್ಳಲು ಒಂದು ವಾರದವರೆಗೆ ಸಮಯ ತೆಗೆದುಕೊಳ್ಳುತ್ತದೆ. IgM ಮತ್ತು IgG ಎಂದು ಎರಡು ವಿಧದ ಪ್ರತಿಕಾಯಗಳಿವೆ.
IgM ಪ್ರತಿಕಾಯಗಳು ಸೋಂಕಿಗೆ ದೇಹದ ಆರಂಭಿಕ ಪ್ರತಿಕ್ರಿಯೆಯಾಗಿದೆ ಮತ್ತು ಸೋಂಕಿನ ಆರಂಭಿಕ ಹಂತಗಳಲ್ಲಿ ಕಾಣಿಸಿಕೊಳ್ಳುತ್ತದೆ. ಕೋವಿಡ್ನಿಂದ ಬಳಲುತ್ತಿರುವ ರೋಗಿಯಲ್ಲಿ, ಇದು ಮೊದಲ ವಾರದಲ್ಲಿ ಧನಾತ್ಮಕವಾಗಿರುತ್ತದೆ ಮತ್ತು ಆರು ವಾರಗಳಲ್ಲಿ ಕೊನೆಗೊಳ್ಳುತ್ತದೆ. ಒಬ್ಬ ವ್ಯಕ್ತಿಯು ರೋಗನಿರೋಧಕ ಹಂತವನ್ನು ಪ್ರವೇಶಿಸಿದ್ದಾನೆ ಎಂದು IgM ಸೂಚಿಸುತ್ತದೆ ಎಂದು ಅನೇಕ ಆರೋಗ್ಯ ತಜ್ಞರು ಮಾಹಿತಿ ನೀಡಿದ್ದಾರೆ.
ಅದೇ ಸಮಯದಲ್ಲಿ, IgG ಪ್ರತಿಕಾಯಗಳು ಸೋಂಕನ್ನು ತಡವಾಗಿ ಪತ್ತೆಹಚ್ಚುವುದನ್ನು ತೋರಿಸುತ್ತವೆ. IgG ಪ್ರತಿಕಾಯಗಳು ಹೆಚ್ಚು ಕಾಲ ಉಳಿಯುತ್ತವೆ.
ರಕ್ತದ ಮಾದರಿಯನ್ನು ತೆಗೆದುಕೊಳ್ಳುವ ಮೂಲಕ ಪ್ರತಿಕಾಯ ಪರೀಕ್ಷೆಯನ್ನು ಮಾಡಲಾಗುತ್ತದೆ. ಆದ್ದರಿಂದ ಇದನ್ನು ಸಿರೊಲಾಜಿಕಲ್ ಪರೀಕ್ಷೆ ಎಂದೂ ಕರೆಯಲಾಗುತ್ತದೆ. ಇದು ಕೊರೋನಾ ಪರೀಕ್ಷೆಯ ತ್ವರಿತ ವರದಿಯನ್ನು ನೀಡುತ್ತದೆ ಮತ್ತು ಇದು RTPCR ಗಿಂತ ಅಗ್ಗವಾಗಿದೆ. ಇದರ ಪರೀಕ್ಷೆಯ ವೆಚ್ಚ 500 ರೂ ಆಗಿದೆ.
ಈ ಪರೀಕ್ಷೆಯು ಕೋವಿಡ್ ಅನ್ನು ಅತ್ಯಂತ ವೇಗವಾಗಿ ಪತ್ತೆ ಮಾಡುತ್ತದೆ. ಈ ಪರೀಕ್ಷೆಯನ್ನು ವೆಚ್ಚದ ದೃಷ್ಟಿಯಿಂದಲೂ ಸರಿಯಾಗಿ ಪರಿಗಣಿಸಲಾಗಿದೆ. ಈ ಪರೀಕ್ಷೆಯನ್ನು ಬಹಳ ಸುಲಭವೆಂದು ಪರಿಗಣಿಸಲಾಗಿದೆ.
ಎಚ್ಚರಿಕೆ – ದೇಶದಲ್ಲಿ ಕೊರೋನಾ ಸೋಂಕಿನ ಹಾವಳಿ ಕಡಿಮೆಯಾಗಿದ್ದರೂ ಸಂಪೂರ್ಣವಾಗಿ ನಿಂತಿಲ್ಲ. ಆದ್ದರಿಂದ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಮತ್ತು ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಿ. ಜೊತೆಗೆ ವ್ಯಾಕ್ಸಿನೇಷನ್ ಪಡೆಯುವುದನ್ನು ಮರೆಯದಿರಿ. ಇದು ಸಾಕ್ಷಾಟಿವಿ ಕಳಕಳಿ.
https://twitter.com/SaakshaTv/status/1429624167268175874?s=19
https://twitter.com/SaakshaTv/status/1430689616399671310?s=19
https://twitter.com/SaakshaTv/status/1430351399632711681?s=19
https://twitter.com/SaakshaTv/status/1429349130606977026?s=19
#Antibodytest
