Whatsapp Status : ವಾಟ್ಸಾಪ್ ಸ್ಟೇಟಸ್ ಅಪ್ ಡೇಟ್ ಮಾಡೋ ಮುನ್ನ ಎಚ್ಚರ..!! ರಿಪೋರ್ಟಿಂಗ್ ಆಪ್ಷನ್ ಇದೆ..!!
ಸ್ಟೇಟಸ್ ರಿಪೋರ್ಟ್ ಮಾಡಲು ಅವಕಾಶ
WABetaInfo ವರದಿ ಮಾಹಿತಿ
ಅನುಮಾನಾಸ್ಪದ ಸ್ಟೇಟಸ್ ಕಂಡರೆ ಕ್ರಮ
ವಾಟ್ಸಾಪ್ ಸ್ಥಗಿತಗೊಳ್ಳುವ ಸಾಧ್ಯತೆ
ವಾಟ್ಸಾಪ್ ಸ್ಟೇಟಸ್ ಮೂಲಕ ಮನದ ಮಾತುಗಳನ್ನ ಹಂಚಿಕೊಳ್ಳೋದು , ಜೀವನದ ಪ್ರಸ್ತುತ ಆಗು ಹೋಗುಗಳನ್ನ ತಿಳಿಸೋದು ಈಗ ಸಾಮಾನ್ಯವಾಗಿಬಿಟ್ಟಿದೆ….
ಆದ್ರೆ ಇನ್ಮುಂದೆ ವಾಟ್ಸಾಪ್ ಸ್ಟೇಟಸ್ ಹಾಕುವ ಮುನ್ನ ಎಚ್ಚರವಾಗಿರಬೇಕು.. ಸ್ವಲ್ಪ ಯಾಮಾರಿದ್ರೂ ನಿಮ್ಮ ಖಾತೆ ಶಾಶ್ವತವಾಗಿ ಸ್ಥಗಿತಗೊಳ್ಳುವ ಸಾಧ್ಯತೆಯಿದೆ..
ವಾಟ್ಸಾಪ್ ನಲ್ಲಿ ಸಾಕಷ್ಟು ಹೊಸ ಹೊಸ ಫೀಚರ್ ಗಳು ಬಳಕೆದಾರರಿಗೆ ಸಿಗುತ್ತಲೇ ಇರುತ್ತದೆ. ಇತ್ತ ಬಳಕೆದಾರರ ಸುರಕ್ಷೆತೆಗಾಗಿಯೂ ಸಾಕಷ್ಟು ಕ್ರಮಗಳನ್ನ ಕೈಗೊಳ್ಳಲಾಗ್ತಿದೆ..
ಈ ನಡುವೆ ವಾಟ್ಸಾಪ್ ಸ್ಟೇಟಸ್ ನಲ್ಲಿ ಇದೀಗ ಬದಲಾವಣೆ ತರಲು ಹೊರಟಿದೆ ಸಂಸ್ಥೆ..
ವಾಟ್ಸಾಪ್ ಅಪ್ಲಿಕೇಶನ್ ಮೂಲಕ ನಿಯಮಬಾಹಿರ ಚಿತ್ರ, ವಿಡಿಯೋ ಹಾಗೂ ಯಾವುದೇ ಸಂದೇಶಗಳನ್ನು ಹಂಚಿಕೊಳ್ಳುವುದು ಅಪರಾಧ. ಆದರೆ, ವಾಟ್ಸಾಪ್ ಸ್ಟೇಟಸ್ ಮೂಲಕ ಇಂತಹ ವಿಷಯಗಳನ್ನು ಹಂಚಿಕೊಳ್ಳಲಾಗುತ್ತಿರುವ ಬಗ್ಗೆ ವಾಟ್ಸಾಪ್ ಸಂಸ್ಥೆ ಕಳವಳ ವ್ಯಕ್ತಪಡಿಸಿತ್ತು. ಹಾಗಾಗಿ, ಇಂತಹ ಕಾನೂನುಬಾಹಿರ ವಿಷಯಗಳನ್ನು ಹಂಚಿಕೊಳ್ಳುವವ ವಿರುದ್ಧ ವಾಟ್ಸಾಪ್ ಸ್ಟೇಟಸ್ ಅಪ್ಡೇಟ್ ಗಳನ್ನು ರಿಪೋರ್ಟ್ ಮಾಡುವ ಅವಕಾಶವನ್ನು ತರುತ್ತಿದೆ ಎಂದು ವಾಟ್ಸಾಪ್ ಬೀಟಾ ಟ್ರ್ಯಾಕರ್ WABetaInfo ವರದಿಯು ತಿಳಿಸಿದೆ.
ವಾಟ್ಸಾಪ್ ಸ್ಟೇಟಸ್ನಲ್ಲಿ ಸಂಸ್ಥೆಯ ಸೇವಾ ನಿಯಮಗಳನ್ನು ಉಲ್ಲಂಘಿಸಬಹುದಾದ ಯಾವುದೇ ಅನುಮಾನಾಸ್ಪದ ಸ್ಟೇಟಸ್ ಅಪ್ಡೇಟ್ ಇದ್ದರೆ ಇತರೆ ಬಳಕೆದಾರರು ಆ ಸ್ಟೇಟಸ್ ಅನ್ನು ರಿಪೋರ್ಟ್ ಮಾಡಬಹುದು. ಇದಕ್ಕಾಗಿ, ವಾಟ್ಸಾಪ್ ಸ್ಟೇಟಸ್ ವಿಭಾಗದಲ್ಲಿ ಹೊಸ ಮೆನುವಿನೊಳಗೆ ಸ್ಟೇಟಸ್ ರಿಪೋರ್ಟ್ ಮಾಡಲು ಅವಕಾಶ ನೀಡಲಾಗುತ್ತದೆ. ಇಲ್ಲಿ ನಿಯಮಬಾಹಿರ ವಿಷಯಗಳಿದ್ದರೆ ಇತರೆ ಬಳೆದಾರರು ರಿಪೋರ್ಟ್ ಮಾಡಬಹುದು. ಇಲ್ಲಿ ರಿಪೋರ್ಟ್ ಮಾಡಿದರೆ ಈ ಬಗ್ಗೆ ವಾಟ್ಸಾಪ್ ಮಾಡರೇಶನ್ ತಂಡಕ್ಕೆ ಈ ಬಗ್ಗೆ ಸೂಚನೆ ದೊರೆಯುತ್ತದೆ. ಬಳಿಕ ಅವರು ಈ ಸ್ಟೇಟಸ್ ನಿಯಮ ಉಲ್ಲಂಘನೆಯಾಗಿದೆಯೇ ಎಂದು ನೋಡುತ್ತಾರೆ. ಒಂದು ವೆಳೆ ನಿಯಮಗಳು ಉಲ್ಲಘಂನೆಯಾಗಿದ್ದರೆ ಆ ವಾಟ್ಸಾಪ್ ಖಾತೆ ಸ್ಥಗಿತವಾಗುವ ಸಾಧ್ಯತೆ ಎಂದು WABetaInfo ವರದಿಯು ಹೇಳಿದೆ.
