Womens T20 Worldcup : ವಿಂಡೀಸ್ ವಿರುದ್ಧ ಗೆದ್ದು ಬೀಗಿದ ಭಾರತ ಮಹಿಳಾ ತಂಡ
ಸ್ಪಿನ್ನರ್ ದೀಪ್ತಿ ಶರ್ಮಾ ಅವರ ಅಮೋಘ ಬೌಲಿಂಗ್ ದಾಳಿಯ ನೆರೆವಿನಿಂದ ಭಾರತ ತಂಡ ವೆಸ್ಟ್ ಇಂಡೀಸ್ ವಿರುದ್ಧ 6 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಹರ್ಮನ್ ಪ್ರೀತ್ ಪಡೆ ಟಿ20 ವಿಶ್ವಕಪ್ನಲ್ಲಿ ಸತತ ಎರಡನೆ ಗೆಲುವು ದಾಖಲಿಸಿದೆ.
ಕೇಪ್ ಟೌನ್ ನಲ್ಲಿ ನಡೆದ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ಇಂಡೀಸ್ ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 118 ರನ್ ಕಲೆ ಹಾಕಿತು ಭಾರತ 18.1 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 119 ರನ್ ಗಳಿಸಿತು.
ವಿಂಡೀಸ್ ಪರ ನಾಯಕಿ ಹೀಲಿ ಮ್ಯಾಥೀವ್ಸ್ 2, ಸ್ಟಾಫಾನಿ ಟೇಲರ್ 42 ರನ್, ಶೆಮಾನಿ ಕ್ಯಾಂಪ್ಬೆಲ್ 30 ರನ್, ಚೇಡನ್ ನೇಷನ್ 2 ರನ್ ಗಳಿಸಿದರು. ಭಾರತ ಪರ ದೀಪ್ತಿ ಶರ್ಮಾ 15 ರನ್ ನೀಡಿ 3ವಿಕೆಟ್ ಪಡೆದರು. ದೀಪ್ತಿ ಶರ್ಮಾ ಟಿ20ಯಲ್ಲಿ 100ನೇ ವಿಕೆಟ್ ಪಡೆದ ಸಾಧನೆ ಮಾಡಿದರು. ರೇಣುಕಾ ಮತ್ತು ಪೂಜಾ ತಲಾ 1 ವಿಕೆಟ್ ಪಡೆದರು.
119 ರನ್ ಗುರಿ ಬೆನ್ನತ್ತಿದ ಭಾರತ ಪರ ಶಫಾಲಿ ವರ್ಮಾ 28, ಸ್ಮೃತಿ ಮಂಧನಾ 10, ನಾಯಕಿ ಹರ್ಮನ್ ಪ್ರೀತ್ ಕೌರ್ 33, ರಿಚಾ ಘೋಷ್ ಅಜೇಯ 44 ರನ್ ಗಳಿಸಿದರು.
Womens T20 Worldcup , womens team india won
