ಸಪ್ನಾ ಚೌಧರಿ ಹಾಡನ್ನು ನುಡಿಸಲು ನಿರಾಕರಿಸಿದ ಡಿಜೆ – ಯುವಕನ ಮೇಲೆ ಹಲ್ಲೆ ಮಾಡಿ ಸಾಯಿಸಿದ ಯುವಕರ ಗುಂಪು
ಕೊಟ್ವಾಲಿ, ಡಿಸೆಂಬರ್11: ವಿವಾಹ ಸಮಾರಂಭದಲ್ಲಿ ಗುಂಪು ಕೇಳಿದ ಹಾಡನ್ನು ನುಡಿಸಲು ಡಿಜೆ ತಿರಸ್ಕರಿಸಿದ ಹಿನ್ನೆಲೆಯಲ್ಲಿ ಯುವಕನ ಮೇಲೆ ಹಲ್ಲೆ ನಡೆಸಿ ಸಾಯಿಸಿದ ಘಟನೆ ಉತ್ತರ ಪ್ರದೇಶದ ಕೊಟ್ವಾಲಿಯಲ್ಲಿ ನಡೆದಿದೆ.
ಸಪ್ನಾ ಚೌಧರಿ ಹಾಡನ್ನು ನುಡಿಸುವ ವಿನಂತಿಯನ್ನು ಡಿಜೆ ತಿರಸ್ಕರಿಸಿದ ಹಿನ್ನೆಲೆಯಲ್ಲಿ ವಿವಾಹ ಸಮಾರಂಭದಲ್ಲಿ ಯುವಕರ ಗುಂಪು ಹಿಂಸಾತ್ಮಕ ಹಲ್ಲೆ ಮಾಡಿದೆ. ಸೋಮವಾರ ತಡರಾತ್ರಿ ಕೊಟ್ವಾಲಿ ಪೊಲೀಸ್ ವಲಯದ ಬುಲಂದ್‌ಶಹರ್‌ನ ಮದುವೆ ಮಂಟಪದಲ್ಲಿ ಈ ಘಟನೆ ನಡೆದಿದೆ.
ಯುವಕನನ್ನು ವೈದ್ಯಕೀಯ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದರೂ, ಮಂಗಳವಾರ ಚಿಕಿತ್ಸೆ ಫಲಕಾರಿಯಾಗದೇ ಆತ ಮೃತಪಟ್ಟಿದ್ದಾನೆ.
ವರದಿಗಳ ಪ್ರಕಾರ, ಕೆಲವು ಯುವಕರು ಮದುವೆಯಲ್ಲಿ ನೃತ್ಯ ಮಾಡುತ್ತಿದ್ದಾಗ ಡಿಜೆ ಸಪ್ನಾ ಚೌಧರಿ ಹಾಡನ್ನು ನುಡಿಸಬೇಕೆಂದು ಒತ್ತಾಯಿಸಿದರು. ಡಿಜೆ ನಿರಾಕರಿಸಿದಾಗ, ಸಮಾರಂಭದಲ್ಲಿ ಎರಡು ಗುಂಪುಗಳ ನಡುವೆ ಘರ್ಷಣೆಗೆ ಕಾರಣವಾಯಿತು ಮತ್ತು ಯುವಕರ ಗುಂಪು ಹಲ್ಲೆ ಮಾಡಿತು.
ಭಾರತ – ಚೀನಾ ಗಡಿ ವಿವಾದದ ನಡುವೆ ಏನಿದು ರಷ್ಯಾದ ಹೊಸ ವರಸೆ ?
ಪೊಲೀಸರು ನಾಲ್ಕು ಜನರ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಮೃತ ವ್ಯಕ್ತಿಯ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಆಪಾದಿತ ಆರೋಪಿಗಳನ್ನು ವಿಚಾರಣೆಗಾಗಿ ವಶಕ್ಕೆ ಪಡೆಯಲಾಗಿದ್ದು, ಪ್ರತ್ಯಕ್ಷ ಸಾಕ್ಷಿಗಳನ್ನು ಪರಿಶೀಲಿಸಲಾಗುತ್ತಿದೆ.
ಈ ಮಧ್ಯೆ ಬುಲಂದ್‌ಶಹರ್ ನ ಹಿರಿಯ ಪೊಲೀಸ್ ವರಿಷ್ಠಾಧಿಕಾರಿ (ಎಸ್‌ಎಸ್‌ಪಿ) ಸಂತೋಷ್ ಕುಮಾರ್ ಸಿಂಗ್, ಘರ್ಷಣೆಯ ಸಂದರ್ಭದಲ್ಲಿ ಮೃತನು ಮಧ್ಯಪ್ರವೇಶಿಸಲು ಪ್ರಯತ್ನಿಸಿದ್ದು, ಆತ ಹೃದಯಾಘಾತದಿಂದ ಬಳಲುತ್ತಿದ್ದನು ಎಂದು ಹೇಳಿದ್ದಾರೆ.
ಆತ ಹೃದಯ ಸ್ತಂಭನದಿಂದ ಸಾವನ್ನಪ್ಪಿದಂತೆ ತೋರುತ್ತಿದ್ದು, ಈ ವಿಷಯವು ತನಿಖೆಯಲ್ಲಿದೆ ಮತ್ತು ಅದಕ್ಕೆ ಅನುಗುಣವಾಗಿ ಕ್ರಮ ಕೈಗೊಳ್ಳಲಾಗುವುದು ಎಂದು ಅವರು ಹೇಳಿದರು.
ವಿವಾಹದ ಪ್ರತ್ಯಕ್ಷ ಸಾಕ್ಷಿಯೊಬ್ಬರು, ಯುವಕರ ಗುಂಪೊಂದು, ಸಪ್ನಾ ಚೌಧರಿ ಹಾಡನ್ನು ನುಡಿಸಬೇಕೆಂದು ಒತ್ತಾಯಿಸಿತು. ಆದರೆ ಡಿಜೆ ಹಾಗೆ ಮಾಡಲು ಅಸಮರ್ಥತೆಯನ್ನು ವ್ಯಕ್ತಪಡಿಸಿದನು.
ಡಿಜೆ ತನ್ನ ಬಳಿ ಹಾಡು ಇಲ್ಲ ಎಂದು ಹೇಳಿದ ತಕ್ಷಣ, ಯುವಕರು ಹಿಂಸಾಚಾರ ನಡೆಸಿದರು. ಯುವಕರ ಗುಂಪು ಡಿಜೆ ಮತ್ತು ಅವರ ಬೆಂಬಲಿಗರ ಗುಂಪನ್ನು ಹೊಡೆಯಲು ಪ್ರಾರಂಭಿಸಿದರು. ಮೃತಪಟ್ಟ ಯುವಕನನ್ನು ಸಹ ಅವರು ಹೊಡೆದರು ಮತ್ತು ಆತ ಕುಸಿದು ಬಿದ್ದನು ಎಂದು ಹೇಳಿದ್ದಾರೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
ಟ್ವಿಟರ್ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ
https://twitter.com/SaakshaTv/status/1336718546223521793?s=19
https://twitter.com/SaakshaTv/status/1337086157931212800?s=19
