ಆಗ ಕಾಡು ಮನುಷ್ಯ.. ಈಗ ರಿಯಲ್ ಹೀರೋ
ಜನಾಂಗೀಯ ತಾರತಮ್ಯ, ಜಾತಿ ತಾರತಮ್ಯ.. ಬಡವರು, ಶ್ರೀಮಂತರು ಎಂಬ ಕಾರಣಕ್ಕೆ ಅದೆಷ್ಟೋ ಜನ ತಾರತಮ್ಯಕ್ಕೆ ಒಳಗಾಗಿರುವುದನ್ನ ನಾವು ನೋಡಿದ್ದೇವೆ. ಆದ್ರೆ ರೂಪದಿಂದಾಗಿ ತಾರತಮ್ಯಕ್ಕೆ ಒಳಗಾಗಿ ಕಾಡಿನಲ್ಲಿ ಜೀವಿಸೋದು ಅಂದ್ರೆ ಅತ್ಯಂತ ಅಮಾನವೀಯವಾಗಿದೆ.
ರುವಾಂಡಾದ ವ್ಯಕ್ತಿಯೊಬ್ಬ ತನ್ನ ಅಸಾಮಾನ್ಯ ರೂಪದಿಂದಾಗಿ ಎಲ್ಲರಿಂದ ದೂರವಾಗಿ ಕಾಡಿನಲ್ಲಿದ್ದ. ಆ ವ್ಯಕ್ತಿಯನ್ನು ಒಂದು ಸುದ್ದಿ ಮಾಧ್ಯಮ ಗುರುತಿಸಿ ಸಹಾಯ ಮಾಡಿದ್ದು, ಈಗ ಆ ವ್ಯಕ್ತಿ ಹೊಸ ಜೀವನವನ್ನು ನಡೆಸುತ್ತಿದ್ದಾನೆ. ಆತ ಯಾರು.. ಆತನ ಕಥೆ ಏನು..?
ರುವಾಂಡಾದ ಜಾಂಜಿಮನ್ ಎಲ್ಲಿ ಎಂಬ ಯುವಕನನ್ನ ರಿಯಲ್ ಲೈಪ್ ನ ಮೊಗ್ಲಿ ಎಂದು ಕರೆಯಲಾಗುತ್ತಿತ್ತು.ಕಾರಣ ಅವನ ರೂಪ. ಆದ್ರೆ 22 ವರ್ಷದ ಜಂಜಿಮಾನ್ ಎಲ್ಲೀ ಮೈಕ್ರೊಸೆಫಾಲಿ ಅನ್ನೋ ರೋಗದಿಂದ ಬಳಲುತ್ತಿದ್ದ. ಈ ರೋಗವು ಎಲ್ಲಿಯನ್ನ ಜನರಿಂದ ದೂರ ಕಾಡಿನಲ್ಲಿ ವಾಸಿಸುವಂತೆ ಮಾಡಿತ್ತು. ಈ ರೂಪದಿಂದಾಗಿ ಆ ಯುವಕ ಸಾಕಷ್ಟು ತಾರತಮ್ಯಕ್ಕೆ ಒಳಗಾಗಿದ್ದ. ಇದಲ್ಲದೆ, ಆತನಿಗೆ ಕಿವಿ ಕೇಳುತ್ತಿರಲಿಲ್ಲ, ಹಾಗೇ ಮಾತು ಬರುತ್ತಿರಲಿಲ್ಲ.
ಪ್ರಾದೇಶಿಕ ಟಿವಿ ಚಾನೆಲ್, ಅಫ್ರಿಮ್ಯಾಕ್ಸ್, ಅದರ ವೆಬ್ಸೈಟ್ ಗೋ ಫಂಡ್ನಲ್ಲಿ, ನಾವೆಲ್ಲರೂ ಎಲ್ಲಿಗೆ ಸಹಾಯ ಮಾಡಬೇಕು ಎಂದು ಅಭಿಯಾನ ಆರಂಭಿಸಿತ್ತು. ಇದಕ್ಕೆ ಅಭೂತಪೂರ್ವ ಪ್ರತಿಕ್ರಿಯೆ ದೊರೆಯಿತು. ಇದರ ಪರಿಣಾಮ ಎಂಬಂತೆ ಎಲ್ಲೀ ಈಗ ರುವಾಂಡಾದ ಗಿಜೆನ್ನಲ್ಲಿರುವ ಉಬುಮ್ವೆ ಸಮುದಾಯ ಕೇಂದ್ರದಲ್ಲಿ ವಿಶೇಷ ಅಗತ್ಯವುಳ್ಳ ಮಕ್ಕಳ ಶಾಲೆಗೆ ಸೇರಿದ್ದಾನೆ.
ಅಲ್ಲದೆ ತಮ್ಮ ಶಾಲೆಯ ಸಮವಸ್ತ್ರ ಮತ್ತು ಕಸ್ಟಮ್ ಮೇಡ್ ಸೂಟ್ ಧರಿಸಿ ಕ್ಯಾಮೆರಾಗೆ ಪೆÇೀಸ್ ನೀಡುತ್ತಿದ್ದಾನೆ.
ಈ ಬಗ್ಗೆ ಎಲ್ಲಿ ತಾಯಿ ಮಾತನಾಡುತ್ತಾ ಒಂದು ಕಾಲದಲ್ಲಿ ಎಲ್ಲರೂ ನನ್ನ ಮಗನನ್ನು ಗೇಲಿ ಮಾಡುತ್ತಿದ್ದರು. ಈಗ ನಮ್ಮ ಜೀವನ ಬದಲಾಗಿದೆ. ನನ್ನ ಮಗ ಸಂತೋಷದಿಂದ ಶಾಲೆಗೆ ಹೋಗುತ್ತಿದ್ದಾನೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
ಇತ್ತ ಎಲ್ಲಿಯ ಹೊಸ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವೈರಲ್ ಆಗುತ್ತಿವೆ. ನಾವೆಲ್ಲರೂ ಮನಸ್ಸು ಮಾಡಿದ್ರೆ ಇಂತಹ ಎಷ್ಟೋ ಮಂದಿಗೆ ಸಹಾಯ ಮಾಡಬಹುದು ಎಂದು ಕಮೆಂಟ್ ಗಳನ್ನು ಮಾಡುತ್ತಿದ್ದಾರೆ.