ಶಾಪಿಂಗ್ ಮಾಲ್ ನಲ್ಲಿ ಗುಂಡಿನ ದಾಳಿ – 3 ಸಾವು 4 ಮಂದಿ ಗಾಯ
ಡೆನ್ಮಾರ್ಕ್ ದೇಶದ ರಾಜಧಾನಿ ಕೋಪನ್ಹೇಗನ್ನಲ್ಲಿರುವ ಶಾಪಿಂಗ್ ಮಾಲ್ನಲ್ಲಿ ಭಾನುವಾರ ತಡರಾತ್ರಿ ಗುಂಡಿನ ದಾಳಿ ನಡೆದಿದೆ. ಗುಂಡಿನ ದಾಳಿಯಲ್ಲಿ 3 ಜನರು ಸಾವನ್ನಪ್ಪಿದ್ದು, 4 ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ. ಇವರಲ್ಲಿ ಮೂವರ ಸ್ಥಿತಿ ಚಿಂತಾಜನಕವಾಗಿದೆ.
ಸುದ್ದಿ ಸಂಸ್ಥೆಗಳ ವರದಿ ಪ್ರಕಾರ ಪ್ರಕರಣದಲ್ಲಿ 22 ವರ್ಷದ ಡ್ಯಾನಿಶ್ ಯುವಕನನ್ನ ಬಂಧಿಸಲಾಗಿದೆ. ಯುವಕ ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
At least three people have been killed and several more wounded in a shooting at a shopping mall in the Danish capital, Copenhagen. Police say a 22-year-old Danish man was arrested. There are unconfirmed reports he was targeting Muslims. More to follow. #Denmark pic.twitter.com/acThvExBXX
— 5Pillars (@5Pillarsuk) July 4, 2022
ಈ ಮೊದಲು ಗುಂಡಿನ ದಾಳಿಯನ್ನು ಭಯೋತ್ಪಾದಕ ದಾಳಿ ಎಂದು ನಂಬಲಾಗಿತ್ತು. ಪ್ರಾಥಮಿಕ ತನಿಖೆಯ ನಂತರ, ಇದು ಭಯೋತ್ಪಾದಕ ಘಟನೆ ಅಲ್ಲ. ಈ ದಾಳಿಯಲ್ಲಿ 3 ಜನರು ಸಾವನ್ನಪ್ಪಿದ್ದಾರೆ. ಅವರಲ್ಲಿ ಒಬ್ಬರು 47 ವರ್ಷದ ರಷ್ಯಾದ ಪ್ರಜೆ. ಈ ವಿಚಾರದಲ್ಲಿ ತನಿಖೆ ನಡೆಸುತ್ತಿದ್ದೇವೆ ಎಂದು ಕೋಪನ್ ಹ್ಯಾಗನ್ ಪೊಲೀಸ್ ಕಾರ್ಯಾಚರಣೆ ಘಟಕದ ಮುಖ್ಯಸ್ಥ ಸೊರೆನ್ ಥಾಮ್ಸನ್ ಹೇಳಿದ್ದಾರೆ.
ಮಾಲ್ನಲ್ಲಿ ಜನಜಂಗುಳಿ ಇತ್ತು
ರಜೆ ದಿನವಾದ್ದರಿಂದ ಶಾಪಿಂಗ್ ಮಾಲ್ನಲ್ಲಿ ಜನಜಂಗುಳಿಯೇ ಸೇರಿತ್ತು ಈ ವೇಳೆ ಏಕಾಏಕಿ ಗುಂಡಿನ ಸದ್ದು ಹಾಗೂ ಕಿರುಚಾಟದ ಸದ್ದು ಕೇಳಿಬಂದಿದೆ. ಇದರ ನಂತರ ಕಾಲ್ತುಳಿತದಿಂದಾಗಿ ಒಂದಿಷ್ಟು ಜನರು ಗಾಯಗೊಂಡಿದ್ದಾರೆ.
ಘಟನೆಗೆ ಸಂಬಂಧಿಸಿದಂತೆ 22 ವರ್ಷದ ಡ್ಯಾನಿಶ್ ಹುಡುಗನನ್ನು ಪೊಲೀಸರು ಬಂಧಿಸಿ ತನಿಖೆ ನಡೆಸುತ್ತಿದ್ದಾರೆ.