ಮಣಿಪುರದಲ್ಲಿ ಉಗ್ರರ ದಾಳಿ. ಸೇನಾಧಿಕಾರಿ ಕುಟುಂಬ ಬಲಿ  

1 min read

 

ಮಣಿಪುರದಲ್ಲಿ ಉಗ್ರರ ದಾಳಿ. ಸೇನಾಧಿಕಾರಿ ಕುಟುಂಬ ಬಲಿ

ಮಣಿಪುರದ ಚುರಾಚಂದ್‌ಪುರ ಜಿಲ್ಲೆಯ ಸಿಂಘತ್ ಉಪವಿಭಾಗದಲ್ಲಿ ಭಯೋತ್ಪಾದಕ ದಾಳಿ ನಡೆದಿದೆ. ಅಸ್ಸಾಂ ರೈಫಲ್ಸ್ ಘಟಕದ ಕಮಾಂಡಿಂಗ್ ಆಫೀಸರ್, ಅವರ ಕುಟುಂಬ ಸದಸ್ಯರು ಮತ್ತು ಬೆಂಗಾವಲು ಪಡೆ ಮೇಲೆ ಉಗ್ರರು ದಾಳಿ ನಡೆಸಿದ್ದಾರೆ.. ಕರ್ನಲ್ ವಿಪ್ಲವ್ ತ್ರಿಪಾಠಿ ಅವರ ಪತ್ನಿ ಮತ್ತು ಮಗ ಮತ್ತು ಸೈನಿಕರು  ಸೇರಿ 6 ಜನ ಉಗ್ರರ ದಾಳಿಗೆ ಬಲಿಯಾಗಿದ್ದಾರೆ. ಚುರಾಚಂದ್‌ಪುರ ಜಿಲ್ಲೆಯಲ್ಲಿ ಪೌರಕಾರ್ಮಿಕ ಕಾರ್ಯಕ್ರಮದ ಮೇಲ್ವಿಚಾರಣೆಗೆ ಕಮಾಂಡಿಂಗ್ ಆಫೀಸರ್ ಹೋದಾಗ ಬೆಳಿಗ್ಗೆ 10 ಗಂಟೆಗೆ ದಾಳಿ ನಡೆದಿದೆ ಎಂದು ವರದಿಗಳು ತಿಳಿಸಿವೆ.

ಈ ದಾಳಿಯ ಹಿಂದೆ ಮಣಿಪುರ ಮೂಲದ ಪೀಪಲ್ಸ್ ಲಿಬರೇಶನ್ ಆರ್ಮಿ ಎಂದು ಶಂಕಿಸಲಾಗಿದೆ, ಆದರೆ ಯಾವುದೇ ಭಯೋತ್ಪಾದಕ ಉಗ್ರಗಾಮಿ ಸಂಘಟನೆಯು ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ ಎಂದು ವರದಿಗಳು ತಿಳಿಸಿವೆ. ಈಶಾನ್ಯ ಭಾಗದಲ್ಲಿ ಈ ವರ್ಷದಲ್ಲಿ ನಡೆದ ಭೀಕರ ದಾಳಿಯಾಗಿದೆ.

ಕಮಾಂಡರ್ ಮತ್ತು ಇತರರು ಉಗ್ರರ ದಾಳಿಯಲ್ಲಿ ಸಾವನ್ನಪ್ಪಿದ್ದಾರೆ ಎಂದು ಮಣಿಪುರ ಮುಖ್ಯಮಂತ್ರಿ ಎನ್ ಬಿರೇನ್ ಸಿಂಗ್ ಸುದ್ದಿಯನ್ನ  ಖಚಿತಪಡಿಸಿದ್ದಾರೆ. ಸೇನಾಧಿಕಾರಿ ಕುಟುಂಬ ಮತ್ತು ಬೆಂಗಾವಲು ವಾಹನದ ಮೇಲೆ ನಡೆದಿರುವ ಹೇಡಿತನದ ದಾಳಿಯನ್ನ ನಾನು ಖಂಡಿಸುತ್ತೇನೆ. ಉಗ್ರರನ್ನ  ಪತ್ತೆ ಹಚ್ಚುವಲ್ಲಿ ರಾಜ್ಯ ಮತ್ತು ಪ್ಯಾರ ಮಿಲಿಟರಿ ಪಡೆಗಳು  ಈಗಾಗಲೆ ತೊಡಗಿಸಿಕೊಂಡಿವೆ  ಎಂದು ಮುಖ್ಯಮಂತ್ರಿ ಎನ್ ಬಿರೇನ್ ಸಿಂಗ್ ಟ್ವೀಟ್ ಮಾಡಿದ್ದಾರೆ.

 

Leave a Reply

Your email address will not be published. Required fields are marked *

YOU MUST READ

Copyright © All rights reserved | SaakshaTV | JustInit DigiTech Pvt Ltd