ಸಿನಿರಸಿಕರಿಗೆ ಹಬ್ಬದ ಗಿಫ್ಟ್ – ಈ ವಾರ OTT ಯಲ್ಲಿ ಸಾಲು ಸಾಲು ಸಿನಿಮಾಗಳು ರಿಲೀಸ್
ಅಕ್ಟೋಬರ್ 2021 ದಸರಾ ಸೀಸನ್ ಎಲ್ಲೆಡೆ ಹಬ್ಬದ ಗುಂಗಲ್ಲಿ ಜನ ಕುಟುಂಬದ ಜೊತೆಗೆ ಸಂಭ್ರಮಿಸುತ್ತಿದ್ದಾರೆ. ಈ ನಡುವೆ OTTಯಲ್ಲಿ ಸಿನಿಮಾ ಜಾತ್ರೆ ಆರಂಭವಾಗ್ತಿದ್ದು, ಹಬ್ಬದ ಖುಷಿಯನ್ನ ಹೆಚ್ಚಿಸಿದೆ. ಮತ್ತೊಂದೆಡೆ ಹಬ್ಬದ ರಜೆಯಲ್ಲಿ ಫ್ಯಾಮಿಲಿ ಜೊತೆಗೆ ಥಿಯೇಟರ್ ಗಳಿಗೆ ಹೋಗಿಯೂ ಹೊಸ ಹೊಸ ಸಿನಿಮಾಗಳನ್ನ ನೋಡಬಹುದು. 100 % ಸೀಟಿಂಗ್ ಗೆ ಅನುಮತಿ ಸಿಕ್ಕಿದ್ದು, ಹೊಸ ಹೊಸ ಸಿನಿಮಾಗ:ಳು ತೆರೆ ಕಾಣ್ತಿವೆ.
OTT ಮತ್ತು ಥಿಯೇಟರ್ ಗಳಲ್ಲಿ ರಿಲೀಸ್ ಆಗ್ತಿರುವ ಮತ್ತು ಈಗಾಗಲೇ ಈ ತಿಂಗಳಲ್ಲಿ ರಿಲೀಸ್ ಆಗಿರುವ ಸಾಲು ಸಾಲು ಸಿನಿಮಾಗಳ ಲಿಸ್ಟ್ ಇಲ್ಲಿದೆ. ನೆಟ್ ಫ್ಲಿಕ್ಸ್ , ಅಮೇಜಾನ್ ಪ್ರೈಮ್ , ಡಿಸ್ನಿ ಹಾಟ್ ಸ್ಟಾರ್ , ಝೀ 5 , ಸೋನಿ ಲೈವ್ , MX ಪ್ಲೇಯರ್ ಮತ್ತಿತರ OTT ಗಳಲ್ಲಿ ಸಾಕಷ್ಟು ಸಿನಿಮಾಗಳು ರಿಲೀಸ್ ಆಗ್ತಿವೆ. ಅಂದ್ಹಾಗೆ ಥಿಯೆಟರ್ ನಲ್ಲಿ ಈಗಾಗಲೇ ದುನಿಯಾ ವಿಜಯ್ ನಟನೆಯ ಸಲಗ ಚಿತ್ರ ಧೂಳೆಬ್ಬಿಸುತ್ತಿದೆ.
ಬಾಲಿವುಡ್ನ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ‘ಸರ್ದಾರ್ ಉಧಮ್’ ಕೂಡ ಇದೇ ವಾರ ಒಟಿಟಿಯಲ್ಲಿ ಬಿಡುಗಡೆಯಾಗಲಿದೆ. ಅಕ್ಟೋಬರ್ 16ರಂದು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಕಾಣಸಿಗಲಿದೆ. 1919ಕ್ಕೆ ಲಂಡನ್ನಲ್ಲಿ ಮೈಕಲ್ ಒಡಾಯರ್ ಹತ್ಯೆಗೆ ಸೇಡು ತೀರಿಸಿಕೊಳ್ಳಲು ಹೆಸರವಾಸಿಯಾದ ಕ್ರಾಂತಿಕಾರಿ ಸ್ವಾತಂತ್ರ್ಯ ಹೋರಾಟಗಾರ ಉದಮ್ ಸಿಂಗ್ ಜೀವನಾಧಾರಿತ ಸಿನಿಮಾ ಇದಾಗಿದೆ. ಜಲಿಯನ್ ವಾಲಾಬಾಗ್ ಹತ್ಯಾಕಾಂಡ ಕಥಾಹಂದರ ಹೊಂದಿದ್ದು, ಈ ಚಿತ್ರದಲ್ಲಿ ವಿಕ್ಕಿ ಕೌಶಲ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಅಮೆಜಾನ್ ನಲ್ಲಿ
ತಮಿಳಿನ ಉದನ್ಫಿರಾಪ್ಪೆ ( ಅಕ್ಟೋಬರ್ 14) ಸಿನಿಮಾ ರಿಲೀಸ್ ಆಗಿದೆ. ನಾಳೆ ( ಅಕ್ಟೋಬರ್ 15 ) ಫ್ರೆಂಡ್ ಶಿಪ್ ಸಿನಿಮಾ ರಿಲೀಸ್ ಆಗಲಿದೆ. ಇನ್ನೂ ಇದೇ ರೀತಿ 20 ಕ್ಕೂ ಹೆಚ್ಚು ಸಿನಿಮಾಗಳು ರಿಲೀಸ್ ಆಗ್ತಿದ್ದು, ಸಿನಿರಸಿಕರ ಹಬ್ಬದ ಖುಷಿ ಡಬಲ್ ಮಾಡಿದೆ.
