ಬುಲ್ಸ್ ಗೆ ಹ್ಯಾಟ್ರಿಕ್ ಸೋಲು : ಪಲ್ಟನ್ಸ್ ವಿರುದ್ಧ ಸೋತ್ರೂ ಅಂಕಪಟ್ಟಿಯಲ್ಲಿ ಬದಲಾವಣೆ ಇಲ್ಲ..!!
ಡಿಸೆಂಬರ್ 22 ರಿಂದಲೂ ಬೆಂಗಳೂರಿನ ವೈಟ್ ಫೀಲ್ಡ್ ನಲ್ಲಿ ನಡೆಯುವತ್ತಿರುವ ಪ್ರೋ ಕಬಡ್ಡಿ ಲೀಗ್ 2022 ರಲ್ಲಿ ಬೆಂಗಳೂರು ಬುಲ್ಸ್ ಆರಂಭದ ಒಂದು ಮ್ಯಾಚ್ ನಲ್ಲಿ ಯೂ ಮುಂಬಾ ವಿರುದ್ಧ ಸೋತ್ರೂ ಕೂಡ ಆನಂತರ ಗೂಳಿಗಳಂತೆಯೇ ಆರ್ಭಟಿಸಿದ ಬುಲ್ಸ್ ಅಂಕಪಟ್ಟಿಯಲ್ಲಿ ಟಾಪ್ 3ರಲ್ಲೇ ಸ್ಥಾನ ಭದ್ರಪಡಿಸಿಕೊಂಡು ಬಂದಿದೆ.. ಆದ್ರೆ ನಿನ್ನೆ ಬೆಂಗಳೂರು ಬುಲ್ಸ್ ಗೆ ಹ್ಯಾಟ್ರಿಕ್ ಸೋಲಾಗಿದೆ..
ಹೌದು ದ್ವಿತೀಯಾರ್ಧದ 2 ನೇ ಪಂದ್ಯದಲ್ಲೂ ಬೆಂಗಳೂರು ಸೋತಿದೆ. ಪಲ್ಟನ್ಸ್ ವಿರುದ್ಧ 2 ಅಂಕಗಳ ಅಂತರದಲ್ಲಿ ಸೋಲು ಕಾಣುವ ಮೂಲಕ ಹ್ಯಾಟ್ರಿಕ್ ಸೋಲುಂಡಿದೆ.. ಆದ್ರೆ ಉತ್ತಮ ಅಂಕಗಳನ್ನ ಪಡೆದಿರುವ ಹಿನ್ನೆಲೆ ಈಗಲೂ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದೆ.. ನಿನ್ನ ಪಂದ್ಯ ಶುರುವಾಗುವುದಕ್ಕೂ ಮುನ್ನವೂ ಕೂಡ ಬುಲ್ಸ್ 2ನೇ ಸ್ಥಾನದಲ್ಲೇ ಇತ್ತು.. ಆದ್ರೆ ಪುಣೆ ಗೆದ್ದರೂ ಕೂಡ 11 ನೇ ಸ್ಥಾನದಿಂದ ಕದಲಿಲ್ಲ..
ಜನವರಿ 12 ರಂದು ದಬಾಂಗ್ ಡೆಲ್ಲಿಯ ವಿರುದ್ಧ 61 – 22 ರಿಂದ ಭರ್ಜರಿ ಜಯ ದಾಖಲಿಸಿದ್ದ ಬುಲ್ಸ್ ಆ ನಂತರ ಜನವರಿ 14ಕ್ಕೆ ಗುಜರಾತ್ ವಿರುದ್ಧವೂ ಜಯಿಸಿದ್ದರು.. ಆದ್ರೆ ಅದಾದ ಬಳಿಕ ಆಡಿದ ಮೂರೂ ಪಂದ್ಯಗಳಲ್ಲೂ ಕೂಡ ಸೋತಿದ್ದಾರೆ. ಜನವರಿ 16 ಕ್ಕೆ ಪಟ್ನಾ ಪೈರೇಟ್ಸ್ ವಿರುದ್ಧ 7 ಅಂಕಗಳ ಅಂತರದಿಂದ ಸೋಲು , ಜನವರಿ 20 ಬೆಂಗಾಲ್ ವಾರಿಯರ್ಸ್ ವಿರುದ್ಧ ಒಂದೇ ಒಂದು ಅಂಕದಿಂದ ಸೋಲು , ನಿನ್ನೆ 2 ಅಂಕಗಳ ಅಂತರದಿಂದ ಸೋಲು ಕಂಡಿದೆ.
ಒಂದೆಡೆ ಬೆಂಗಳೂರಿಗೆ ನಿರಾಸೆಯಾಗಿದ್ರೆ , ಮತ್ತೊಂದೆಡೆ ಪಾಯಿಂಟ್ಸ್ ಟೇಬಲ್ ನಲ್ಲಿ ಕಡೆಯಿಂದ 2ನೇ ಸ್ಥಾನದಲ್ಲಿರುವ ಪುಣೆಗೆ ಒಂದು ಹೊಸ ಭರವಸೆ ಮೂಡಿದೆ..
ಆರಂಭದಿಂದಲೇ ಭರ್ಜರಿ ಪೈಪೋಟಿಗೆ ಕಾರಣವಾಗಿದ್ದ ಈ ಪಂದ್ಯದಲ್ಲಿ ಪುಣೇರಿ ಪಲ್ಟನ್ ಉತ್ತಮ ಹೊಂದಾಣಿಕೆಯ ಆಟ ಪ್ರದರ್ಶಿಸಿದರು. ಅದರಂತೆ ಮೊದಲಾರ್ಧದಲ್ಲೇ ಬೆಂಗಳೂರು ಬುಲ್ಸ್ ತಂಡವನ್ನು ಆಲೌಟ್ ಮಾಡುವಲ್ಲಿ ಯಶಸ್ವಿಯಾದರು. ಆದರೆ ಇತ್ತ ಪವನ್ ಕುಮಾರ್ ಶೆಹ್ರಾವತ್ ಬೋನಸ್ ಅಂಕಗಳೊಂದಿಗೆ ತಂಡದ ಪಾಯಿಂಟ್ ಹೆಚ್ಚಿಸಿದರು. ಇದರಿಂದಾಗಿ ಮೊದಲಾರ್ಧದ ಮುಕ್ತಾಯದೊಳಗೆ ಉಭಯ ತಂಡಗಳು 13 ಅಂಕಗಳೊಂದಿಗೆ ಸಮಬಲ ಸಾಧಿಸಿತು. ಈ ಹಂತದಲ್ಲಿ ಅತ್ಯುತ್ತಮ ರೈಡ್ ಮಾಡಿದ ಪವನ್ ಕುಮಾರ್ ಬ್ಯಾಕ್ ಟು ಬ್ಯಾಕ್ ಪಾಯಿಂಟ್ಗಳನ್ನು ಕಲೆಹಾಕಿದರು.
ಆದ್ರೆ ಪುಣೇರಿ ಪಲ್ಟನ್ ಪರ ಮೋಹಿತ್ ಗೋಯಟ್ ಉತ್ತಮ ರೇಡ್ ಮಾಡಿ ಬುಲ್ಸ್ ನ ಡೆಫೆನ್ಸ್ ಗೆ ಚಕ್ಮಾ ನೀಡಿ ತಂಡದ ಪಾಯಿಂಟ್ಸ್ ಹೆಚ್ಚಿಸುವಲ್ಲಿ ಯಶಸ್ವಿಯಾದ್ರೂ.. ಮೊದಲಾರ್ಧದಲ್ಲಿ ಪುಣೇರಿ ಪಲ್ಟನ್ 16 ಪಾಯಿಂಟ್ ಕಲೆಹಾಕಿದರೆ, ಬೆಂಗಳೂರು ಬುಲ್ಸ್ ತಂಡ 15 ಅಂಕಗಳಿಸಿತು. 1 ಅಂಕಗಳ ಮುನ್ನಡೆಯೊಂದಿಗೆ ದ್ವಿತಿಯಾರ್ಧ ಆರಂಭಿಸಿದ ಪುಣೇರಿ ತಂಡವು ಆರಂಭದಲ್ಲೇ ಮೇಲುಗೈ ಸಾಧಿಸಿತು.
ತಂಡದ ಪರ ಅತ್ಯುತ್ತಮ ರೈಡಿಂಗ್ ಮಾಡಿದ ಮೋಹಿತ್ ಪಾಯಿಂಟ್ಗಳನ್ನು ಕಲೆಹಾಕಿ ಮಿಂಚಿದರು. ಬೆಂಗಳೂರು ಬುಲ್ಸ್ ತಂಡವು 24 ಅಂಕಗಳಿಸುವಷ್ಟರಲ್ಲಿ ಪುಣೇರಿ ಪಲ್ಟನ್ 30 ಪಾಯಿಂಟ್ ಪಡೆಯಿತು. ಇತ್ತ ಪವನ್ ಕುಮಾರ್ ಹೊರತುಪಡಿಸಿ ಉಳಿದ ಆಟಗಾರರಿಂದ ಉತ್ತಮ ಪ್ರದರ್ಶನ ಮೂಡಿಬರುತ್ತಿರಲಿಲ್ಲ. ಹೀಗಾಗಿ ಕೊನೆಯ ಐದು ನಿಮಿಷಗಳಿರುವಾಗ ಬೆಂಗಳೂರು ಬುಲ್ಸ್ ಕಂಬ್ಯಾಕ್ ಮಾಡುವ ಪ್ರಯತ್ನ ಮಾಡಿದರು. ಅಂತಿಮ 5 ನಿಮಿಷಗಳ ಆಟ ಬಾಕಿಯಿದ್ದ ವೇಳೆ ಪುಣೇರಿ ಪಲ್ಟನ್ 32 ಅಂಕ ಪಡೆದಿದ್ದರೆ, ಬೆಂಗಳೂರು ಬುಲ್ಸ್ ತಂಡವು 29 ಅಂಕ ಪಡೆದಿತ್ತು. ಅಂತಿಮ ಹಂತದಲ್ಲಿ ಕೇವಲ 3 ಪಾಯಿಂಟ್ ಮುನ್ನಡೆ ಪಡೆದಿದ್ದ ಪುಣೇರಿ ಪಲ್ಟನ್ಗೆ ಪೈಪೋಟಿ ನೀಡುವಲ್ಲಿ ಬೆಂಗಳೂರು ಬುಲ್ಸ್ ಹಿಂದೆ ಬಿದ್ದರು. ಹೀಗಾಗಿ 35 – 37 ಅಂತರದಿಂದ ಸೋಲು ಕಂಡರು..
ಇನ್ನೂ ಮುಂದೆ ಬೆಂಗಳೂರು 7 ಪಂದ್ಯಗಳನ್ನ ಆಡಬೇಕಾಗಿದ್ದು ಈ 7 ಪಂದ್ಯಗಳ ಪೈಕಿ ಬೆಂಗಳೂರು 5 ಪಂದ್ಯಗಳಲ್ಲಿ ಗೆದ್ರೂ ಪ್ಲೇ ಆಫ್ ನಲ್ಲಿ ಸ್ಥಾನ ಭದ್ರ ಪಡಿಸಿಕೊಂಡು ಫೈನಲ್ಸ್ ತಲುಪಲಿದೆ.. ಮುಮದಿನ ಪಂದ್ಯ ಇಂದೇ ನಡೆಯಲಿದೆ.. ಇಂದಿನ 2 ನೇ ಪಂದ್ಯದಲ್ಲಿ ಬೆಂಗಳೂರು ಗೂಳಿಗಳು ಟೈಟನ್ಸ್ ವಿರುದ್ಧ ಸೆಣಸಾಡಲಿವೆ..
