Sanjay Manjrekar : ವಿರಾಟ್ ಕೊಹ್ಲಿಗಿಂತ ಡುಪ್ಲಸಿಸ್ ಬೆಸ್ಟ್ ಕ್ಯಾಪ್ಟನ್
ಐಪಿಎಲ್-2022ರ ಭಾಗವಾಗಿ ಶುಕ್ರವಾರ ನಡೆದ ಕ್ವಾಲಿಫೈಯರ್-2ರಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆರ್ಸಿಬಿ ಸೋತು ಟೂರ್ನಿಯಿಂದ ನಿರ್ಗಮಿಸಿದೆ.
ಈ ಸೀಸನ್ ನಲ್ಲಿ ಕಪ್ ಗೆಲ್ಲುವ ನಿರೀಕ್ಷೆಯಲ್ಲಿದ್ದ ಆರ್ ಸಿಬಿ ಅಭಿಮಾನಿಗಳಿಗೆ ಮತ್ತೊಮ್ಮೆ ನಿರಾಸೆಯಾಗಿದೆ.
ಇದರ ಹೊರತಾಗಿಯೂ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕಳೆದ ವರ್ಷಕ್ಕಿಂತ ಈ ಋತುವಿನಲ್ಲಿ ಉತ್ತಮ ಪ್ರದರ್ಶನ ನೀಡಿದೆ ಎಂದು ಭಾರತದ ಮಾಜಿ ಆಟಗಾರ ಸಂಜಯ್ ಮಂಜ್ರೇಕರ್ ವಾದಿಸಿದ್ದಾರೆ.
ಅದೇ ರೀತಿ ಫಾಫ್ ಡುಪ್ಲೆಸಿಸ್ ನಾಯಕನಾಗಿ ವಿರಾಟ್ ಕೊಹ್ಲಿಗಿಂತ ಉತ್ತಮವಾಗಿ ಕಾರ್ಯನಿರ್ವಹಿಸಿದ್ದಾರೆ ಎಂದು ಮಂಜ್ರೇಕರ್ ಹೇಳಿದ್ದಾರೆ.
“ಆರ್ಸಿಬಿ ಕಳೆದ ಋತುವಿಗಿಂತ ಈ ಋತುವಿನಲ್ಲಿ ಅದ್ಭುತ ಪ್ರದರ್ಶನ ನೀಡಿದೆ.
ವಿರಾಟ್ ಕೊಹ್ಲಿಗಿಂತ ಫಾಫ್ ಡುಪ್ಲಸಿಸ್ ಉತ್ತಮ ನಾಯಕನಾಗಿ ಕಾಣಿಸಿಕೊಂಡರು.
ನಾವು ಅವರಿಬ್ಬರಿಂದಲೂ ಉತ್ತಮ ಇನ್ನಿಂಗ್ಸ್ ನಿರೀಕ್ಷಿಸುತ್ತಿದ್ದೇವು.
ಆರ್ ಸಿಬಿ ಪ್ಲೇ ಆಫ್ಸ್ ಬಂದ ಕಾರಣ ಖಂಡಿತವಾಗಿ ಈ ಬಾರಿ ಕಪ್ ಗೆಲ್ಲುತ್ತೆ ಎಂದು ನಿರೀಕ್ಷೆ ಮಾಡಿದ್ದೆ.
ಆದ್ರೆ ಕ್ವಾಲಿಫೈಯರ್ ನಲ್ಲಿ ಕೆಲವು ತಪ್ಪುಗಳಿಂದ ಅವರು ಸೋಲನುಭವಿಸಿದರು.
ಈ ಋತುವಿನಲ್ಲಿ ಆರ್ಸಿಬಿ ಬೌಲರ್ಗಳು ಉತ್ತಮ ಪ್ರದರ್ಶನ ನೀಡಿದ್ರು.
ಡುಪ್ಲೆಸಿಸ್ ಸರಿಯಾದ ಸಮಯಕ್ಕೆ ಬೌಲರ್ಗಳನ್ನು ಬಳಸಿಕೊಂಡರು.
ಬ್ಯಾಟಿಂಗ್ ವಿಷಯದಲ್ಲಿ ಟೂರ್ನಿಯ ಆರಂಭದಲ್ಲಿ ಬ್ಯಾಟರ್ ಗಳು ಮಿಂಚಿದ್ರೂ, ದ್ವಿತೀಯಾರ್ಧದಲ್ಲಿ ಕೊಂಚ ಎಡವಿದ್ರು ಎಂದು ಮಂಜ್ರೇಕರ್ ಅಭಿಪ್ರಾಯಪಟ್ಟಿದ್ದಾರೆ.
