ದಕ್ಷಿಣ ಭಾರತದ ಶೈಲಿಯಲ್ಲಿ ಹೋಟೆಲ್ ನಲ್ಲಿ ಮಾಡುವ ರುಚಿಕರವಾದ ವೆಜ್ ಕೂರ್ಮವನ್ನು ಮನೆಯಲ್ಲಿಯೇ ಮಾಡಲು ಇಲ್ಲಿದೆ ಸುಲಭವಾದ ವಿಧಾನ
ಬೇಕಾಗುವ ಸಾಮಗ್ರಿಗಳು:
* ಮಿಶ್ರ ತರಕಾರಿ – 1 ಕಪ್ (ಕ್ಯಾರೆಟ್, ಬೀನ್ಸ್, ಬಟಾಣಿ, ಆಲೂಗಡ್ಡೆ, ಹೂಕೋಸು)
* ಈರುಳ್ಳಿ – 1 (ಸಣ್ಣಗೆ ಹೆಚ್ಚಿದ್ದು)
* ಟೊಮೆಟೊ – 1 (ಸಣ್ಣಗೆ ಹೆಚ್ಚಿದ್ದು)
* ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ
* ತೆಂಗಿನ ಹಾಲು – 1 ಕಪ್
* ಗೋಡಂಬಿ – 8-10
* ಗಸಗಸೆ – 1/2 ಚಮಚ
* ಕೊತ್ತಂಬರಿ ಸೊಪ್ಪು – ಸ್ವಲ್ಪ (ಕತ್ತರಿಸಿದ್ದು)
* ಎಣ್ಣೆ – 2 ಚಮಚ
* ಉಪ್ಪು – ರುಚಿಗೆ ತಕ್ಕಷ್ಟು
ಮಸಾಲೆಗೆ:
* ಲವಂಗ – 2
* ಏಲಕ್ಕಿ – 2
* ಚಕ್ಕೆ – 1 ಇಂಚು
* ಶುಂಠಿ – 1/2 ಇಂಚು
* ಬೆಳ್ಳುಳ್ಳಿ – 3-4 ಎಸಳು
* ಹಸಿ ಮೆಣಸಿನಕಾಯಿ – 2 (ನಿಮ್ಮ ರುಚಿಗೆ ಅನುಗುಣವಾಗಿ)
* ಕೊತ್ತಂಬರಿ ಬೀಜ – 1 ಚಮಚ
* ಜೀರಿಗೆ – 1/2 ಚಮಚ
* ಸೋಂಪು – 1/2 ಚಮಚ
* ತೆಂಗಿನ ತುರಿ – 1/4 ಕಪ್
ಮಾಡುವ ವಿಧಾನ:
* ಮೊದಲಿಗೆ ಗೋಡಂಬಿ ಮತ್ತು ಗಸಗಸೆಯನ್ನು ಸ್ವಲ್ಪ ಹೊತ್ತು ಬಿಸಿ ನೀರಿನಲ್ಲಿ ನೆನೆಸಿಡಿ. ನಂತರ ಮಿಕ್ಸರ್ ಜಾರ್ನಲ್ಲಿ ಹಾಕಿ ಸ್ವಲ್ಪ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.
* ಮಸಾಲೆಗೆ ನೀಡಿರುವ ಸಾಮಗ್ರಿಗಳಾದ ಲವಂಗ, ಏಲಕ್ಕಿ, ಚಕ್ಕೆ, ಶುಂಠಿ, ಬೆಳ್ಳುಳ್ಳಿ, ಹಸಿ ಮೆಣಸಿನಕಾಯಿ, ಕೊತ್ತಂಬರಿ ಬೀಜ, ಜೀರಿಗೆ, ಸೋಂಪು ಮತ್ತು ತೆಂಗಿನ ತುರಿಯನ್ನು ಮಿಕ್ಸರ್ ಜಾರ್ಗೆ ಹಾಕಿ ಸ್ವಲ್ಪ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.
* ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಅದಕ್ಕೆ ಹೆಚ್ಚಿದ ಈರುಳ್ಳಿ ಹಾಕಿ ತಿಳಿ ಗುಲಾಬಿ ಬಣ್ಣ ಬರುವವರೆಗೆ ಹುರಿಯಿರಿ.
* ನಂತರ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ.
* ಈಗ ಹೆಚ್ಚಿದ ಟೊಮೆಟೊ ಸೇರಿಸಿ ಮೆತ್ತಗಾಗುವವರೆಗೆ ಬೇಯಿಸಿ.
* ರುಬ್ಬಿದ ಮಸಾಲೆ ಪೇಸ್ಟ್ ಸೇರಿಸಿ 2-3 ನಿಮಿಷಗಳ ಕಾಲ ಹುರಿಯಿರಿ.
* ನಂತರ ಹೆಚ್ಚಿದ ತರಕಾರಿಗಳನ್ನು ಸೇರಿಸಿ ಮಸಾಲೆ ಜೊತೆ ಚೆನ್ನಾಗಿ ಮಿಶ್ರಣ ಮಾಡಿ. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.
* ಸ್ವಲ್ಪ ನೀರು ಸೇರಿಸಿ ಮುಚ್ಚಳ ಮುಚ್ಚಿ ತರಕಾರಿಗಳು ಅರ್ಧ ಬೆಲ್ಲುವವರೆಗೆ ಬೇಯಿಸಿ.
* ಈಗ ರುಬ್ಬಿದ ಗೋಡಂಬಿ-ಗಸಗಸೆ ಪೇಸ್ಟ್ ಮತ್ತು ತೆಂಗಿನ ಹಾಲು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
* ಕುರ್ಮಾವನ್ನು ಕಡಿಮೆ ಉರಿಯಲ್ಲಿ 5-7 ನಿಮಿಷಗಳ ಕಾಲ ಕುದಿಸಿ.
* ಕೊನೆಯಲ್ಲಿ ಕತ್ತರಿಸಿದ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.
ಈಗ ನಿಮ್ಮ ಬಿಸಿ ಬಿಸಿಯಾದ ಹೋಟೆಲ್ ಶೈಲಿಯ ವೆಜ್ ಕೂರ್ಮ ಸವಿಯಲು ಸಿದ್ಧ! ಇದನ್ನು ಚಪಾತಿ, ಪೂರಿ, ದೋಸೆ ಅಥವಾ ಅನ್ನದೊಂದಿಗೆ ಬಡಿಸಿ.
