ಯುದ್ಧದ ಪರಿಣಾಮವಾಗಿ ಉಂಟಾದ LPG ಬಿಕ್ಕಟ್ಟು ಸಂಪೂರ್ಣವಾಗಿ ಸರಿಯಾಗಲು 3-4 ವರ್ಷಗಳು ಹಿಡಿಯಬಹುದು ಎಂದು ಕೇಂದ್ರದ ಅಧಿಕಾರಿಗಳು ಅಂದಾಜಿಸಿದ್ದಾರೆ. ಮಧ್ಯಪ್ರಾಚ್ಯದಲ್ಲಿ ಗ್ಯಾಸ್ ಉತ್ಪಾದನೆ ಸ್ಥಿತಿ ಸ್ಪಷ್ಟವಾಗದಿರುವುದೇ ಈ ದೀರ್ಘ ವಿಳಂಬಕ್ಕೆ ಪ್ರಮುಖ ಕಾರಣವಾಗಿದೆ.
ಇನ್ನೊಂದೆಡೆ, ರುಬಿಕ್ಸ್ ಡೇಟಾ ಸೈನ್ಸ್ ವರದಿ ಪ್ರಕಾರ, ಪರ್ಯಾಯ ಮಾರ್ಗಗಳಿಂದ LPG ಸಂಗ್ರಹಿಸಿದರೂ ಕೂಡ 40-50% ಸರಬರಾಜು ಕೊರತೆ ಮುಂದುವರಿಯುವ ಸಾಧ್ಯತೆ ಇದೆ ಎಂದು ತಿಳಿಸಿದೆ.
ಭಾರತದ LPG ಅವಲಂಬನೆ ಕೂಡ ದೊಡ್ಡ ಸವಾಲಾಗಿದೆ. ದೇಶವು ಆಮದು ಮಾಡಿಕೊಳ್ಳುವ ಸುಮಾರು 60% LPGನಲ್ಲಿ 90% ಪ್ರಮಾಣವು ಹಾರ್ಮುಜ್ ಜಲಸಂಧಿಯ ಮೂಲಕವೇ ಸಾಗುತ್ತಿದೆ. ಈ ಮಾರ್ಗದಲ್ಲಿ ಉಂಟಾಗುವ ಯಾವುದೇ ಅಡಚಣೆ ನೇರವಾಗಿ ದೇಶದ ಗ್ಯಾಸ್ ಪೂರೈಕೆಗೆ ಹೊಡೆತ ನೀಡುತ್ತದೆ.
ಹೀಗಾಗಿ, ತಾತ್ಕಾಲಿಕ ಪರಿಹಾರ ಕ್ರಮಗಳ ಜೊತೆಗೆ ದೀರ್ಘಕಾಲಿಕ ಪರ್ಯಾಯಗಳತ್ತ ಗಮನ ಹರಿಸುವುದು ಅನಿವಾರ್ಯವಾಗಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
