ಮಾಸ್ಕ್ – ಗೊತ್ತಿದ್ದು ನೀವು ಮಾಡುವ ತಪ್ಪುಗಳು
ಮಂಗಳೂರು, ಜುಲೈ 23: ನಮ್ಮ ಅರ್ಧ ಮುಖವನ್ನು ಮಾಸ್ಕ್ ನಿಂದ ಮರೆ ಮಾಡಿ ಬದುಕುವ ದಿನಚರಿ ನಮ್ಮದಾಗಲಿದೆಯೆಂದು ಸುಮಾರು ಆರು ತಿಂಗಳ ಹಿಂದೆ ಯಾರೂ ಎಣಿಸಿರಲಿಲ್ಲ. ಕೋವಿಡ್-19 ಸಾಂಕ್ರಾಮಿಕವು ಪ್ರಪಂಚದಾದ್ಯಂತ ಬಹಳಷ್ಟು ಬದಲಾವಣೆಗಳನ್ನು ತಂದಿತು ಮತ್ತು ನಮ್ಮ ಸಾಮಾನ್ಯ ಜೀವನವು ಅನೇಕ ಬದಲಾವಣೆಗಳನ್ನು ಹೊಂದಿತು. ಇಲ್ಲಿಯವರೆಗೆ ಕೊರೊನಾವೈರಸ್ ಸೋಂಕಿಗೆ ಯಾವುದೇ ನಿರ್ದಿಷ್ಟ ಚಿಕಿತ್ಸೆ ಅಥವಾ ಲಸಿಕೆ ಲಭ್ಯವಿಲ್ಲದ ಹಿನ್ನಲೆಯಲ್ಲಿ, ನಮ್ಮನ್ನು ನಾವು ಕೊರೊನಾ ವೈರಸ್ ಸೋಂಕಿನಿಂದ ಕಾಪಾಡಿಕೊಳ್ಳುವುದು ಅತ್ಯಗತ್ಯ. ಹಾಗಾಗಿ ಕೆಲವು ಪ್ರಮುಖ ಮುನ್ನೆಚ್ಚರಿಕೆಗಳು ಜಾಗತಿಕ ಆರೋಗ್ಯ ಬಿಕ್ಕಟ್ಟನ್ನು ಎದುರಿಸುವಲ್ಲಿ ಅತ್ಯಂತ ಮಹತ್ವದ್ದಾಗಿವೆ.
ಅಂತಹ ಒಂದು ಮುನ್ನೆಚ್ಚರಿಕೆ ಕ್ರಮವೆಂದರೆ ನೀವು ಸಾರ್ವಜನಿಕವಾಗಿ ಹೊರಗಿರುವಾಗ ಮಾಸ್ಕ್ ಅಥವಾ ಫೇಸ್ ಕವರ್ ಧರಿಸುವುದು.
ಕೊರೊನಾವೈರಸ್ ಗಾಳಿಯಿಂದ ಹರಡುತ್ತದೆ ಎಂಬ ವರದಿಗಳು ಇತ್ತೀಚೆಗೆ ಸಾಕಷ್ಟು ಪುರಾವೆಗಳೊಂದಿಗೆ ಸಾಬೀತಾಗಿರುವ ಕಾರಣ, ಮುಖವಾಡಗಳು ಅಥವಾ ಮಾಸ್ಕ್ ಗಳನ್ನು ಧರಿಸುವುದು ಮತ್ತಷ್ಟು ಮಹತ್ವ ಪಡೆದಿದೆ. ವಿಶೇಷವಾಗಿ ಮನೆಯಲ್ಲಿ ಯಾರಾದರೂ ಕೋವಿಡ್-19 ಮಾದರಿಯ ಲಕ್ಷಣಗಳನ್ನು ಹೊಂದಿದ್ದರೆ, ಮನೆಯೊಳಗೆ ಸಹ ಮುಖವಾಡ ಧರಿಸಬೇಕೆಂದು ಕೆಲವು ತಜ್ಞರು ಸೂಚಿಸಿದ್ದಾರೆ. ಇತರರು ಸಾರ್ವಜನಿಕ ಸ್ಥಳಗಳಲ್ಲಿ ಮಾಸ್ಕ್ ಧರಿಸಬೇಕು ಎಂದು ತಜ್ಞರು ಶಿಫಾರಸು ಮಾಡುತ್ತಾರೆ.
ಆದರೆ ಮಾಸ್ಕ್ ಧರಿಸುವ ವಿಷಯದಲ್ಲಿ ನಾವು ತಿಳಿದೂ ಕೆಲವು ತಪ್ಪುಗಳನ್ನು ಮಾಡುತ್ತಿರುತ್ತೇವೆ.
ಧರಿಸಿದ ಮಾಸ್ಕ್ ಅನ್ನು ನಾವು ಬದಲಾಯಿಸದಿರುವುದು ಅಥವಾ ಪ್ರತಿ ಬಳಕೆಯ ನಂತರ ಅವುಗಳನ್ನು ತೊಳೆಯದಿರುವುದು. ನಮ್ಮಲ್ಲಿ ಕೆಲವರು ಕುಟುಂಬ ಸದಸ್ಯರೊಂದಿಗೆ ಮುಖವಾಡಗಳನ್ನು ಹಂಚಿಕೊಳ್ಳುತ್ತಲೂ ಇರಬಹುದು. ಖಂಡಿತವಾಗಿಯೂ ಈ ರೀತಿ ಮಾಡಲೇ ಬಾರದು. ಮಾಸ್ಕ್ ವಿಷಯದಲ್ಲಿ ನಮ್ಮಿಂದ ತಿಳಿದೂ ಆಗುತ್ತಿರುವ ತಪ್ಪುಗಳನ್ನು ಇಲ್ಲಿ ತಿಳಿಸಿದ್ದೇವೆ. ಈ ತಪ್ಪುಗಳು, ನಿಮಗೆ ಸೋಂಕಿನ ಅಪಾಯವನ್ನು ಹೆಚ್ಚಿಸುವ ಸಾಧ್ಯತೆಯೂ ಹೆಚ್ಚಿದೆ
ಎನ್ -95 ಮುಖವಾಡಗಳ ಬಳಕೆ – ಭಾರತ ಸರ್ಕಾರದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಹೊರಡಿಸಿದ ಮಾರ್ಗಸೂಚಿಗಳ ಪ್ರಕಾರ ಹೊರ ಹೋಗಬೇಕಾದರೆ, ಮಾಸ್ಕ್ ನಿಂದ ನಿಮ್ಮ ಮೂಗು ಮತ್ತು ಬಾಯಿಯನ್ನು ಸಂಪೂರ್ಣವಾಗಿ ಮುಚ್ಚಿಕೊಳ್ಳಬೇಕು. N95 ಮುಖವಾಡಗಳು ಸಾಮಾನ್ಯವಾಗಿ ಕವಾಟಗಳನ್ನು ಹೊಂದಿರುತ್ತವೆ. ಕೊರೋನಾ ವೈರಸ್ ನಿಂದ ತಪ್ಪಿಸಿಕೊಳ್ಳುವುದನ್ನು ಮಾಸ್ಕ್ ತಡೆಯುವುದಿಲ್ಲ. ಆದರೆ ಮಾಲಿನ್ಯಕಾರಕಗಳನ್ನು ನಮ್ಮ ಉಸಿರಾಟದ ವ್ಯವಸ್ಥೆಯಿಂದ ಹೊರಗಿಡಲು N-95 ಮಾಸ್ಕ್ ಗಳನ್ನು ಸಾಮಾನ್ಯವಾಗಿ ಬಳಸಲಾಗುತ್ತದೆ ಮತ್ತು ಹೊಗೆಯ ಸಮಯದಲ್ಲಿ ಅಥವಾ ಗಾಳಿಯು ಹಾನಿಕಾರಕವಾಗಿದ್ದ ಸಂದರ್ಭದಲ್ಲಿ ಬಳಸಲು ಶಿಫಾರಸು ಮಾಡಲಾಗುತ್ತದೆ.
ಆಗಾಗ್ಗೆ ನಿಮ್ಮ ಮಾಸ್ಕ್ ಅನ್ನು ನಿಮ್ಮ ಕುತ್ತಿಗೆಯ ಪಕ್ಕ ಎಳೆಯುವುದು – ಯಾರೂ ಇಲ್ಲದಿರುವಾಗ ಮತ್ತು ನಮಗೆ ಸ್ವಲ್ಪ ಶುದ್ಧ ಗಾಳಿ ಬೇಕಾದಾಗ, ನಾವು ಮುಖವಾಡವನ್ನು ನಮ್ಮ ಕುತ್ತಿಗೆಯ ಪಕ್ಕ ಎಳೆಯುತ್ತೇವೆ. ನಮ್ಮ ಕುತ್ತಿಗೆ ಎಲ್ಲಾ ಸಮಯದಲ್ಲೂ ತೆರೆದಿರುವುದರಿಂದ ರೋಗಕಾರಕಗಳಿಗೆ ಮತ್ತು ಬೆವರು, ಕೊಳಕು ಮುಂತಾದವುಗಳಿಗೆ ಕಾರಣವಾಗಬಹುದು. ಅದೇ ರೀತಿ, ಮಾಸ್ಕ್ ಅನ್ನು ಹಣೆಯ ಮೇಲೆ ಎಳೆಯುವುದರಿಂದಲೂ ಅದೇ ಪರಿಣಾಮ ಬೀರುತ್ತದೆ. ಇದರ ಬದಲಾಗಿ ಆ ಸಮಯದಲ್ಲಿ ಮಾಸ್ಕ್ ಅನ್ನು ತೆಗೆಯುವ ಪ್ರಯತ್ನವು ರೋಗಗಳು ಮತ್ತು ಸೋಂಕುಗಳನ್ನು ತಡೆಗಟ್ಟಲು ನಮಗೆ ಸಹಾಯ ಮಾಡಬಹುದು.
ಸ್ವಚ್ಛತೆ – ಪ್ರತಿ ಬಳಕೆಯ ನಂತರ ನಾವು ನಮ್ಮ ಮಾಸ್ಕ್ ಅನ್ನು ತೊಳೆಯಬೇಕು ಅಥವಾ ಬಿಸಾಡಬೇಕು ಎಂದು ನಮಗೆ ತಿಳಿದಿದೆ. ಅದರೆ ಹೆಚ್ಚಿನ ಜನರು ನಮ್ಮ ಮಾಸ್ಕ್ ಕಲುಷಿತಗೊಂಡಿಲ್ಲ ಎಂದು ಭಾವಿಸುತ್ತಾರೆ ಮತ್ತು ಅದನ್ನೇ ಮತ್ತೆ ಮತ್ತೆ ಬಳಸುತ್ತಾರೆ.
ಪರಿಸರದಲ್ಲಿರುವ ಹಾನಿಕಾರಕ ಅಂಶಗಳು ನಾವು ಮಾಸ್ಕ್ ಅನ್ನು ಧರಿಸಿದಾಗ ಅದರ ಮೇಲ್ಮೈಯನ್ನು ಮತ್ತಷ್ಟು ಕಲುಷಿತಗೊಳಿಸುತ್ತದೆ. ಪ್ರತಿ ಬಳಕೆಯ ನಂತರ ಮಾಸ್ಕ್ ಅನ್ನು ವಿಲೇವಾರಿ ಮಾಡುವುದು ಅಥವಾ ಬಳಕೆಗಳ ನಡುವೆ ತೊಳೆಯುವುದು ಹೆಚ್ಚು ಸೂಕ್ತ. ಲಾಕ್ ಡೌನ್ ಸಡಿಲಿಕೆ ಬಳಿಕ ಅನೇಕ ಜನರಿಗೆ ಇಡೀ ದಿನ ಕಚೇರಿಯಲ್ಲಿ ದಿನ ಕಳೆಯಬೇಕಾಗಿದೆ ಅಥವಾ ಇಡೀ ದಿನ ಸಾರ್ವಜನಿಕ ಜಾಗದಲ್ಲಿರಬೇಕಾಗಿದೆ. ಅಂತಹ ಸಂದರ್ಭದಲ್ಲಿ, ಅವರು ದಿನವಿಡೀ ಫೇಸ್ ಮಾಸ್ಕ್ ಧರಿಸಬೇಕು. ಹಾಗಿದ್ದರೂ, ಅವರು ಅದನ್ನು ಬಳಸಿದ ಬಳಿಕ ತೊಳೆಯಲು ತಲೆಕೆಡಿಸಿಕೊಳ್ಳುವುದಿಲ್ಲ. ಅವರು ಒಂದು ಮುಖವಾಡವನ್ನು ಇಡೀ ದಿನ ಧರಿಸುತ್ತಾರೆ. ಪ್ರತಿ ಎರಡು ಗಂಟೆಗಳಿಗೊಮ್ಮೆ ನೀವು ನಿಮ್ಮ ಮುಖವಾಡವನ್ನು ಬದಲಾಯಿಸಬೇಕು / ತೊಳೆಯಬೇಕು / ಸೋಂಕುರಹಿತಗೊಳಿಸಬೇಕು ಎಂದು ತಜ್ಞರು ಸೂಚಿಸುತ್ತಾರೆ, ಇಲ್ಲದಿದ್ದರೆ ಅದು ಸೋಂಕುಗಳಿಗೆ ಕಾರಣವಾಗುವ ಸೂಕ್ಷ್ಮಜೀವಿಗಳು ಮತ್ತು ರೋಗಕಾರಕಗಳನ್ನು ಆಶ್ರಯಿಸುವ ಸಾಧ್ಯತೆಯಿದೆ. ಸೋಂಕುನಿವಾರಕಗಳನ್ನು ಉಸಿರಾಡುವುದು ಹಾನಿಕಾರಕವಾಗಿದೆ. ಅದರಲ್ಲೂ ವಿಶೇಷವಾಗಿ ಅಲರ್ಜಿ ಅಥವಾ ಆಸ್ತಮಾ ಇರುವ ಜನರಿಗೆ ಅಂತಹ ಮಾಸ್ಕ್ ಧರಿಸುವುದರಿಂದ ಅಪಾಯ ಹೆಚ್ಚು.
ಬಿಗಿಯಾದ-ನೇಯ್ಗೆ, ಹತ್ತಿ ಮುಖದ ಮಾಸ್ಕ್ ಪ್ರತಿ ಬಳಕೆಯ ನಂತರ ತೊಳೆದು ಒಣಗಿಸಬಹುದು. ಕೆಲವು ತಜ್ಞರ ಪ್ರಕಾರ, ಇದು ಧರಿಸಲು ಸೂಕ್ತವಾದ ಮುಖದ ಕವರ್ ಆಗಿದ್ದು, ಇದನ್ನು ತೊಳೆದು ಒಣಗಿಸುವುದರಿಂದ ರೋಗಕಾರಕಗಳ ಪ್ರವೇಶವನ್ನು ನಿರ್ಬಂಧಿಸುತ್ತದೆ.
