ದಕ್ಷಿಣ ಆಫ್ರಿಕಾದಲ್ಲಿ ಅಪಾಯಕಾರಿ ವೈರಸ್ ಪತ್ತೆ : ಇದು ಬ್ರಿಟನ್ ವೈರಸ್ ಗಿಂತ ಡೇಂಜರ್
ಕೊರೊನಾ ವೈರಸ್, ರೂಪಾಂತರಿ ಕೊರೊನಾ ವೈರಸ್ ನಿಂದಾಗಿ ಇಡೀ ಪ್ರಪಂಚ ಅಲ್ಲೋಲ ಕಲ್ಲೋಲವಾಗಿದೆ. ಕಳೆದೊಂದು ವರ್ಷದಿಂದ ಇಡೀ ವಿಶ್ವಕ್ಕೆ ಕಂಟಕವಾಗಿರುವ ಹೆಮ್ಮಾರಿಗೆ ಕಡಿವಾಣ ಹಾಕಲು ಸಂಶೋಧನೆಗಳು ನಡೆಯುತ್ತಲೇ ಇವೆ. ಅಲ್ಲಲ್ಲಿ ಕೆಲ ಲಸಿಕೆಗಳ ಬಳಕೆಗೆ ಅನುಮತಿ ನೀಡಿದ್ದರೂ, ಈವರೆಗೂ ಕೊರೊನಾಗೆ ನಿರ್ಧಿಷ್ಠವಾದ ಲಸಿಕೆ ಕಂಡುಹಿಡಿದಿಲ್ಲ.
ಇನ್ನು ಈ ಹೆಮ್ಮಾರಿ ವೈರಸ್ ಈವರೆಗೂ 18,68,893 ಜನರನ್ನು ಬಲಿ ತೆಗೆದುಕೊಂಡಿದೆ. 8,64,12,620 ಸೋಂಕಿಗೆ ತುತ್ತಾಗಿ ಸಾವು ಬದುಕಿನ ಮಧ್ಯೆ ನರಳಾಡುತ್ತಿದ್ದಾರೆ. ಇದಲ್ಲದೇ ಈ ಚೀನೀ ವೈರಸ್ ನಿಂದಾಗಿ ಬಹುತೇಕ ರಾಷ್ಟ್ರಗಳ ಆರ್ಥಿಕತೆ ಪಾತಾಳಕ್ಕೆ ಕುಸಿದೆ.
ಅದೆಷ್ಟೋ ಮಂದಿ ಜೀವನೋಪಾಯವನ್ನು ಕಳೆದುಕೊಂಡು ಬೀದಿಗೆ ಬಿದ್ದಿದ್ದಾರೆ. ಉದ್ಯೋಗ ಇಲ್ಲದೇ, ಮುಂದಿನ ದಾರಿ ಕಾಣದೇ ಯುವ ಪೀಳಿಗೆ ಕಂಗಾಲಾಗಿ ಹೋಗಿದೆ. ಈ ಎಲ್ಲಾ ಅನಾಹುತ, ಸಂಕಷ್ಟಗಳ ಮಧ್ಯೆ ದಕ್ಷಿಣ ಆಫ್ರೀಕಾದಲ್ಲಿ ಅಪಾಯಕಾರಿ ವೈರಸ್ ಒಂದು ಪತ್ತೆಯಾಗಿದೆ.
ಹೌದು..! ದಕ್ಷಿಣ ಆಫ್ರಿಕಾದಲ್ಲಿ ವಿಜ್ಞಾನಿಗಳು ಮತ್ತಷ್ಟು ಅಪಾಯಕಾರಿ ಕರೋನಾ ವೈರಸ್ ಅನ್ನು ಪತ್ತೆ ಮಾಡಿದ್ದಾರೆ. ಈ ವೈರಸ್ ಬ್ರಿಟನ್ ರೂಪಾಂತರಿ ವೈರಸ್ ಗಿಂತ ತುಂಬಾ ಡೆಂಜರ್ ಎಂದು ತಜ್ಞರು ಹೇಳಿದ್ದಾರೆ.
ಈ ಹೊಸ ಕೊರೊನಾಗೆ ತಜ್ಞರು `501 ಡಾಟ್ ವಿ2′ ಎಂದು ನಾಮಕರಣ ಮಾಡಿದ್ದಾರೆ. ಜೀನೋಮ್ ವಿಜ್ಞಾನಿಗಳ ತಂಡ ಈ ವೈರಸ್ ಅನ್ನು ಪತ್ತೆ ಹಚ್ಚಿದೆ.
ಇದು ವೇಗವಾಗಿ ವಿಸ್ತಾರಗೊಳ್ಳುತ್ತಾ, ಹೆಚ್ಚು ಅಪಾಯಕಾರಿಯಾಗಿ ಪರಿಣಮಿಸುತ್ತಿದೆ. ಎಲ್ಲಕ್ಕಿಂತ ಮುಖ್ಯವಾಗಿ ಈ ವೈರಸ್ ಹೆಚ್ಚಾಗಿ ಯುವ ಜನರಿಗೆ ಹೆಚ್ಚಾಗಿ ಕಾಡಲಿದೆ ಎಂದು ಹೇಳಿದ್ದಾರೆ.
ಇನ್ನು ಈ ವೈರಸ್ ಪತ್ತೆಯಾಗಿರುವ ಹಿನ್ನೆಲೆ ದಕ್ಷಿಣ ಆಫ್ರಿಕಾದಿಂದ ಯುಕೆಗೆ ಹೋಗುವ ಎಲ್ಲ ವಿಮಾನಗಳನ್ನು ರದ್ದುಗೊಳಿಸಲಾಗಿದೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
