ಸೈಲೆಂಟ್ ಕಿಲ್ಲರ್ ಅಕ್ಸರ್ ಪಟೇಲ್ ಅಪರೂಪದ ಸಾಧನೆ..!
ಸೈಲೆಂಟ್ ಆಗಿಯೇ ಟೆಸ್ಟ್ ಕ್ರಿಕೆಟ್ ಗೆ ಪದಾರ್ಪಣೆ ಮಾಡಿರುವ ಅಕ್ಸರ್ ಪಟೇಲ್ ಅಚ್ಚರಿಯ ಸಾಧನೆ ಮಾಡಿದ್ದಾರೆ.
ಎಲ್ಲರಿಗೂ ಗೊತ್ತಿರುವ ಹಾಗೇ ಅಕ್ಸರ್ ಪಟೇಲ್ ಅವರು ತನ್ನ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ ಐದು ವಿಕೆಟ್ ಗಳ ಗೊಂಚಲು ಪಡೆದಿದ್ದಾರೆ. ಎರಡನೇ ಇನಿಂಗ್ಸ್ ನಲ್ಲಿ ಅಕ್ಸರ್ ಪಟೇಲ್ ಐದು ವಿಕೆಟ್ ಪಡೆದ್ರೆ, ಮೊದಲ ಇನಿಂಗ್ಸ್ ನಲ್ಲಿ ಎರಡು ವಿಕೆಟ್ ಕಬಳಿಸಿದ್ದಾರೆ ಅದ್ರಲ್ಲೂ ಜಾಯ್ ರೂಟ್ ವಿಕೆಟ್ ಪಡೆಯುವ ಮೂಲಕ ಗಮನ ಸೆಳೆದಿದ್ದಾರೆ.
ಚೆನ್ನೈ ನಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯದಲ್ಲಿಟೀಮ್ ಇಂಡಿಯಾ 317 ರನ್ ಗಳ ಭರ್ಜರಿ ಜಯ ಸಾಧಿಸಿ ಸರಣಿಯಲ್ಲಿ ಸೇಡು ತೀರಿಸಿಕೊಂಡು ಅಂತರವನ್ನು 1-1ರಿಂದ ಸಮಗೊಳಿಸಿದೆ.
ಈ ನಡುವೆ, ಅಕ್ಸರ್ ಪಟೇಲ್ ಈ ಟೆಸ್ಟ್ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿ ದಿಗ್ಗಜರ ಸಾಲಿಗೆ ಸೇರಿಕೊಂಡಿದ್ದಾರೆ.
ಹೌದು, ಚೊಚ್ಚಲ ಟೆಸ್ಟ್ ಪಂದ್ಯದಲ್ಲಿ ಐದು ವಿಕೆಟ್ ಪಡೆದ ಭಾರತೀಯ ಬೌಲರ್ ಗಳ ಪೈಕಿ ಅಕ್ಸರ್ ಪಟೇಲ್ ಆರನೇಯವರಾಗಿದ್ದಾರೆ.
ಕಳೆದ ಎರಡು ದಶಕದಲ್ಲಿ ಈ ಸಾಧನೆ ಮಾಡಿದ ಮೂರನೇ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಚೊಚ್ಚಲ ಟೆಸ್ಟ್ ಪಂದ್ಯದಲ್ಲಿ ಐದು ವಿಕೆಟ್ ಪಡೆದ ಬೌಲರ್ ಗಳು ಇವ್ರು..!
1960/61- ವಾಮನ್ ಕುಮಾರ್ ಪಾಕಿಸ್ತಾನ ವಿರುದ್ಧ 64ಕ್ಕೆ 5
1979/80 – ದಿಲೀಪ್ ದೋಶಿ ಆಸ್ಟ್ರೇಲಿಯಾ ವಿರುದ್ಧ -103ಕ್ಕೆ 6
1987/88- ನರೇಂದ್ರ ಹಿರ್ವಾನಿ ವೆಸ್ಟ್ ಇಂಡೀಸ್ ವಿರುದ್ಧ – 61ಕ್ಕೆ8, 75ಕ್ಕೆ8
2008/9- ಅಮಿತ್ ಮಿಶ್ರಾ ಆಸ್ಟ್ರೇಲಿಯಾ ವಿರುದ್ಧ 71ಕ್ಕೆ5
2011/12- ಆರ್, ಅಶ್ವಿನ್ ವೆಸ್ಟ್ ಇಂಡೀಸ್ ವಿರುದ್ಧ 47ಕ್ಕೆ6
2020/21- ಅಕ್ಸರ್ ಪಟೇಲ್ ಇಂಗ್ಲೆಂಡ್ ವಿರುದ್ಧ 60ಕ್ಕೆ5
