ನಟಿ ಕಂಗನಾಗೆ ಟೈಮ್ ಸರಿ ಇಲ್ಲ…. ಟ್ವಿಟ್ಟರ್ ಬೆನ್ನಲ್ಲೇ ಇನ್ಸ್ಟಾಗ್ರಾಂನಲ್ಲಿಯೂ ಅವಮಾನ… ಇನ್ಸ್ಟಾದಲ್ಲೂ ಹೆಚ್ಚು ದಿನ ಇರಲ್ಲ..?
ಮುಂಬೈ : ಬಾಲಿವುಡ್ ನ ಕಾಂಟ್ರವರ್ಸಿ ಕ್ವೀಟ್ ಕಂಗನಾಗೆ ಯಾಕೋ ಇತ್ತೀಚೆಗೆ ಟೈಮ್ ಸರಿ ಇಲ್ಲ ಅಂತ ಕಾಣುತ್ತೆ. ಸದಾ ವಿವಾದಾತ್ಮಕ ಹೇಳಿಕೆಗಳನ್ನೇ ಕೊಡುತ್ತಾ ಬೇಡದೇ ಇರುವ ವಿಚಾರಗಳಲ್ಲೇ ಮೂಗು ತೂರಿಸಿ ಸುದ್ದಿಯಲ್ಲಿರುತ್ತಿದ್ದ ಕಂಗಾನಗೆ ಇತ್ತೀಚೆಗೆ ಟ್ವಿಟ್ಟರ್ ನಿಂದ ಸಾಶ್ವತವಾಗಿ ಗೇಟ್ ಪಾಸ್ ಕೊಡಲಾಗಿದೆ… ಬಳಿಕ ಇನ್ಸ್ಟಾ ಹಾಗೂ ಕೂ ಆಪ್ ನಲ್ಲಿ ಈ ನಟಿ ಆಕ್ಟೀವ್ ಆಗಿದ್ದಾರೆ..
ಆದ್ರೆ ಇತ್ತೀಚೆಗೆ ಕಂಗನಾ ಹಾಕಿದ್ದ ಪೋಸ್ಟ್ ಒಂದನ್ನ ಇನ್ಸ್ಟಾಗ್ರಾಂನಿಂದ ಡಿಲೀಟ್ ಮಾಡಲಾಗಿದೆ. ಇತ್ತೀಚಿಗೆ ಕೊರೊನಾ ಬಗ್ಗೆ ಕಂಗನಾ ಮಾಡಿದ್ದ ಪೋಸ್ಟ್ ಅನ್ನು ಇನ್ಸ್ಟಾಗ್ರಾಮ್ ಡಿಲೀಟ್ ಮಾಡುವ ಮೂಲಕ ಆಘಾತ ನೀಡಿದೆ. ಹೀಗೇ ಆದ್ರೆ ಕಂಗನಾಗೆ ಇನ್ಸ್ಟಾಗ್ರಾಮ್ ನಲ್ಲೂ ಹೆಚ್ಚು ದಿನಗಳ ಕಾಲ ಉಳಿಗಾಲ ಇಲ್ಲ ಎನಿಸುತ್ತಿದೆ. ಕೊರೊನಾ 2ನೇ ಅಲೆ ಭೀಕರತೆಗೆ ಇಡೀ ದೇಶ ತತ್ತರಿಸಿ ಹೋಗಿದೆ. ಅನೇಕ ಸಿನಿಮಾ ಸೆಲೆಬ್ರಿಟಿಗಳಿಗೂ ಕೊರೊನಾ ಪಾಸಿಟಿವ್ ಬಂದಿದೆ. ಇತ್ತೀಚಿಗೆ ನಟಿ ಕಂಗನಾಗೂ ಕೊರೊನಾ ಸೋಂಕು ತಗುಲಿದ್ದು, ಈ ಬಗ್ಗೆ ಇನ್ಸ್ಟಾಗ್ರಾಮ್ನಲ್ಲಿ ಬಹಿರಂಗ ಪಡಿಸಿದ್ದರು.
ದೇಶದಲ್ಲಿ ಕೊರೊನಾದಿಂದ ಸಾವಿರಾರು ಮಂದಿ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಇಂಥ ಸಮಯದಲ್ಲಿ ಕೊರೊನಾ ‘ಸಣ್ಣ ಜ್ವರ ಅಷ್ಟೇ’ ಎಂದು ಜನರ ದಾರಿ ತಪ್ಪಿಸುವ ಕೆಲಸ ಮಾಡುತ್ತಿದ್ದಾರೆ ಎಂದು ಅನೇಕರು ವಿರೋಧ ವ್ಯಕ್ತಪಡಿಸಿದ್ದರು. ಕಾಮೆಂಟ್ಗಳ ಮೂಲಕ ಕಂಗನಾರನ್ನು ತರಾಟೆ ತೆಗೆದುಕೊಂಡಿದ್ದರು. ಹೀಗಾಗಿ ಕೆಲವೇ ಕ್ಷಣದಲ್ಲಿ ಇನ್ಸ್ಟಾಗ್ರಾಮ್ ಆ ಪೋಸ್ಟ್ ಅನ್ನು ಡಿಲೀಟ್ ಮಾಡಿದೆ.
ಆದ್ರೆ ಕಂಗನಾ ಮಾತ್ರಾ ಇಷ್ಟಕ್ಕೆ ಸುಮ್ಮನಾಗಿಲ್ಲ. ಎಷ್ಟೇ ಆಗಲಿ ಕಂಗನಾ ಸುಮ್ಮನಾಗಿ ಕೂರುವಂತಹವರ ಲಿಸ್ಟ್ ಗೆ ಸೇರೋರಲ್ಲ.. ಬಳಿಕ ಈ ಬಗ್ಗೆ ಕಂಗನಾ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬರೆದುಕೊಂಡಿರುವ ಕಂಗನಾ. ನಾನು ಕೋವಿಡ್ ನಾಶಮಾಡುತ್ತೇನೆ ಎಂದು ಹಾಕಿದ್ದ ಪೋಸ್ಟ್ನಿಂದ ಅನೇಕರಿಗೆ ಅಸಮಾಧಾನವಾಗಿದೆ. ಅದರಿಂದ ನನ್ನ ಪೋಸ್ಟ್ ಅನ್ನು ಇನ್ಸ್ಟಾಗ್ರಾಮ್ ಡಿಲೀಟ್ ಮಾಡಿದೆ. ಟ್ವಿಟ್ಟರ್ನಲ್ಲಿ ಭಯೋತ್ಪಾದಕರು ಮತ್ತು ಕಮ್ಯುನಿಸ್ಟ್ ಗಳಿಗೆ ಬೆಂಬಲ ಕೊಡುವುದನ್ನು ನೋಡಿದ್ದೆ. ಆದರೆ ಇನ್ಸ್ಟಾಗ್ರಾಮ್ನಲ್ಲೂ ಕೋವಿಡ್ ಫ್ಯಾನ್ ಕ್ಲಬ್ ಇರುವುದು ಅದ್ಭುತ. ನಾನು ಇನ್ಸ್ಟಾಗ್ರಾಮ್ ಗೆ ಬಂದು 2 ದಿನಗಳಾಯ್ತು. ಇಲ್ಲಿ ಒಂದು ವಾರಕ್ಕಿಂತ ಹೆಚ್ಚು ಕಾಲ ಇರುತ್ತೇನೆ ಎಂದು ನನಗೆ ಅನಿಸುತ್ತಿಲ್ಲ ಎಂದು ಹೇಳಿದ್ದಾರೆ.
