ತನ್ನ ವೆಬ್ ಸೈಟ್ ನಿಂದ 1000 ಕೋಟಿ ನಕಲಿ ಫೋನ್ ನಂಬರ್ ಗಳನ್ನ ಬ್ಲಾಕ್ ಮಾಡಿದ ಅಮೇಜಾನ್..!
E – ಕಾಮರ್ಸ್ ಮಾರುಕಟ್ಟೆ ದೈತ್ಯ ಎನಿಸಿಕೊಂಡಿರುವ ಅಮೆಜಾನ್ ಸಂಸ್ಥೆಯು ತನ್ನ ವೆಬ್ ಸೈಟ್ ನಿಂದ್ ಬರೋಬ್ಬರಿ 1000 ಕೋಟಿ ನಕಲಿ ಫೋನ್ ನಂಬರ್ ಗಳನ್ನ ಡಿಲೀಟ್ ಮಾಡಿರುವುದಾಗಿ ಹೇಳಿಕೊಂಡಿದೆ. ಕಳೆದ ವರ್ಷ ತನ್ನ ವೆಬ್ಸೈಟ್ನಿಂದ 1000 ಕೋಟಿ ನಕಲಿ ಫೋನ್ ನಂಬರ್ ಗಳನ್ನು ಬ್ಲಾಕ್ ಮಾಡಲಾಗಿದೆ ಎಂದು ಅಮೆಜಾನ್ ಅಧಿಕೃತ ಮಾಹಿತಿ ನೀಡಿದೆ. 2019ರಲ್ಲಿ ಈ ಬಗ್ಗೆ ಪತ್ತೆ ಹಚ್ಚಲು ಅಮೆಜಾನ್, ಹೊಸ ತಂತ್ರಜ್ಞಾನವನ್ನು ಅಳವಡಿಸಿತ್ತು.
ಈ ಬಳಿಕ ಅಮೆಜಾನ್ ನಕಲಿ ಖಾತೆಗಳ ನಿಗ್ರಹ ಸಂಬಂಧಿತ ಮೊದಲ ವರದಿಯನ್ನು ಬಿಡುಗಡೆ ಮಾಡಿತು. ಇದರಲ್ಲಿ ನಕಲಿ ಫೋನ್ ನಂಬರ್ಗಳ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಲಾಗಿದೆ. 2019ಕ್ಕೆ ಹೋಲಿಸಿದರೆ ಕಳೆದ ವರ್ಷ ಶೇಕಡ 67ರಷ್ಟು ನಕಲಿ ಸಂಖ್ಯೆಗಳನ್ನು ಬ್ಲಾಕ್ ಮಾಡಲಾಗಿದೆ. ಈ ಕೋವಿಡ್ ಪಿಡುಗಿನ ಸಂದರ್ಭದಲ್ಲಿ ಹೆಚ್ಚಿನ ಗ್ರಾಹಕರು ಆನ್ ಲೈನ್ನಿಂದ ಖರೀದಿಗಳನ್ನು ಮಾಡುತ್ತಿದ್ದಾರೆ.
ಇದನ್ನೇ ಬಂಡವಳನ್ನಾಗಿ ಮಾಡಿಕೊಂಡಿರುವ ನಕಲಿ ಮಾರಾಟಗಾರರು ಗ್ರಾಹಕರಿಗೆ ಮೋಸ ಮಾಡಿ ಲಾಭವನ್ನು ಪಡೆಯಲು ಪ್ರಯತ್ನಿಸುತ್ತಾರೆ ಎಂದು ಅಮೆಜಾನ್ ಹೇಳಿದೆ. ಅಮೆಜಾನ್ ಕಳೆದ ಹಲವಾರು ವರ್ಷಗಳಿಂದ ಈ ಸಮಸ್ಯೆಯನ್ನು ಎದುರಿಸುತ್ತಿದೆ. ಸಂಸ್ಥೆಯ ಘನತೆಗೆ ಇದರಿಂದ ಧಕ್ಕೆ ಉಂಟಾಗಿದೆ. ತಮ್ಮ ಬ್ರ್ಯಾಂಡ್ಗಳ ನಕಲಿ ವಸ್ತುಗಳನ್ನು ವೆಬ್ಸೈಟ್ನಲ್ಲಿ ಮಾರಾಟ ಮಾಡಲಾಗುತ್ತಿದೆ ಎಂಬುದನ್ನು ಅರಿತ ಬ್ರ್ಯಾಂಡ್ಗಳು ಅಮೆಜಾನ್ ಜತೆ ಕೈಜೋಡಿಸಲು ಹಿಂಜರಿಯಬಹುದು. ಅಲ್ಲದೆ ಗ್ರಾಹಕರೂ ಕೂಡ ಅಮೆಜಾನ್ ಮೇಲಿನ ಭರವಸೆಯನ್ನು ಕಳೆದುಕೊಳ್ಳಬಹುದು ಎಂದು ಸಂಸ್ಥೆ ಹೇಳಿದೆ.